رواية:" رجفة قلوب اسود الصحراء..~

...تابع...

في قبيلة الشيخ متعب استقبل الشيخ اخته الي كانت عايشه بقبيله ثانيه ورجعت الحين عند اخوها بعد ماتوفى زوجها ومعها بنتها هند
الشيخ امر ينبنا لاخته بيت شعر قريب مند بيته ووعد اخته انها تكون هي وبنتها تحت عهدته
بعد ماخلصو من بنا البيت طلع سعود وراح لسويري ونده عليه من عند باب البيت
طلعت سويره لسعود
سويره:ياهلا ياسعود اقلط
سعود:لا ماودك تجي معي ندور حول المرعى
سويره:بودي ياسعود مير خيتي هبلت بي من الصبح وانا افهمها انها لزوم ماتطلع من البيت
سعود:اييه جبها عند الهنوف خيتي
سويره :لا ماودي اكلف عليها وانا شايف ان عندها ضيوف
سعود:ايه ذي اخت الشيخ ترملت وجايه تعيش بكنف اخوها
سويره:والله ان الشيخ متعب رجال كريم وراعي فضل كبير وانا ياخوي مستحي منه لاجل اني ماجيت بمجلسه
ابتسم سعود:لا ماعليه انا قلتله انك ملزوم باختك ومنت قادر تجي للمجلس
سويره:والله ان ضايقا صدري وودي اركب الفرس وادور بيها مير ماني عارف اتركها لحالها
سعود بخبث:وش رايك ياسويري نجوزك بنيه من بناتنا مزيونه لجل تظل مع اختك بالبيت
سويره وهي تحك راسها باحراج:وكاد ان ذا هو الحل الزين مير انا ماودي ابلا بنات الناس بمهبوله
ضحك سعود بصوت عالي وهو يحط ايده على كتف سويره وسويره ماكانت فاهمه هو ليه يضحك
ورفعت ايدها ونزلت ايده من على كتفه
سعود:اااه ياسويري والله اني احبك
رجف قلب سويره للكلمه وخافت وجها يحمر قدام سعود
سويره:امش امش انت ماوراك الا الضحك ذا
التفتت عنه وراحت لداخل
سويره"وكاد اني انهبلت هو قال يحب سويري مهب سويره وش دراه هو بسويره بالاصل
جلست سويره جنب اختها
نجلا:سويره وش بج
سويره:مابي شي
سعود كان وده اياني اروح معه حول المرعى
نجلا:ايه ودج تروحي
سويره:ايه اشلون اروح وانا عندي مهبوله بالبيت
نجلا:المهبوله اربطها بعمود البيت واتركها
سويره:ايه لجل يجي الي نفسه شينه ويدخل عليها
نجلا:اييه ترا لمهبوله مهبوله لاكنها قادره تدافع عن نفسها
سويره:لا يانجيله ماودنا نريق الدم هنيا حنا ودنا اياهم يساعدونا لجل نلقى العنود وبعدها نرجع لمكانا او انشوف لنا مكان ثاني
بس تعرفي يانجيله ..صحيح لما يكون الوحد في حمى قبيله ينام مرتاح لاكن حنا مانخلقنا نعيش بالخيام حنا تعودنا على ركوب الفرس وننطلق بذي الصحرا متخيل حالي بيوم اظل بالبيت زي الحريم ..
نجلا:هذانت ياخيه صارلك يومين منحبسه
سويره:ايه لجل هيج اقول لك ماودي اظل اكثر من هيج ودي اطلع للفضى
نجلا:اجل خلينا نطلع سوا


بالمسى كان الشيخ سند لحاله في مجلسه بعد ماراح عنه سلطان والمقهوجي ..كان متكي بجلسته وسرحان بفكره وعينه على دخان النار الي قدام البيت
جت العنود ووقفت قدام بيت الشعر بطرفه
اتجه لها نظر سند وهو متخيل ان هذا مجرد خيال لها لاكن الخيال ماراح وظل واقف بمكانه
اتقدمت العنود بخطوتين لداخل بيت الشعر وهي تناظر بالمكان
اخيرا تاكد سند ان هذي هي العنود نفسها قام واقف وهو يناظرها بنظرات استغراب وتقدم منها حتى وقف قدامها وعيونه تناظر وجها الي كان باين عليه البكا كانت نظراتها بعيد عنه رفع ايده وحطها تحت وجهها ورفعه له حطت بعدها العنود نظرها بنظره وسالت دمعه من عينها وقفت قريب شفايفها ومن دون مايدري سند رفع ايده الثانيه ومسحها
سند:قوليلي وش فيها عنود السيح ؟
انهمرت بعدها دموع العنود اكثر
العنود:وشلون دريت بنجيله وسويره؟
سند ظل يناظرها بدون مايرد عليها
العنود:ماودك اتقول؟
سند:اييه ماودي
مسكت العنود ايد سند الي رافعه وجها له
العنود:ارجاك تقول لي هي سويره بعدها حيه ماماتت
تفاجئ سند بسوالها وظل ساكت
العنود:ليه ماودك تقول لي وكاد انك داري بيها ليه ماودك تقول
سند :وشلون هي ماتت
العنود:انتو قتلتوها بالوادي
سند:انتي تقصدي اخوك هو مره بعد
العنود بدت تثير:انت وش الي تعرفه
سند:شلون الشيخ متعب يترك نسوانه تسترجل مابه رجال يردعوكن
العنود:من هو الشيخ متعب
سند باستنكار:لاتنكري انا دريت من الفرس الي جيتي فيها انها لقبيلة الشيخ متعب
العنود:انت ليه ماودك تريحني.. سويره ونجيله بديرة الشيخ متعب ؟
سند:انت وش سالفتك وش الي جاب فرس قبيلت الشيخ متعب معج
ضربت العنود بقبضة ايديها صدر سند
العنود:ليه ماودك تقول لي هي سويره ماتت ولا لا
مسك سند ايديها وبدت العنود تبكي
العنود:انت تقول انك قادر تجيبها اشلون تجيبها وهي ميته
ليه ماودك تريحني
سند:انا مدري عنها حيه ولا ميته
العنود:وشلون اجل دريت بيها
وشلون تقول انك قادر تجيبها ودك اياني اكون تحت شورك ..نجوم السما اقرب لك ياشيخ والله انك اتشوف مني من اليوم ورايح الي مايسرك واني اظل اعند من الاول واخليك تندم على اليوم الي خليتني فيه عايشه بديرتك
كانت العنود تقاومه بايديها الي تحاول تظرب بهن صدره الاانه احكم مسكته عليهن
سند:اعقلي اعقلي وتجنبي شري ترا معاد بي صبر عليج
صرخت العنود:اتركني اتركني
سند:اسكتي انت ناويه تلمي اهل القبيله
العنود:معاد يهمني شي بالاوله كان ودي اهرب لاكن الحين معاد افكر بشي غير اني اخليك تطلع عن طورك
سند سحب العنود لعند عمود الخيمه ولف ايديها وراها وربطها بالعمود وهو يقول:لييه هو انا اصلا ماطلعت عن طوري قدني من زمان طالع من يوم مامسكت مشيخة القبيله ذي وانت جايه من فوقهم
العمه دخلت عليهم بعد ماسمعت صراخ العنود
العمه:سند ياولدي وش الي صار
سند وهو واقف يكمل رباط ايديها : وش بقا ياعمه وش بقا انا معاد بي صبر عليها كل الي سويته ولا منه فايده
العمه:العنود وش الي صار يابنيتي
العنود:اني مهب ببنيتك ياعجوز النار وبلحضة غضب امسك سند العنود برقبتها وضغط عليها حتى حست انها بدت تفقد نفسها والعمه تترجاه لجل يتركها
بعدها ارخى سند يده ومازال ماسك رقبتها
سند:ليه ليه تحديني على شي ماودي اسويه وش جاج من العمه مهب هي الي كنتي تبكي بحضنها وتقولي لها تاخذك معها ..مهب هي الي قالت خذو مالي وحلالي كله لجلج
انسابت دموع العنود وسالت على ايدين سند
العنود:انت ليه ماودك تقول لي وشلون دريت بسويره ونجيله ..وهي السوري بعدها عايشه
فقدت بعدها العنود وعيها وسند سند لراسها على صدره وفك رباطها
سند:ياعمه ياعمه
شال سند العنود وهو يحس بروحه طلعت منه وراح ابها لشقه وحطها على فراشه والعمه وراه
العمه:انت وش الي سويته بيها
سند:ياعمه انا ..انا ارجاج ياعمه تجي تشوفي هي وش الي جاها
قربت العمه وجلست جنب العنود وسند بجنبها الثاني

¤¤
¤¤

الجزء الحادي عشر...


جلس سند جنب العنود يناظرها والعمه تحاول معها لجل تصحى
ناظرت العمه سند
سند:وش بج ياعمه صار لها شي
العمه:ودي اياك ياسند تروح لبيتي تجيب صره بالصندوق الي بطرف البيت عجل ياولدي
ماكملت العمه حجيها الا وسند طالع بالسرعه
ناظرت العمن العنود"انا متوكده انج بنت الغالي وخايفه اتوكد اكثر اعلمج بعدها وانتي لسه بعدج كاره الديره ..لزوما اصبر ليمن تتقبلي وترضي بينا "
دخل سند ومعه طلب العمه خذتها العمه وقربتها من العنود لجل تشمها وتقوم لاكنها ماتحركت
سند:وش فيها ياعمه ليه ماودها تقوم؟
هزت العمه راسها:ذي سواياك وش تريدني اسوي
سند:ارجاج ياعمه حاولي معها والله انه ماكان ودي اسوي هيج مير انتي تدري بحالي وهي بعد لها يد بالي صار
العمه:ياولدي قلتلك اتركها لحالها
سند:وشلون ياعمه وهي الي جتني تسال عن وحدتن تنقال لها نجيله والثانيه سويره
العمه:من ذيلا وليه تسالك عنهن؟
سند:مدري ياعمه سمعت منها مره وهي محمومه تهذي بيهن
العمه:وش كانت تقول؟
سند:هي كانت تستسمح منهن ..والي عرفته ياعمه ان اخوها الي اقتلوه جماعة مفلح ماهي الا اختها والي هي اسمها سويره
العمه بخوف:قتلوها وشلون اخوها وهي بنت
سند :مدري عنهن ياعمه ومدري ليه لابسات لبس الرجال
العمه:وهو مات قصدي ماتت
سند:مدري العنود نفسها متدري وش صار على اختها
العمه:ياجهد البلا ..ياسند ياولدي لزوما تبعث مطاريش لجل يسالو ويشوفو وش الي صار
سند:انا ياعمه ارسلت من يسال عن الفرس الي جت بيها وطلعت لقبيلة الشيخ متعب
اخذت العنود نفس طويل وناظرها سندوبعدها ناظر عمته
سند:عمه بعدها حيه ياعمه
العمه:الحمد لله
العنود:مي اريد مي
وقف سند وعاد بالمي وجلس جنبها واسند راسها لجل تشرب من المي والعنود ماتدري من هو الي يساعدها بشرب المي بعدها العنود نامت
وظل سند يناظرها لفتره بعدها استرخص من العمه لجل تبات عندها وراح لمجلسه وظل يهوجس ويفكر حاله حال كل ليله يفكر بعنود السيح
‏"يالي تدور مايزيد التياعي .. خليت قلبي يرتجف بين لاضلاع اصبح علي الصبح مانمت واعي "
دخل سند باليوم الثاني على العمه والعنود الي بعدها نايمه وحصل العمه واقفه
سند:على وين ياعمه
العمه:ودي اروح اقضي لي حاجات واجيب فطور واجي
راحت العمه وظل سند واقف يناظر العنود
بعدها بفتره فتحت العنود عيونها وكان سند متكي جنبها يناظرها لاكنها عاودت ونامت مرتن ثانيه ..وبعد نصف ساعه فتحت العنود عيونها وشافته على حاله يناظرها..وبعد ماتوكدت العنود من الي تشوفه قفزت جالسه
العنود:وش اتسوي هنيا؟
ناظرت بعدها بالمكان الي هي فيه
العنود:وشلون انا جيت اهنيا
اعتدل سند بجلسته وهو مازال ايناظرها اما العنود فجلست تناظر بالمكان وتحاول تذكر وش الي صار لها..بعدها مسكت رقبتها بايديها وهي تذكر الي صار
سند قام وهو مهب متقبل حركتها ذي الي ذكرته بالي صار البارح
لمت العنود ركبها لصدرها وظلت جالسه تفكر بالي صار لها
بديره الشيخ متعب
كانت هند بنت اخت الشيخ جالسه عند خالها بمجلسه بالصباح قبل لاتجيه الرجال ..دخل عليهم سعود الي طاحت عينه على هند
سعود:صبحك الله بالخير ياعمي
الشيخ:اقلط اقلط ياولدي مابه حد اهنيا غريب
وقفتهند لجل تروح لاكن الشيخ منعها:اقعدي يابنتي سعود مهوب غريب سعود مثل اولدي تربى على ايدي
ناظرت هند سعود:ايه ياخال ودي اروح لامي وكاد انها تبيني ذلحين
الشيخ:براحتج
هند:ارخصولي
راحت هند ونظرات سعود تتبعها
الشيخ:سعود
رجع سعود بنظره لعمه:ايه ياعمي وش بك
ضحك الشيخ:وش بك..وش بلا عيونك تفرفر ورا لبنيه
ضحك سعود:انا ياعمي عيوني تفرفر
الشيخ:اييه اجل من ياسعود
سعود:السموحه ياعمي وكاد ان عويناتي نست انهابنت اخت الشيخ
الشيخ:لا ياسعود المره ذي انا ودي اياك تشوف لجل تقولي وش رايكبالبنيه
سعود باندفاع:مزيونه ياعمي...اقصد يعني انت وش بخاطرك
الشيخ:ودي اياك تجوز ياسعود لجل نفرح بعيالك
ابتسم سعود لعمه وهو جايزه له الفكره
سعود :امهلني ياعمي افكر وانا ارد عليك
الشيخ:ايه ودي افرح بيك قريب
سعود:يصير خير ياعمي لزوما بالاول اخلص حاجة رفيجي سويري ونحصل اخوه وبعدها نسوي الي تريده
الشيخ: خبر خويك ان اليوم جاينا شيخ كبير عنده معرفه بالقبايل الي تسكن وراء الجبال السود..وكاد يعلمنا بالفرسان الي لقيتوهم بالودي
سعود:اجل ارخص لي لجل اروح واخبره
اخبر سعود سويره بالي عمه قاله له وفرحت سويره
سويره:اسمع ياسعود ..ودي اروح الف بظهر الفرس لجل اروح عن حالي من الجلسه بالبيت
سعود:وخيتك ياسويري
سويره:هي ذلحين نايمه
سعود:اجل امش انت وانا رايح اجيب فرسي
عند المكان الي دايما يجتمعو فيه سعود وحمود وربعهم وقفو سويري وسعود ونزل سعود وهو يصرخ
سعود:الحق ياحمود الحق
حمود:وش الي صار
ناظر حمودسويره واعتقد ان نجيله صاير بها شي (انهبل الرجال)
حمود:وش الي صايرياسويري
سويره:ماصارشي اسال خويك وش به
حمود:وش بك ياسعود
سعود:شفتها ياحمود شفتها
حمود:من هي؟
سعود:الي بت ليلي البارح اهوجس بيها اشلون ودي اشوفها
حمود:سود الله وجهك وش ذا الهرج انت ماتستحي
سعود:ههههههه لا وزيدك من الشعر بيت عمي الشيخ وده اياني اتزوجها
حمود:تتزوج بنت اخت الشيخ ؟
سعود:اييه قريب خويك يتركك انت والمهبل ذولا ويفتح بيت لحاله
ظل سعود وحمود يتحجون وماحس سعود بسويره الي سحبت حالها من الصدمه ورجعت لعند اختها
دخلت سويره عند نجلا ووجهها مابه لون نجيله حست ان سويره بيها شي
نجيله :سويره وش بج
سويره دخلت بفراشها وتغطت:مابي شي ارجاج ياخيه اتركيني لحالي..
كشفت نجلا اللحاف من على سويره وشافت دموعها بعيونها
نجلا:سويره ليه تبكي عرفتي شي عن العنود؟
هزت سويره راسها :اتركيني ارجاج تتركيني لحالي
نجلا:ودي اعرف وش بج
سويره:مابي شي مابي شي
واجهشت سويره بالبكا
نجله بدت دموعها تنزل:ياخيه ارجاج تقولي لي وش صاير
مسحت سويره دموعها وجلست وضمت نجله: مابه شي مير اني كارهه الحال الي حنا بيه
سعود من الخارج:سويري ياسويري
‏ هزت سويره راسها بقصد انها ماودها تطلع له
همست لها نجلا :اجل سعود هو السبب
سويره:اسكتي اسكتي
قامت سويره: وش تريد ياسعود
سعود:وش الي صار ياسويري ليه ترجع وماتخبرني
سويره:انشغل بالي باختي ورجعت
سعود بضيق:اطلع لي ياسويري ودي اتحجا معك
سويره:مرتن ثانيه ياسعود انا ذلحين ملتهي مع الهبيله
صرخت نجيله :ليه تقولي هبيله انامهب هبيله
سويره:اسكتي
نجيله:اييييه
سعود:براحتك ياسويري اعاود لك مرتن ثانيه
راح سعود وهومستغرب ليه سويره رجعت بدون ماتخبره وش الي ماعجبها بكلامه
‏"تكون البنت تهواك ياسعود لا لا وشلون وانا مافكر فيها شلون افكر بمره مرجلانيه ..انا واحدا احب الزين والبنت الدلوع ..البنيه ذي انهبلت وكاد لو كانت تفكر بي ..هي ماتعني لي شي انا الي اعرفه هو سويري وهو الي ساعدني ولزوما ارد له جميله واجمعه مع اخوه"

دخل سند على العنود وقامت العنود:انت وش تريد ليه جايبني هنيا
سند:اجل وين ودج اوديج..ألعمه وزعلها حجيج عليها البارحه بعد كل الي ساوته لج ..ودج اياني اوديج عند سويلم الراعي ولا اخليج تدوري بالقبيله وبعض النسوان حاقده عليج لجل انج طخيتي رجالها ولوما الله كتب لهم حياه ثانيه قدهن اهنيا ..والعالم الله وش راح يسون بيج
العنود:ماجبتها امها الي تقدر تلمس مني شعره مني
سند:ايه بذي صادقه ..تدري ليه لانج ملك للشيخ..ترى حلالي وحلال عمتي واحد
العنود:نجوم السما اقربلك مني ..العنود حره مهب ملك لاحد
سند:قريب ياعنود السيح قريب تعرفي من هي اقرب لي نجوم السماء ولا انتي
دخلت العمه وركضت لها العنود كلعاده تحتمي بيها لجل تبتعد من سند وتهديداته الي بدت تخاف منها
¤¤
¤¤
¤¤

تابع الجزء الحادي عشر


ظلت سويره طول فترت الظهيره وهي تفكر
بحالها وكيف ان معرفتها بسعود غيرت بشخصيتها كثير وكيف انها بذي السرعه تعلقت بيه وحبته وهي طول عمرها ماكانت من النوع الي يفكر يحب وسعود من حقه يتزوج الي وده اياها لانه بالاوله مايدري عنها وهي لزوما تتجاهل اللي تحسه ناحية سعود
بالعصير وقفت سويره ولبست لباسها وتحزمت بحزام سلاحها وطلعت القاروره الصغيره الي بيها البودره الي تحطها سويره لجل تظل بلون السمار
نجيله:تدري يا سويري انك لو تحط الي بوجهك هذا الا ان بيك زين يفتن البنات
سويره ماردت على نجيله
نجيله:وش بك ياسويري
سويره:عناد لزوما يعاود لاسعود ولا عشره
منه يقدرو يعوضوني عنه
نجيله :اييييييييييييه انت وشبك اليوم
سويره :بي حسره على اخوي لزوما ادور عليه..نجيله انا رايحن لبيت الشيخ ودي اشوف وش هي لعلوم
طلعت سويره من بيت الشعر وتوجهت لبيت الشيخ وكانت مشيتها كلها رجوله وثقه بالنفس.........خلاص ماعاد يهمها سعود هالحين ولزوما تنسا انها مره وترجع لشخص سويري الي حست ان سعود بدا يسلبها اياه والدليل انها بدت تميل لترك مجالس الرجال خوفا من شعورها يفضحهاعندهم
كان سعود متكي بجنب الشيخ ومن شافها اعتدل بجلسته وهو يناظرها وعنده احساس ان بيها شي ما تعود يشوفه بيها
سويري:السلام عليكم
الشيخ:وعليكم السلام تفظل ياولدي
سويره:يديم فظلك ياعمي
الشيخ:اقلط ياولدي
تقدمت سويره من المجلس واخذت لها مكان قريب من حمودوجلست من غير ماتناظر سعود باي نظره وكان هو يناظرها ووده يفهم وش الي يصير
الشيخ:هالحين ياولدي يوصل الرجال الي قلت لسعود عنه وباذن الله يعطيكم العلوم الي ترضيكم
هزت سويره راسها موافقه وانها بالانتظار بعدها اخذ حمود يتكلم معها وسعود يشوف ان الي يصير قدامه غلط بغلط
سعود قام واتقدم من سويره
سعود:اقول يا سويري اذا ودك تروح جنب خيتك توكل ولمن يجي الرجال اطرش من يقول لك
سويره من دون ما ترفع نظرها لسعود:ماودي ودي انتظره الحالي
وقف سعود يناظر سويره وهو مستغرب النغمه الجديده بعد
سعود:سويري
مكان ودها تناظره مير ان التردد انها توجه نظرها له ما غاب عن سعود
سعود:سويري
تلاقت نظراتهم
سويره:سم
سعود:قم ودي ياك
سويره:ما ودي اتحرك من اهنيا لين ما يجي الرجال
سعود:بعده الرجال مبطي ليما يجي
سويره:ودي انتظره
سعود:وخيتك
سويره:ماعليها شر قدها لاهيه تغني لحالها
ابتسم حمود وهو يتذكر الغنا الي كانت تغنيه وماكان يفهم منه شي
سعود :قم يا سويري
رد عليه حمود:انت وش بك يارجال اترك الرجال الحاله هو ابخص بنفسه
سعود:اسكت يا حمود انت تدري بحال اخته
سويره:انت من ويش خايف خايف انها تجي هنيا؟
سعود:وش هالهرج؟
الشيخ:سعود اترك الرجال الحاله
رجع سعود لمكانه وبه غيظ على سويره " سويره "مهب سويري
وجلس وهو يناظرهم من بعيد
بعد ما جا الرجال وخذو علومه وقال لهم ان المنطقه الي ورا الجبال السود مابها ناس بوصاف القوم الي قالو عنهم توكل الرجال وقامت سويره ولحقها حمود وذاك واقف يناظرهم
سويره:ودك تجي يا حمود تقلط عندي
حمود:وخيتك؟
سويره:ماعليها بمحرمها واتريد الصدق انا قلت لها ان شفت زولج قصيت ارقبتج والزمي فراشج عاد هي الخوف عندها عجيب تصدق السالفه على طول
حمود:ليه تسوي بيها هيج
سويره:مابه طريقه الاذي هبلت بي وانا لزوما ماظل جالس معها وقلبي محروق على اخوي
رفع حمود ايده وحطها على كتف سويره
حمود:لا تشيل هم وانا اخوك حنا كلنا معك ولزوما نحصله عمي الشيخ قال من باجر راح يطرش المطاريش بكل مكان لجل ايجيبو لعلوم
هزت سويره راسها موافقه على كلامه
كانت سويره وحمود قدام بيت الشيخ يتكلمو جاهم سعود
سعود:الوين رايح ياحمود
التفتت له سويره:وده يجي معي وان كان ودك تجي حياك
سعود:حمود ما ودك تجي معي حول المرعى
سويره : لا وده يجي معي
التفتت لحمود:مشينا ياحمود
سعود "ذي وش جاها لجل انها تعزم الرجال في بيتها "
اما سويره وحمود راحو لبيت سويره الي كان قريب من بيت الشيخ
جلس حمود واتكى على احدا التكيات وسويره طلعت تفتح طرف البيت من الخارج
نجيله ماكانت تدري بحمود فطلعت من ورا الحاجز وعيونها عند طرف البيت وما شافت حمود
نجيله :سويري
ناظرها حمود وحست نجيله ان في حد يناظرها فالتفتت له وجمدت مكانها
حمود:وشلونج يا نجيله
ناظرته وبسرعه رجعت واستخبت ورا الحاجز
وهي تحس برجفه من شوفت حمود
اما حمود ظل يناظر للمكان الي اختفت منه نجيله وبعدها حس بالنور يدخل لبيت الشعر لان سويره رفعت طرف البيت وخلت المكان مكشوف نط حمود
حمود:ليه ماقلت لي لجل اساعدك
سويره: ماعلي ....شغلته ماتريد جهد كثير اجلس ودي اشب النار لجل نساوي القهوه
حمود:ودي اساعدك
مر منهم سعد ومحيميد وسلمو وقربتهم سويره وكل ذا كان قدام عين سعود الي ابد ما جاز له وهو يدري انها مره فمشي ناحيتهم ورجله تظرب بالارض والغبار يتطاير معلنن لهم بالغضب الي جاي صرخ سعود
سعود:سويري
التفتت له سويره:وش عندك
امسك سعود بسويره من ايدها وجرها لطرف بعيد عنهم جرت سويره ايدها منه بقوه
سويره :وش بك اترك ايدي
سعود:وش الي انت قاعدتسويه ليه تفتح البيت للرجاجيل وبالبيت اختك
سويره:بكيفي افتحه ولا اسكره
ولما جت سويره تلتفت عنه امسكها سعود ودارها له
سعود:بعدني ماخلصت كلامي يا سويري
سويره بغيض:وش اتريد انت مني
سعود قرب من سويره وصار مقابل لها مع ارتفاع طوله عنها وحط اعيونه بعيونها
سعود:ودي تسكر المجلس ذا لانه ماهوب عاجبني
سويره:مير انا عاجبني يا سعود طقت نفسي من القعده مع الهبيله وان كان ماهب عاجبك توكل وين ما ودك تريد ولا اقول ليه ما تسير عند اخت الشيخ لجل تشوف المزيونه بنتها
الي ماتخيلته سويره ان سعود ضحك بصوت عالي التفتو له كلهم
مد سعود ايده ومسك خد سويره وقرصها به وهي تبعد ايده عن خدها بغيض
سعود:ايه وانت صادق ذي ما جت ابالي هالحين اسير صوبهم
تركها سعود وعاودلبيت الشيخ "اجل لو كنتي داريه اني داري بج انج مره وش كنتي سويتي"
انجيله بعد ماجاز لها الي تسويه سويره وكيف سمحت لهم يدخلو البيت كلمتها لما انفردت معها لاكن سويره طنشت كلام اختها
سويره:انسي يا خيه اني سويره انا هالحين بنظرهم رجال وما علي من شي ودي اسوي الي اريده


الشيخ سند كان جالس بحاله بمجلسه لاكنه حس بحركه ورا بيت الشعر ومكان عنده احد فقام واتوجه لطرف البيت من ورا وفجئه لما جا يدور من ورا البيت طلع له شخص ما عرف منهو لان الشخص رمى بوجه الشيخ سند بشي يشبه التراب حرق الشيخ بعيونه حاول سند انه يفتح اعيونه ويشوف من الي طبه لاكنه ما كان يقدر يشوف شي اخذ سند يحاول ويحاول لاكنه ما قدر بعدها اخذ يصرخ وينادي على سلطان والمقهوي ويتخبط بالمكان ماهب قادر يشوف شي
سند:سلطاااااااااااااااااااان
جاه المقهوي وجا من وراه سلطان وشافو ان الشيخ مهب ابحاله
سلطان :وش بك يا شيخ
سند:ماني قادر ماني قادر يا سلطان اشوف شي ...ليه ليه....ليه ماني قادر اشوف شي من هو الي سوا بي هيج امسك سلطان سند وقاده لداخل بيت الشيخ
سلطان:وش الي صار يا شيخ
سند: مدري ياسلطان سمعت صوت ورا البيت ورحت لجل اشوف ما صحيت الا بالي جاي بعيوني سلطان من الي له يد يساوي بي هيج لزومان تجيبوه لو من تحت الارض
سلطان والمقهوجي كانو يناظرون بعض
وشكوكهم راحت للعنود
سلطان:تهقا يا شيخ انهااااا
سكت سلطان وهو رافض الفكره
اما سند فكان الغيض متملكنه وصدره يرتفع وينزل وهو ما يشوف غير السواد

العنود كانت الحالها ببيت العمه رايحه وجايه تفكر لمان دخل عليها سند وسلطان
سلطان:يا عمه
العنود:العمه مهب اهنيه
وبخطوه ناحية الصوت خطى سند وامسك العنود بايديه وضغط عليها بكل قوته
سند:انت وش امفكره حالج لجل اتحطي راسك براسي بعدج ماتبتي من كل الي صار لج
العنود وعينها على العمه الي دخلت ومعها منيره:اتركني تراك توجعني
سند: انت ما
ما قدر سند يكمل حجيه ومسك راسه الي كان يالمه كثير
العمه:سند ياولدي وش الي صاير
من كثر ما كان سند موجوع جلس بالارض وهو ماسك براسه
سند:ااااه راسي راسي يوجعني
سلطان رفع نظره للعنود ورجع يناظر سند
سلطان جلس قريب من سند
سلطان:وش صاير لك وش الوجع ذا
سند:مدري يا سلطان راسي احس به وجع معاد بي طاقه استحمله
العمه:بسم الله عليك ياولدي وش الي صاير لك وش الي صاير ياسلطان رفع سلطان نظره للعنود:مدري من يا عمه نثر بعيون الشيخ شي مثل الرمل معاد الشيخ بعدها يشوف
العمه:وش اتقول من الي سوا به هيج؟
سلطان:مندري يا عمه الشيخ كان الحاله
العمه:بسم الله عليك ياولدي بسم الله عليك ياولدي
سند:الوجع ايزيد يا سلطان ارجاك اربط راسي بشي
ربط سلطان راس سند بعصابه وهب واقف
سلطان:لزوما اروح اجيب الطبيب
العمه:عجل ياولدي
العنود كانت تراقب الي يصير قدامها وهي منزويه بطرف الخيمه بعد ماعرفت ليه الشيخ كان غاضب عليهااما منيره فكانت جالسه قريب من الشيخ وهي تناظر العنود بغيض
منيره:انتي الي سويتي به هيج لزوما تنقتلي
نظرت العنود لمنيره بنظره ارعبتها
منيره:لدي يا عمه وشلون تناظرني
العمه:اسكتي يا منيره الشيخ موجوع
احضنت العمه راس سند واخذت تضغط عليه بسم الله عليك ياولدي وش البلا الي جانا ذا
رفعت العمه عينها للعنود وهزت لها العنود راسها بلااا بعدها مشت العنود وراحت ورا الحاجز....

تابع............



في خيمة العمه احضر سلطان الطبيب الي شاف عيون سند
وحط له علاج فيها وربطه بعصامه على عيونه مدت اسبوع وبعدها يكشف عليه مرتن ثانيه لجل ايشوف نتيجة الدوا
العمه اصرت ان سند ايظل عندها اليوم لجل اتشوف وش ايريد ويحتاج
طلعت العنود الخارج البيت وشافت حراس بكل مكان ما قد شافتهم من قبل وجاها صوت من وراها
سلطان:بغيتي شي؟
التفتت له العنود :وش الي صاير ليه كل الحراسه ذي
سلطان:لزوم الامن ولا انتي نسيتي وش صار للشيخ
العنود باستهزاء:وليه ما حطيتو من قبل الحراسه ذي
سلطان:الشيخ ما كان ايريد
العنود:وهالحين
سلطان:لزومان ناخذ حيطتنا
العنود:انت خايف اني انهزم تعتقد اني انا الي ساويت هيج؟
ضحك سلطان:لا انتي مابه خوف منج واذا انهزمتي الشيخ قادر يجيبج بعد ما عرفنا وين ناويه تروحي
العنود:ما يقدر يوصل لي
سلطان:يطولي بعمرج ماودي اقولج اكثر من هيج وانا متوكد انه قادر يوصل لج
العنود:ليه تقولي يطولي بعمرج؟
سلطان:ان راد الله بيوم من الايام اقولج
العنود:انت وش الالغاز الي قاعد تهرج بيها
ابتسم سلطان:قلتلج ما ودي اقول شي والشيخ مهب حاضر
نظرت العنود لسلطان شوي وبعدها راحت لداخل البيت نظرت لسند الي العمه ملزماه وبعدها راحت ورا الحاجز

مشى سعود بعد ما غاب عنهم فتره لبيت سويره وقالهم ان الشيخ وده اياهم وبعد ما قامو وطلعو من البيت مسك سعود بطرف البيت المرفوع واخذ ايرجعه مكانه اقتربت منه سويره
سويره:انت وش اتسوي
سعود :ودي اساعدك بتسكير البيت
سويره:ليه شفتني ودي اسكره
ابتسم سعود:وش بك يا سويري ما ودك اياني اساعدك
سويره:لاكن انا ماقلت انه ودي اسكره
سعود بعد ما انتها من تسكير كل فتحه بالبيت امسك سويره من يدها وجرها لداخل البيت كان توه وده يقول بكل الي يعرفه لاكنه حط ايده على فمه........ما وده يقول شي لحد ما يلقو عناد ومن بعدها يصير الي يصير هو ما يعرف وش راح تكون ردة فعلها لجل هيج فكر انه يسكت
غضبت سويره من حركته
سويره:انت وش بك
سعود:مابي شي مير ما ودي اياك تفتح البيت هذا مرتن ثانيه وان فتحته ما تلوم الا نفسك
قالها بغضب وبعدها راح وتركها
نجيله:وش الي يصير يا سويري
التفتت سويره ناحية انجيله:مدري عنه ماني فاهمه هو وش به
نجيله:الي يقوله صحيح لزوما ما تفتحي البيت
سويره:ودي افهم هو ليه يسوي هيج وليه يهددني واش الي يقدر يسويه ويخليني الوم نفسي عليه
نجيله:سويره ليه احسبج فقدتي عقلج ليه العناد هذا لو كنتي العنود ما ستغربت تصرفاتج لاكن انتي يا سويره سويره الي تحكم عقلها قبل كل شي
سويره:اني اعرف وش اسوي والحين ارخصي لي ودي اروح لبيت الشيخ
نجيله:سويره وش الي جاج اتركي عنج مجالس الرجال وانتي الحين معذوره لجل تقعدي عندي
سويره:لا ودي اعرف سعود وش به؟
طلعت سويره واتوجهت لبيت الشيخ
ما زال الغضب بسعود وزاد لما شافها جت وجلست قريب منه
ترخص عنهم بعدها الشيخ وراح الشق عند زوجته واخته
محيميد:اقول يا سويري انت ما تشوف ان شعرك طويل بزياده لحد اكتوفك
سعود وسويره كانت لهم نفس الصدمه
سويره:ليه وش به..ال ..الشعر ال طويل
حس سعود انها توهقت فاعتدل بجلسته
سعود:وش بك يا محيميد انت ما تدري ان خوينا قناص غزلان
ضحك سعد ومحيميد وسويره ما فهمت هو وش يقصد
سعد:ايييه وكاد انك شفت منه شي
سعود:ايه الديره الي جيناها وانحشنا منها الغزلان يومها انهبلن على سويري ونطن علينا بالخيمه جايبات العشا والضيفه
محيميد:اييه وكاد ترا خوينا به زين ايطير العقل
بعد الحجي ذا ما ستحمل سعود ايجاريهم اكثر فقام
سعود:قم يا سويري ودي اياك
سويره قامت معه وهي تحس انها مكشوفه قدامهم وقريب من بيت الشعر وقف سعود وجنبه سويره
سعود:ما ودك تروح جنب اختك
كانت سويره تناظر التحت وبدون ما تلفظ بحرف مشت وتركت سعود

سند:يا عمه
العمه:ياعونك يا ولدي
سند:اريد سلطان
العنود:خليج ياعمه اروح انا وانده عليه
سمع صوتها ومكان متخيل انها كانت قريبه منه بعد اشوي دخل سلطان ومن وراه العنود
سلطان:عونك يا شيخ
سند:مابه اعلوم يا سلطان
سلطان:علوم الخير يا شيخ الرعيان يقولو انهم شافو رجال هاج من القبيله عى حصان
سند:ايييه
سلطان:بعثنا وراه من ايجيب اعلومه وايجيبه باذن الله
نظر بعدها سلطان للعنود الي ربعت ايديها لصدرها وهي تنظر لهم بطرف عينها يعني هي بريه
سند:ودي اروح البيتي
العمه:لا ياولدي لزوم تظل اهنيا لجل ترتاح
سند:ودي بمجلسي يا عمه
سلطان:لزوم ترتاح يا شيخ وترا كل اهل القبيله ودهم يشوفوك ويتطمنو عليك هالحين ان رحت جوك كلهم وانت لزوم تريح
سند:ذي ماهب حاله لزوما اطلع عينه من راسه الي سوا بي هيج
العنود:اييه لزومان بالوله تعرف مكان اعيونه وين
وقف سند وقرب من مكان صوتها وكانه يشوفها قدامه
سند:تشمتي بي يا
رفع ايده لاكن سلطان مسكها
سلطان:يا شيخ استهدا بالله.....وانتي انقلعي من اهنيا
العنود:اتخسا مهب ابكيفك تقولي انقلع
التفت سند للجهه الثانيه وهو يرص باسنانه
سند:خذني البيتي يا سلطان
سلطان:يا شيخ.........اا
سند بصوت عالي:قلت خذني البيتي
العمه:العنود يا بنيتي انتي تشوفي الشيخ بحاله لجل تغضبيه ...يا ولدي ان رحت البيتك جيت معك ولبنيه ذي المن اتركها اهنيا
هديت نفس سند اشوي وقال:معلي شر يا عمه سلطان يظل معي
العمه:ودي اياك تظل معي اليوم بس يا ولدي خلك اهنيا
هز سند راسه موافق على كلام العمه بعدها مد يده وساعده سلطان يقعد مكانه اما العنود فبعد كلام العمه راحت خلف الحاجز وظلت هناك

كانت اسويره سارحه بخيالها لمن اجت نجيله وجلست جنبها
نجيله:وش بج
سويره:تهقين سعود دري بي
نجيله :ليه تقولي هيج
سويره:مدري كل الي يساويه يقول هيج
نجيله :ما هقوتي يا خيه وكاد ان درا قال
سويره:مدري......... وش سبب انه ما وده اياني افتح البيت ولا وده اياني اجلس بالمجلس
نجيله:هو قال ليه؟
سويره:يقول لجل ما اخليج الحالج ليه هو وش يدري عنج
بعدها قامت سويره:اقول يا نجيله ودي بمقص لجل اقصر شعري شوي
نجيله:ماجبت ...سويري سلاح ابوي بالمغاره خوفي ليجي المكان قطاع طرق وينبشو المكان وياخذوه
سويره:لزوما نروح وانجيبه

ببيت العمه قربت العمه الطعام لسند
العمه:ياولدي اقعد ودي ااكلك
سند:ماودي ياعمه
العمه :لزوم تاكل
واخذت العمه تلف الحم بالخبز
العمه:مد يدك يا ولدي
مد سند ايده واخذ اللقمه من ايدها
طلعت العنود وشافتهم وقربت منهم وجلست معهم ومدت ايدها للطعام
العنود:جيعانه يا عمه
واخذت تاكل
سند:انتي وش اتساوي
العنود:مهب لازم تدري وش اسوي
فهم سند قصدها انه مدام انه ما يشوف معليها تاكل جنبه
سند:الحرمه ما تاكل مع الرجال
بلعت العنود لقمتها واعتدلت بجلستها
وقالت بصوتها المبحوح مقلده صوت عناد:ما عليك يا شيخ ما به حريم اهنيا
صمت سند وهو يكبت غيضه
العنود:وش بك يا شيخ ما عرفت من انا ؟انا عناد فارس الفرسان الي هزمت كل ارجالك الي موقفهم بالخارج
نط سند لجل يمسكها لاكنها نطت قبله وضحكت واهي تقول العنود:وش بك يا شيخ انت نسيت انك ما تشوف لزومان ترتاح لجل تشفى
العمه:العنوووود اكفينا بلاج يا بنيه واتركي الشيخ الحاله
سند:والله ان جت يدي عليها اني ما تركها الا لمن اطلع روحها
اشارت العمه براسها للعنود لجل اتروح وتتركهم فسمعت الكلام وراحت ورا الحاجز بعده رجعت وقالت:قوليله اني رحت
العمه:العنوود
ضحكت العنود واختفت ورا الحاجز اما سند فرجع وقعد مكانه ولولا انه ما سمع ضحكتها كان صارت اعلوم لاكن نفسه هديت مع صوت الضحكه وهو داري انها شمتانه بيه

باليوم الثاني كان سعود يركض ناحية الفرس الي صعدت عليها سويره وانجيله ومسك الجامها
سعود:على وين يا سويري؟
سويره:ودي اروح للمغاره الي كنا فيها لجل اجيب سلاح ابوي خوفن يجي المكان قطاع طرق وينبشو المكان
سعود:وليه ما قلت لي
سويره:جيت لمجلس الشيخ وترخصت منه وما لقيتك
اسعود:اجل انتظرني يا سويري ودي اجي معك وخيتك ليه ما تتركها عند خيتي
سويري:هيه تدري عناد وين حط السلاح
سعود:انتظرني يا سويري اجيب افرسي واجي
سويره:ننتظرك عند الغدير
سعود:تيسرو وانا لاحق بيكو
انطلقت سويره ومعها انجيله وراح سعود عند عمه الشيخ واسترخص منه ولحق سويره وبطريقه لقي حمود وقاله بوجهتهم فعزم حمود انه يروح معهم
قطعو مسافه طويله راجعين للمكان الي كانت سويره وانجيله عايشات بيه وبنص الطريق وقفو عند غدير لجل يسقو الخيل نزلت سويره واتركت نجيله فوق الفرس حمود وسعود بعد كل واحد نزل لجل يسقي فرسه بعد ما شربت فرس سويري مشت الفرس مسافه صغيره عنهم ووقفت سويره مع سعود وحمود يتفقو على طريق يقصر المسافه عليهم وما صحيو الا بطيحه قويه على الارض كانت طيحة انجيله من على ظهر الفرس طيرت الغبار بكل مكان ركضت سويره لها ومعاها حمود قربت سويره من نجيله وضربتها على راسها
سويره :هبيله ..انا وش قلت لك ما قلت لك لا تتحركي من على ظهر الفرس
حطت انجيله ايديها تداري بهن وجهها لجل سويري ما يضربها
نجيله :هي الي وقعتني
سويره كانت معتاده على حركت انجيله ذي الي كانت تسويها دايمن لمن كانت تستهبل على عناد
سويره رفعت ايدها لجل تضرب نجيله لاكن حمود صرخ عليها
سويره:هبيله
حمود:اترك البنت يا سويري وش الي جاك
اما سعود فكان ضحكته ماليه الدنيا وهو يضحك على الي صار لنجيله ويتخيل الغبار الي تطاير بكل مكان من الطيحه
تركتهم سويره وراحت جنب الغدير ولحقها سعود وهو ما يزال يضحك بصوت عالى
اما نجيله فرسمت على وجهها ابتسامه مقلوبه وهي تحاول انها تكبت بكاها...همس لها حمود:نجيله
ناظرته وهي تريد تبكي
حمود:يوجعج شي يا نجيله
هزت له راسها بايه
حمود:وش الي يوجعج؟
نجيله :ارجيلاتي
نظر حمود لسويره وسعود
حمود:كان ودي والله اهمز ارجيلاتج لاكن الخوف من اخوج ما يرضى
حست انجيله بدقات اقليبها تزيد وقف حمود ومد ايده لها لجل توقف وبعد ما ساعدها ايده ما رضيت تترك ايدها لفت انجيله بنظراتها بكل مكان وسحبت ايديها بسرعه وهي تركض لمكان كان فيه سرب نمل كبير جلست جنبه وجا حمود وقرب منها وجثى جنبها كانت حاطه طرف شالها والنمل تركب فيه
حمود:وش اتسوي يا نجيله؟
نجيله:ودي اكتها في ملابسه
حمود:من هو؟
نجيله:ذاك الي ضحك علي
ابتسم حمود:ودك اياني امسكه لك؟
هزت انجيله راسها بايه
وقف حمود:خليك جاهزه اول ما امسكه تعالي
راح حمود لسعود الي كان يرفع ضغط سويره بضحكه وتعليقاته وما صحي الا بحمود ماسك فيه ومجلسنه وفاتح قميصه من فوق عند ارقبته من ورا
حمود:اعجلي يا نجيله
ركضت انجيله ناحيته وكتت النمل فيه ضحكو حمود وانجيله بصوت عالي واستوعب سعود الي يصير له واخذ يحاول يبعد عنه النمل وهو يصارخ
سعود:عزالله انك انهبلت يا سعود
مسك حمود ايد نجيله وجرها معه هاربين عن سعود لمكان بعيد ورا الجبال القريبه منهم اما سويره ركضت لسعود وهي تشوفه يصارخ ويتوعد حمود والمهبوله خلع سعود قميصه ورماه لبعيد وهو يناظر حمود وانجيله وهم يهربو
سعود:انهبل الرجال
وقفت سويره تناظره بعدها انحرجت منه بعد ما خلع ملابسه وصدت عنه للجهه الثانيه وانفجرت بالضحك
لفها سعود ناحيته:تضحك يا سويري
انحرجت سويره مره ثانيه منه وصدت بوجهها لجنب وفهم سعود انها منحرجه
سعود:شفت اختك وش سوت بي ؟
سويره:بعدك ما شفت شي

تابع


بعد ما هرب حمود ونجيله ظل سعود وسويره الي كانت تصد بنظرها عن سعود لاكن سعود نذالته رجعت له وقرب من سويره
سعود:شف يا سويري نمل اختك وش سوا بي
لاكن سويره التفتت عنه فعاود سعود ومسكها ولفها مرتن ثانيه ناحيته فنزلت سويره نظرها لتحت
سويره:وش بك ؟اتركني
سعود:ليه ما ودك تناظر قريص النمل بصدري؟
سويره:اتركني يا سعود
جرها سعود اكثر لصدره
سعود:ما ودك اتشوف ليه؟
غمضت سويره عيونها واخذ نفسها يزيد تركها سعود بسرعه
سعود:اعوذ بالله منك يا بليس
كانت سويره ترتجف اما سعود ركض لفرسه وركب عليها
سعود:سويري انا ودي اروح اشوف الهبلان ذولا وين راحو...عجل يا خوك والحقني
انطلق سعود الي كان حاله من حال سويره يحس بقلبه يرجف كل ما حاول يتنيذل معها مع ان قصده بس يحرجها بدون ما تشعر انه كاشفها
سويره"وش الي يصير...؟ ليه سعود يسوي بي هيج ؟وانا هقوتي اني فاضحه حالي...هالحال معاد اقدر اصبر عليه لاكن وش السواه لزوما اعرف شي عن العنود لزوما نلقاها" ء
مشت سويره لعند ملابس سعود الي تركها واخذتها وابعدت عنها بقايا النمل بعدها راحت لفرسها
اما نجيله وحمود استخبو ورا الصخره الكبيره وكانت نجيله تناظر تشوف اذا احد لحقهم اما حمود فظل يناظرها وهي قريبه منه ونفسها سريع من الركيض
حمود:تدري يا نجيله ان حالي شقا
نجيله ماردت عليه وظلت تناظر الطريق
مد حمود ايده ومسك ايدها وحطها على قلبه
حمود:تدري وش حال هذا الي هنيا؟
ظلت نجيله تناظر الطريق وهي سانده ظهرها على الصخره وحمود قبالها وهي ملتفته للطريق
حمود:تدري انه يوم ايحس انك قريبه منه وده يطلع من مكانه
نظرت نجيله لحمود وايدها ترجف تحت ايده
حمود:وش اسوي بحالي وحاله
نجيله:ح حم حمود..ح حمود تدري ان النمل الي رميناه عليه يقرص... هالحين وكاد انه جاي وجايب معه عقارب لجل يرميها علينا
ابتسم حمود بلاحول ولا قوه منه وش ايسوي هي هبيله وذا واقع ولزوما ما ينجر ورا عشقه لها ....نزل حمود ايدها واخذ نفس طويل
حمود:هذي فرسي جت الحالها خلينا نمشي قبل لا يلحقنا سعود
ركب حمود فرسه ومد ايده لنجيلا:هاتي ايدج
نجيله:وو ودي امشي.... هالحين يجي سويري واروح معه وركضت عنه نجيله وكانت وهي تركض تقافز مهبوله
لحقها حمود:هاتي ايدج يا نجيله ليه ما ودج تجي معي
لاكنها صرخت اول ما شافت سعود جاي على فرسه
نجيله:جا جا جا ودي اتخبا ودي اتخبا وين اروح
حمود:اعطيني ايدج
وصل سعود عندهم وركضت نجيله بعيد عنهم اول ما شافته نزل بارودته وصوبها عليهم نجيله بالاصل عندها عقده من البواريد وتخاف اي احد يصوبها عليها حتى لو كان يمزح فاخذت تركض بعيد عنهم وسعود يتوعدها وهو يركض وراها لحقهم حمود وسبق انجيله ونزل وركض ناحيتها وهي ركضت له وارتمت عليه وهي ترجف من الخوف
نجيله :الباروده الباروده خله يبعد الباروده
صرخ حمود بسعود:بعد الباروده يا سعود البنيه ميته من الخوف
سعود:خلها تخاف لجل تحرم مرتن ثانيه تعيد الي سوته وانت حسابك يجي بعدين
حمود:بعدها ياسعود ارجاك
نزل سعود الباروده
حمود:انقلع انقلع ياسعود من اهنيا
ضحك سعود واستغرب من تعصيبة حمود
حمود :انقلع يا سعود ورح البس ملابسك
سعود:تريح هالحين اروح
بعدها راح عنه
بعد حمود نجيله عنه وناظر بوجهها:لا تخافي راح
نجيله:وكاد؟
حمود:وكاد وناظري الحالك
نجيله:لزوما اطخه انا الحالي
خاف حمود من تهديدها واعتقد انها راح تسوي الي قالته
حمود:وش اتقولي يا نجيله الي يطخ ويقتل احد لزوما ينقتل بعدين... وانتي ما ودج احد يقتلج
نجيله:وليه هو يلحقني بالباروده مهب لجل يطخني
حمود:ايييه هو يمزح معك
نجيله:اطخه واقول امزح معه
حمود:هههههه لزوم اسعود اليوم يشوفله دار وينحاش منك وش رايك بدال ما تطخيه نسوي به شين ثاني
تحمست نجيله:ايه وش انسوي
حمود:وش انسوي وش انسوي
نجيله:ايه نوكله جرابيع
حمود:جرابيع!!!!!!!ومن الي ودك يصيدهن؟
نجيله:انت
حمود:ارجاج يا نجيله لا تجيبي طاري الجرابيع مرتن ثانيه....نفسي قلبت علي
نجيله:هههههههه جرابيع جرابيع
وركضت وهي تقافز واتقول جرابيع جرابيع
وقف حمود يناظرها ونفسه تقلب عليه
حمود:وش السوااااه اشهد اني وهقت حالي
.................................................. ..............
كان سند متكي في بيت العمه والعمه راحت عند حرمه كانت تريدها
دخلت منيره وشافته جالس وبعدها صرخت وركضت ناحيته وارتمت بحضنه
منيره:نفسي فداك نفسي فداك يا شيخ
اعتدل سند ومسكها وبعدها اشوي
سند:وش بج يا حرمه؟
منيره:ودها تقتلك يا شيخ ودها تقتلك
سند:انتي وش اتقولي وش السالفه؟
منيره:العنود يا شيخ ....انتي وش اتريدي من الشيخ ودك تقتليه...ليه ما تردي تريدي تبيني اني اكذب ..يا شيخ تراها ماسكه الباروده تريد تقتلك وتهرب بعد ماشافت ان الرجال راحو مع سلطان يتدربو
التفت سند لجهه تخيل ان العنود واقفه فيها
سند بصوت عالي:العنود وش الي انتي ناويه عليه
قفزت العنود من افراشها وهي تسمع الشيخ يصرخ عليها ودارت من ورا الحاجز
العنود:وش الي يصير؟
منيره:وش الي يصير مسويه حالج متدري بشي وانا هالحين شايفتنك تريدي تقتلي الشيخ
العنود كانت لابسه ثوب حرير للنوم بدون اكمام وشعرها منشول حوليها وكان وجهها مليان نوم وفاتحه نصف اعيونها ماهب مستوعبه وش الي يصير
وقف سند ومسكت فيه منيره:ودك تقتليني؟
نظرت له العنود وبصوت هادي :ايه ودي اقتلك مير مهب هالحين
بعدها التفتت لمنيره :وانتي وش الهرج الي تقوليه امفكره اني لو وصلتج الشيخ بيقدر يحميك
امسكت منيره اكثر بسند
منيره:شفها يا شيخ ودها تقتلني؟
العنود:والله انمسكتج اني اقطعج قطع اصغار واخلي الشيخ يدوسج برجليه وهو ما يدري
منيره من الخوف ركضت للخارج والعنود تتوعدها لاكن سند قدر يمسكها لجل يمنعها عن منيره لاكنه تفاجئ بالي لمسته ايديه
العنود:اتركني
سند مع ابتسامه:لجل اني ما شوف طالعه قدامي بملابس النوم
العنود:اتركني
كان ماسكها بايديه الثنتين ورفع وحده وتحسس شعرها المنشول ورجع مسكها مرتن ثانيه
سند"ليت النظر يعودلي بس لو ثواني"ء
سند:اجل كنتي نايمه؟
العنود:لا كنت اريد اقتلك
سند:وانتي هيج وشلون كان ودج تهربي؟
حاولت العنود تخلص حالها منه لاكنه كان ماسكها بقو
العنود:اتركني ولا تراني
سند:ولا تراكي ويش؟
العنود:انت وش اتريد مني ؟اتركني
سند بعد ما قربها اكثر ولمها لصدره همس الها:ودي اقولك انك اقرب لي من نجوم السما ولوما المكان والحال الي حنا فيه كان ورجيتك انك قريبه اكثر
سحبت العنود نفسها منه بالقو
العنود:انت وش ات اتر...ء
لاكنها ماقدرت تكمل حجيها وركضت لورا الحاجز
ابتسم سند ورجع جلس بمكانه اليوم بطوله سند ما سمع للعنود صوت حتى لما رجعت العمه ...كان يسمعها تحاجيها من ورا الحاجز
............................................
سعود راح لعند سويره ورفعت له ملابسه من بعيد لجل يجي وياخذهن وانطلق وراها بفرسه ليمن وقفت له
نزل واخذهن
سعود:متوكد ان مابهن نمل
سويري:شف الحالك
بعدها تركته وانطلقت للطريق الي راحو منه حمود وانجيله
انجيله واهي تركض صرخت وجاها حمود يركض بعد ما شافها جالسه على الارض
حمود:وش فيج يا نجيله
نجيله:رجلي رجلي رجلي الشوكه دخلت فيها
حمود:وش؟ وزرابيج وين
نجيله:مدري وقعن مني الحالهن
حمود:الحالهن؟!!ء
نجيله:ايه الحالهن
مد حمود ايده لرجلها لاكنها سحبتها بسرعه تحت ثوبها رفع حمود نظره لها:ليه ماودج اشوف رجلج
هزت نجيله راسها بشويش
حمود:ما ودج المسج؟
احمر وجه نجيله واحمود ابتسم"تفهم وتحس بالي يصير"ء
حمود:يالييييييييييييييييييل الشقا يحمود ليتك تشوفي قليبي وش كثر هو شقيان
نجيله:و ودي تجيب لي ززرابي
حمود وهو ذايب بعيونها:ايييه
صرخت انجيله بعد ما لمحت الجربوعي يركض من ورا حمود وقفز من صرختها وقفزت هي تركض وراه
نجيله:الحق يا حمود الحق الجربوعي
خلته وراحت تركض وراه وظل حمود يناظرها وهو يحس بوجع بصدره وجاه صوتها من بعيد
نجيله:حموووووود صدته ياحمود جيب الحبل وتعال اربطه
حمود:لاحول ولا قوة الابالله ..شقا شقا شقا والله ان حالي شقا.....وش اسوي بهلحال ...بحياتي ما فكرت اني اعشق ويومن اني عشقت عشقت لي مهبوله.....عزالله اني تبعت دربك يا عمير ومهب دربا سمح ..وصدق من قال من عيب ابتلى
نجيله:حموووود عجل يا حمود
حمود ما قام وظل جالس يفكر بحاله ليمن جت انجيله ووقفت قريب منه
نجيله:وش بك يا حمود ليه ماجيت تساعدني لجل نمسك الجربوعي
رفع حمودنظره ليها"لزوما الاقي طريقه وبعدج من فكري مادري اتركهم وعاود للديره..بس هذا بيزيد النار نار وش اسوي"ء
جلست نجيله قريبه منه ومدت رجلها تشوف مكان الشوك وبعدها جلست تبكي
انتبه حمود ليها:وش بج يا نجيله؟
نجيله:آ آ آ آ آ آ آ آ آ الجربوعي مات كله منك قلت لك تعال اربطه وما جيت وانا فقسته بثوبي ومات آ آ آ آ آ آ آ آ آ
نظر حمود لطرف ثوبها وشاف الدم هو كان دم رجلها من الشوك لاكن حمود فكره دم الجربوعي
حمود:فقستيه؟!!!!!ء
قام بسرعه وركض لجنب ورجع
وصلت سويره عندهم وناظرت في حمود الي يرجع
سويره :عسى ما شر وش بيكم؟
نجيله كانت ملتهيه برجلها والشوك الي بيها وما ردت عليها وجاهم سعود ووقف جنب سويره
سعود:وش الي صاير؟
حمود:المهبوله فقست الجربوعي بثوبها وحط ايده بسرعه على فمه
صرخت انجيله عليه:اني مهب امهبوله انت المهبول ودك اقول لهم وش كنت اتقول لي قبل اشوي
التفت لها حمود منصدم وخايف انها تفضحه عزالله انها مهبوله صدق
قام بسرعه وقرب منها :وش كنت اقول هاه وش كنت اقول
ازحفت انجيله لورا شوي وهي خايفه منه ومن هجومه عليها
نجيله:ايييه كنت ت تق ول
حمو:كنت اقول انك مهبوله والي يجري وراج مهبول
اشارت انجيله وهي لامه نفسها مبتعده عن حمود لسعود باصبعها:هو الي كان يجري وراي
قصدها ان سعود هو المهبول لانه كان يجري وراهامن قبل
قرب سعودمنهم:حمود وش بك عليها تراها مهبوله
حمود:ايه مهبوله مير ما تبلى علي وتحجيني حجي اني ما قلته
سعود:هي وش قالت هالحين
حمود:وش دراني عنها؟
سعود:حمودوكاد ان نفسك غاثه عليك رح تريح واتركها عنك
قربت سويره من انجيله وعيون حمود عليهن خايف ان المهبوله تفضحه
سويره:انتي وش بج على الرجال؟التقت نظرات انجيله بحمودوقالت بصوت عالي :ياليييييييل الشقا ياحمود
رجع الها حمود وهو مفول عليها
حمود:ايه ياليل الشقا ياحمود وكاد انه شقا وانا الحق لي وحدتن امهبوله تراكض ور الجرابيع
سعود:حمود وش بك؟اتركها يارجال
عصبت انجيله:ودك اقول ان
سويره حطت ايديها على فم انجيله
سويره :انكتمي انكتمي وش هالفضايح يا خيه ..اسمح لي يا حمود تراها مهبوله وكل الي تقوله هبل
انحرج حمود من سويري
حمود:ماعلي منها مير اني نفسي قلبت علي اشوي
تركهم بعدها حمود وراح لفرسه وبعد ما راح قرب سعود منها
سعود:وش كان ايقول لج؟
نذذذذذذذذاله..ء
.................................................. ....

......................................

[الجزء الثاني عشر



سعود:وش كان يقول لج؟
نجيله:انقلع من قدامي
صرخت عليها سويره:نجييييله
نجيله:آآآآآآآآآآآآآآآآآآآآآآ ليه اتصرخ علي
سويره:قومي قومي ..قومي معي لعند الفرس
نجيله:ودي بالجربوعي
سعود:هالحين انتي فقستي الجربوعي بثوبج؟
نجيله:اييه
سعود:ههههه هههههه هههههه
نجيله:ايييه ليه يضحك علي؟
ابتسمت سويره لضحك سعود
سويره:قومي ياله خلينا نمشي
اكملو بعدها طريقهم وسعود كل حين يضحك وحمود يناظره بغيض
وبعد ما وصلو نزلت سويره نجيله قريب الخيمه المنصوبه وكان نصفها طايح واخذت اتدور بالمكان وهي كل شوي تقول
سويره:عناد ...عناد...عناد
وركضت لفوق الجبل وهي تمرها كل ذكرياتها مع عناد قامت تشوفها في كل مكان تمر بيه ووقفت فوق الجبل وصرخت بعالي الصوت:عناااااااااااااد
نزلت من الفرس واخذت اتنادي:عناااااااااد ارجااااك ياخووووووي عاود
نزل سعود من فرسه وقرب منها وهو يشوفها منهاره وتنادي عناد
جثت سويره على ركبها واخذت تضرب الارض بقبضة ايديها:ارجاااك ياخوي عاود ارجااك خلاص معااااااد فيني اتحمل كثيييير والله معاااااد فيني
واخذت تبكي وسعود واقف قريب منها مهب عارف وش ايسوي كسرت خاطره وكاد الي بحالها الصبر منه نفذ قعد قريب منها
سعود:سويري وش بك يارجال ليه تبكي البكا مهب للرجال
نظرت سويره لسعود:اييه داري انه مهب للرجال مير انا تعبت تعبت ياسعود ودي
وحطت ايديها على وجهها واخذت تبكي
عض سعود شفايفه وده انه ياخذها لصدره ويقولها انه دامه معها ما تشكي ضيم
سعود:ارجاك ياسويري تسكت واوعدك انه لزوما نحصل عناد وانا تراني عندك خذني بمقام اعناد
سويره:انا ياسعود ماهمني حالي اني حارق قلبي هو وش هو حاله ..هو حي ..هو ميت وش الحال الي هو فيه اني يا سعود لو اقول لك الي بصدري رحمت حالي ويمكن بكيتك معي
سعود:سويري
ما قدر سعود اكثر من هيج وسحبها لحضنه وطلعت سويره الي بصدرها من البكا كله
بعدها بشوي هديت سويره وكانت منحرجه من ضعفها والحال الي هي فيه ووش ردة سعود من الي يصير هذا كله
سعود وهو يبعد سويره عنه شوي:خلصت بكا يا رجال
قامت سويره بسرعه وصدت عن سعود وهي تمسح وجهها الي غسل دمعها لون السمار كله
سويره وهي تركض لفرسها:اني رايح اشوي وراجع
ظل سعود جالس بمكانه"مدري وش اسويلج يا السوري مدري ان دريتي اني داري بج وش راح تسوي وكاد انج راح تبعدي عني وشلون بعدها اقدر اساعدج لجل تلاقي عناد"ء
نجيله كانت تناظر لعالي الجبل وتسمع سويره وهي تنادي وتبكي ونزلت ادموعها بعدها التفتت لاجل تمشي الاوحمود قدامها
حموج:ليه تبجي
نجيله وهي ما تعرف وش اتقول:آآ ...آ آ شف خويك وده يرمي سويري من فوق الجبل
بعدها تخطته وراحت للخيمه لحقها حمود وقعد يعدل طرف الخيمه الي طاح اما نجيله حصلت بالخيمه فراش فردته وانسدحت ونامت
حمود:انتي وش اتسوي؟
نجيله:ودي انام..طف نور السراج
حمود:هااه سراج هالحين والشمس بعدها فكبد السما وش ذالهبل اييييه
نجيله من تحت الفراش:يالييييييل الشقى يا حمود
حمود:نامي نامي والله انها ساعتن امباركه يومن ودج تنامي
ضحكت انجيله من تحت الفراش وغمضت عينها ونامت
حمود:والله ان حالي شقا يومن اني عشقت امهبوله
راحت بعدها سويره للغار بعد ما طلت وجهها بلون السمار الي معها ولحقها سويري طلعت بعض السلاح
سويره:الباقي المهبوله تدله
سعود:هذا من اسلاح ابوك؟
سويره :اييه
سعود:قديم لاكنه شي ....ماقد بحياتي شفت مثله
ظل سعود يفكك السلاح ويشوف ان كان يصلح للاستعمال
التفت لجل ايكلم سويره وشاف انها ماسكه مقص ودها تقص شعرها ترك الي بايده ونط عندها وجر المقص من ايدها
سويره اتفاجئت:وش بك
سعود:انت انهبلت؟
سويره:ليه ودي اقصر شعري انت شايف وشلون صار طويل قده تحت اكتوفي
سعود:لا ..ليه تقصه خله هيج شعرك عاجبني هيج
سويره باستنكار:عاجبك!!!لاكن انا مهب عاجبني ودي اقصره
سعود:والله انك زين هيج حتى ان البنات منهبلات عليك شف انا شعري بعد طويل شوي ويلامس كتوفي وراح اخليه مثل شعرك
سويره:اعطيني المقص يا سعود
سعود:لا ما راح اعطيك اياه وان كنت اتريده الحقني
وقام سعود وركض لخارج المغاره
سويره:وش السواه هالحين..هذا وش بلاه..والله ان شكوكي قامت تزيد
دخل سعود الخيمه وحصل حمود منسدح بجنب ونجيله بالطرف الثاني متغطيه ونايمه
سعود:وش قومكم الليل بعده
حمود:مدري عنها ودها تنام خلها تنام لجل اتريحنا من هبلها
سعود:لزوم نعاود هالحين
دخلت سويره:انجيله وين؟
اشار حمود وسعود ناحية نجيله
واتقربت منها سويره
سويره:انتي يا مهبوله قومي لاكن انجيله ما ردت عليها
سويره:انجيله ..انجيله وش بج
رفعت سويره اللحاف من على وجه نجيله وشافت وجهها احمر
سويره:نجيله
حطت سويره ايدها على راس نجيله
سعود:وش بيها؟
سويري:حرارتها عاليه
نط حمود وقرب منهم:وش الي تقوله ماكان بيها شي
سويره :مادري عنها ..وش الي جاها
اخذت بعدها سويره تحط كمدات لنجيله الي اخذت الحراره ترتفع عندها
حمود كان قلبه منحرق عليها ووده يسوي شي لاكنه ما قدر
بعد مده كانو جالسين واخذت نجيله تهذي باسم العنود
حمود:من هي العنود؟
سكتت سويره
وتقرب منها سعود:تقصد فرسك يا سويري؟
سويره تذكرت:ايييه فرسي فرسي كانت تحبها كثير وكاد انها تذكرتها
حمود:والفرس وين؟
سويره:انسرقت مدري عنها..مدري وش صار لها
نجيله رجعت تهذي :حمووووود
التفتو كلهم لها ودقات قلب حمود قامت تدق بسرعه
نجيله: حمووود
لاكنها رجعت ونامت رفع سعود نظره لحمود
حمود:اييه وش بك تناظرني؟
سعود:وليه ما ودك اناظرك؟
حمود:مدري عنك ..انا ..انا مدري هي ليه تناديني؟
سويره:الحمىالحمى تخليها تهذي باي شي وهي ما تدري
سعود:وش راح نسوي هالحين يا سويري؟
............................................
كانت العمه جالسه مع سند والعنود جالسه ورا الحاجز وتسمع حجيهم
العمه:ليه ياولدي؟
سند:ما ودي اياها تجي اهنيه مرتن ثانيه
العمه:منيره خايفه عليك وش الي جاك منها
سند:هذي كذوب يا عمه وحسابها عندي بعد ما شوف هالحين ما ودي اياها تجي اهنيه
العمه:صار يا ولدي
سند:الرباط هذا ودي افكه
العمه:لا ياولدي الطبيب قال لزومن يظل اسبوع
سند:ماني قادر استحمله واعيوني احس بيها تنزل ادموع كثير ودي افتحهن
العمه:اجل اخلي الطبيب يجي
سند:مهب بالزوم يجي افتحيه انتي يا عمه
وقفت العنود عند العمود واخذت تناظرهم شالت العمه الرباط من على عيون سند وفتح هو عيونه
العمه:هاه يا ولدي وش اتشوف
سند:ما شوف شي يا عمه لاكن المره ذي السواد راح ومثل النور يتلالا قدام عيني
العمه:ابشر يا ولدي باذن الله يعاود لك النظر
سند:تسلمي لي يا عمه
العمه:العنود ليه واقفه عندج اقلطي اهنيا
العنود:لا ودي اروح قدام البيت تعبت من القعده لحالي
سند:هالحين ليل حطي راسج ونامي
العنود:شبعت نوم ودي امشي
وقف سند:ان كان ودج تمشي انا بعد ودي امشي وش رايج تاخذيني معج
وقفت العنود تناظر فيه:لا ماودي
سند:اجل الزمي محرمج ما به طلعه
العنود:خايف اني انحاش
سند:ادري انج لو بغيتي تنحاشي انحشتي من زمان
العنود:خلاص ماودي امشي وما ودي شي
ورجعت العنود لفراشها وسمع سند كلمة اوووف منها
.........................................
بعد ما نزلت الحراره من نجيله عاودو جميع للديره باليوم الثاني كان سعود وحمود قاعدين عند الشيخ ودخلت عليهم سويره
الشيخ:وش حال خيتك يا سويري
سويره:طايبه الحمد لله
الشيخ:ايييه..... سعود ودي اياك بسالفه
سعود:تحجا يا عمي حمود وسويري مخبي عنهم شي
الشيخ :موضوع زواجك فكرت فيه يا سعود؟
سويره:ارخصو لي يا شيخ ودي اروح عند خيتي
وطلعت سويره على طول راحت للبيت وجلست جنب نجيله وحالها مهب ابحال
نجيله:السوري وش الي صاير
سويره :تجيج لعلوم هالحين
نجيله:علوم ويش؟ماردت عليها سويره
اخذت سويره عصى صغيره وسكين واخذت تسحتها
بعدها بنصف ساعه عليت الزغاريد ببيت الشيخ وغمضت سويره عيونها بقو وهي تحاول تمنع دموعها
نجيله:ماودج تقولي لي وش الي يصير؟
سويره:وش اقول لج
نجيله:المن هذي الزغاريد؟
سويره بعد صمت:س سعود وده يتجوز بنت اخت الشيخ
فهمت بعدها نجيله وش الي يصير مع اختها وحطت ايدها على ايدها
نجيله:المكتوب مقسوم يا خيه
خذت سويره نفس طويل:ماعلينا
سمعت سويره ونجيله صوت سعود يقرب وهو يضحك
سعود:تعال يارجال لزومن نقول لسويري
حمود:ودي اروح البيت ماني فاضي لك
سعود:ايييه وكاد
طلعت سويره لسعود وشافت انه فرحان كثير
سويره:وش لعلوم؟
سعود:علوم الخير قريب يصير عندنا عرس
نظرت سويره لتحت وهي تحاول تمنع دمعه تنزل
سويره:ودك تتجوز بنت اخت الشيخ؟
قرب منها سعود اكثر حتى صارت انفاسهم وحده
سعود:مهب انا الي راح يتزوج هالحين
رفعت سويره نظرها لسعود وعيونها تساله "من"؟
سعود:حمود وده يتجوز بنت اخت الشيخ
سويره:من؟!!!!ْ
........................................
وقف سند في وسط البيت:العنود يالعنود
طلعت له العنود:وش اتريد؟
سند:ودي اياك تاخذيني البيتي
العنود:وش اتقول؟
سند:ودي اروح البييييتي سمعتي
العنود:اروح اشوف لك سلطان
سند:لا انتي اخذيني للبيت
العنود:وشلون اخذك؟
سند:دليني ..ان كان ما ودج اروح الحالي
وخطى سند خطوه
العنود:انتظرني
بعدها جت قريب منه
العنود:تفضل الباب قدامك
ابتسم سند:ما ودج تمسكيني من يدي
العنود بارتباك:هات ايدك
ومسكت العنود بايده وزادت ابتسامة سند وهو يشبك ايده بايدها
العنود:مهب هيج ...اترك يدي
سند :من وين الطريق؟
العنود:امش معي خذت العنود الشيخ لين بيته ودخلته المجلس
العنود:احنا هالحين بالمجلس
سند:خلاص عاودي لبيت العمه
العنود:ودك تظل اهنيا لحالك؟
سند:ان كان ودج تظلي معي مابه اخلاف
العنود:اييه ودي اظل مير مهب لجلك ..ودي اظل لجل اني تعبت من الجلسه بالبيت ودي اشوف الشمس
كان مجلس الشيخ مفتوح من قدام
بعدها بحين سمع سند صوت صريخ وضجه صايره بالديره
سند:وش الي يصير؟
العنود:غزو يا شيخ القبيله تنغزا
وقف سند:وش اتقولي الرجال وين
وقفت العنود تناظر الي يصير
العنود:الرجال يقاتلو
سند:عاودي اهنيا ادخلي للشق
قربت العنود من الشيخ وسحبت سيفه في الوقت ذا دخلو اثنين من الي غازيين واخذت العنود تنازلهم
سند كان يسمع ظرب السيوف وكان وده ينجن ويعرف وش الي يصير قدامه
سند:العنود...العنود
العنود:ياعونك يا شيخ
كان نفسها سريع وفهم من كلامها انها دافعت عنه
سند:يعينك الله
دخل سلطان على الشيخ وعيونه على الرجال الي قتلتهم العنود
سلطان:يا شيخ
سند:وش الي صاير يا سلطان
سلطان:ذولا جماعة مفلح ومصلح ودهم يغيرو علينا بعد ما توكدو انك انعميت يا شيخ
سند:ايه وش كثرهم
سلطان:قليلين يا شيخ مير انهم تسللو لداخل القبيله وحنا مشغولين بالتدريب كان لزومن عندك من يحميك يا شيخ
سند:العنود؟
سلطان:راحت ياشيخ لبيت العمه
سند:اقتلتهم؟
سلطان:اييه اثنين يا شيخ
سند:خذني لبيت العمه يا سلطان
دخل سند لبيت العمه وتلقت له العمه:ياولدي وش الي يصير وليه تطلع من اهنيا
سند:العنود وين؟
العمه:اهنيا
سند:العنود
طلعت العنود له:وش اتريد؟
سند:لا تعتقدي انج بالي سويتيه راح اعتقج واخليج حره.......محد طلب منج شي
نظرت العنود للشيخ بغيض وهو يرمي اخر محاوله ليها بالقاع
العنود:انت وش انت ..ليه ماودك تتركني لحالي
سند:صرتي لي برضاج ولا غصبن عنج
العنود:ليتهم قتلوك
العمه:العنووود
تركتهم العنود وراحت لورا الحاجز
سند:خذني ياسلطان لبيتي
...............................
كانت عيون سويره تغوص بعيون سعود وشبه ابتسامه مرسومه على شفايفها وظلو على هالحال وهم ناسين الي حوليهم
سعود:اححم آ آ ماودك تجي معي تبارك لحمود
سويره:هاه ...ايه ايه لزوم اروح له وابارك له ...هالحين ودي اتطمن على خيتي
سعود:لا توخر علينا
راح سعود وهو يحس باحساس غريب لانه شاف الفرحه بعيونها
دخلت سويره عند انجيله وشافت انجيله ان حال اختها تبدل
نجيله:وش الي صاير
ابتسمت سويره:يقول سعود ان حمود هو الي طلب يتزوج بنت اخت الشيخ والشيخ وافق بعد موافقت البنت
لثواني نجيله ما استوعبت الي سمعته بعدها اخذت تضحك:هههههههههه
سويره:ليه تضحكي
نجيله:هااه...يوجع ياخيه
سويره:وش بلاج يانجيله
نجيله:مدري وكاد انها الحمى بعدها ما فارقتني
سويره:تريحي ياخيه
نجيله:اييه
بعدها رجفت انجيله وقامت سويره بسرعه وجابت لحاف وغطتها بيه
اما حمود فظل يمشي بفرسه ويقنع حاله ان الي سواه صحيح لاجل ما ينجر بحبه للمهبوله والفكره ذي جته بعد ما تعذر سعود للشيخ انه ماوده يتزوج بنت اخته وحينها طلبها هو
نجيله حالتها انتكست بعد ما سمعت بعلوم حمود وظلت طول اليوم محمومه ونايمه....ومر اليوم وكلن بحاله
باليوم الثاني جا سعود وسال سويره وش علومها وقالت له ان نجيله بعدها مريضه
سعود:يشفيها الله..سويري ما تقدر تجي عندنا
سويره:شلون ؟وخيه
سعود:اخلي الهنوف تجي عندها
سويره:لا لا اظل عندها انا
سعود وهو رايح :اييه ظل عندها ...والتفت ليها بوجهه...مير انا اشتقت لك
راح سعود وظلت سويره ترجف وهي تحس انه كاشفها
على الليل كانت حالة نجيله احسن لاكنها كانت لازمهاالسكوت
سويره:نجيله ماودج تاكلي شي؟
هزت انجيله راسها بلا
سويره:يا خيه لزومن تاكلي شي
نجيله:اه..ماودي...ليه ماتروحي عند سعود وهو كل حين جا يسال عنج
سويره:وشلون اخليج الحالج
نجيله:ما علي ودي اعاود وانام
سويره:اروح اشوي واعاود
طلعت سويره وشافها سعود وهو جالس بمجلس الشيخ القريب من بيتهم قام ومشي لعندها
سعود:وش اعلوم اختك
سويره:طايبه باذن الله
ما ودك نروح العند حمود
سويره:بالاول كان ما ودك اياني اخلي خيتي الحالها واليوم رايح جاي ودك اياني اجي معك
سعود:اييه هالحين صرت ماقوا فرقاك
عضت سويره شفايفها ومشت تسبقه للمكان الي رايحين له
كان حمود جالس ومعه سعد ومحيميد
سعد:الحق يا سعود ..حمود قام يشل شلات توجع القلب هو وكاد انه راح يعرس قريب؟
جلس سعود جنب حمود وحط ايده على كتوفه:وش بك يا رجال؟
حمود:مابلاي شي..مير..تذكرت امي وهي تقول لي اعرس يا حمود قبل لا اموت هي ماتت وانا هالحين راح اعرس
سعود:ايييه
بعدها جلسو يسولفون ورجعت سويره تسالهم عن الطريق الي راح منه عناد
حمود:هم كانو وهم يمشو قدامي رايحين بجهة الشمال
سويره:وانتو مشيتو لجهة الشمال
سعد:حنا تبعنا اثاريهم للشمال مير يمكن انهم تبعو طريق ايعاود بهم الجنوب الوادي
نظرت سويره لسعود:اتهقا خذو الطريق الي ايردهم للجنوب
سعود:المكان الوحيد الي ما سالنا عنه هو جنوب الوادي
وقفت سويره:لزومن اروح من ذاك الطريق
سعود:اقعد يا سويري خلنا نفكر اشلون نقدر نخلي حد يجيب لنا علوم العربان الي ورا الوادي
سويره:لا يا سعود ما بي صبر لزوم اتحرك واعرف وين هي ا**** اخوي
حمود:هو وش الي ايخليه ما يرجع؟
التفت سعود لحمود وهو متمني ان حمود ما قال الي قاله لان السبب وكاد انه مات او اناخذ اسير
قعدت سويره وهي تفكر بكل الاحتمالات
كانت النار مشتعله وهم جالسين حوليها وسعود كان الوحيد الي جالس جنب سويره وبين ما هي سرحانه بافكارها حط سعود راسه على رجليها متوقع منها انها تسحب رجولها لاكنها ماتحركت وغمض اعيونه وبداية رجفه تسري بجسمه وزادت لمن حطت سويره ايدها بشعره واخذت اتحركها بعدها بشوي مد ايده ومسك ايدها وشبك اصابعه معها
همست سويره باذنه:سعود
سعود:همممم
سويره:ودي اروح لخيتي تاخرت عليها
رفع سعود راسه وقام واقف
سعود:اوصلك بطريقي
ومشو بعدها وهم ساكتين
سعود:تصبح على خير يا سويري
وخلاها قدام بيتها وراح"وش الي يصيريا سويره وكاد انه داري بي"ّ

تاااااابع،،،،،،،،،،


بالصباح الباكر دخل سعود عند عمه الشيخ متعب وكان عنده رجال من اهل القبيله الا ان سعود لاحظ ان وجه الشيخ متغير
سعود:صبحك الله بالخير ياعمي الشيخ
الشيخ نظر لسعود وبعدها قال:تعال يا سعود
سعود مستغرب:وش صاير به اعلوم جديده
الشيخ متعب:اسمع يا سعود رح هالساع عند خويك سويري وهاته اهنيه وترا ما يجيك خير ان ما جبته معك
سعود:يا عمي وش صاير؟
الشيخ:انت رح وجيبه وبعدين تعرف لعلوم
قام سعود وكان قلبه مقبوض من الي يصر وراح لبيت سويري والوقت كان بجير كثير.....وقف سعود عند مدخل البيت واخذ ينادي على سويري
سويره كانت نايمه جنب نجيله الي اخذت تصحيها
نجيله:سويره ..سويره
سويره:وش بج؟
نجيله:سعود بالخارج ويناديج
سويره:وش؟
ونطت بسرعه وهي تسمع سعود يناديها
سويره:جاي يا سعود جاي
اخذت سويره تلبس ملابسها بسرعه وسعود ما وقف من مناداها
سويره:ايييه هذا وش به ؟ يا سعود انتظر اشوي
عجلت سويره بلبسها وركضت للخارج عند سعود وهي تعدل بثوبها
سويره:وش بك يا رجال وش الي صاير؟
سعود فتح اعيونه بوجه سويره وبدا قلبه يدق
سعود:ياويييل حالي من هالشامه الي فوق الشفاااه.....سويري شنبك وين يا سويري؟
انصدمت سويره وحطت ايديها بسرعه على فمها
سويره:هاه......ال.... ال
وقالت له وهي ما زالت حاطه ايديها على فمها
سويره:ال المهابوله ...احلقته لي
سعود:وش ؟
واخذ سعود يناظر حوليه
سعود:اقول يا سويري ..ترا عمي الشيخ يريدك هالساع عنده بالمجلس يقول لا تعاود الا وهو معك
هزت سويره راسها وهي بعدها ايديها على فمها
سويره:رح وانا جاي وراك
بعدها دخلت سويره وراح سعود للمجلس ولحقته سويره
كان الشيخ ساكت واجتمع عنده رجال كثير جت سويره وجلست جنب سعود وحمود بالطرف الثاني
التفت سعود لسويره وقرب منها وهمس
سعود:سويري وشلون اشنبك عااود؟
سويره:اسكت يا سعود هالحين مهب وقتك ودي اعرف وش الي يصير؟
سعود:ايييه مير انا ودي اعرف وشلون هالشنب عااود؟
سويره:طلع الحاله
سعود طول الوقت كان يحاول يمسك نفسه من الضحك لاكنه ما قدر وانفجر عليهم يضحك
هز حمود راسه من ضحك سعود الي نام على جنبه وهو يضحك
سعود:ههههه تقول طلع الحاله وشلون ذي؟ههههههه
الشيخ صرخ بسعود:سعوود اصطلب وصر رجال
سكت سعود بسرعه وعدل من جلسته
سويره:يا عم الشيخ سعود يقول انه ودك اياني
سكت الشيخ شوي بعدها التفت لرجال بالمجلس
الشيخ:قم انده على الحرمه وبنيتها
قام الرجال وراح والكل ساكت ومستغرب وش الي يصير ومن هي هذي الحرمه وبنيتها دخلت الحرمه ووقفت على جنب ومعها بنيه
الشيخ:قم يا سويري؟
قامت سويره وبعدها ماهي مستوعبه وش الي يصير
الشيخ:وش الي سويته مع الحرمه وبنيتها؟ناظرت سويره الحرمه تريد تتذكر هي وين شافتها لاكنها ما تذكرتها وهزت راسها انها ما تذكر
سويره:وشلون يا عمي ؟ماني متذكر اني شفتها من قبل
الحرمه:كذاب كذاب هو ياعمي الشيخ هو انا متوكده منه
سويره:وش الي تذكرينه يا حرمه؟
الحرمه:انت ليلة البارحه تهجمت على بنيتي وكان ودك تغتصبها
سويره انصعقت وحست انها جتها ضربه قوويه
سويره:وش اتقولي؟!! انا ......!!تهجمت على... ابنيتك !!!!ّ
وكاد انج غلطانه مهب انا
الحرمه:انا مهب غلطانه.....وهذي الفلوس الي رميتها لنا لجل نسكت وما نتحجا
سويره:مهب انا ياحرمه .....يا شيخ مهب انا .....سعود انت تصدق الي يقولونه
وقف سعود وصرخ على الحرمه:انتي وش الي قاعده تقوليه ليه تتبلي على الرجال ..سويري رفيجي وانا اضمنه انه ماهوب هو تذكري زين يا حرمه
الحرمه:انا متوكده زين وهذي هي بنيتي قدامك واسالها
سعود قرب ينجن:وكاد انه ما هب هو
الشيخ:سعود.....انت محد طلب منك تدافع عن خويك
سعود:يا عمي والله انه مهب هو...ليه ما ودكم تصدقون الحرمه تكذب وربي انها تكذب
الشيخ:سعووود قل لخويك يرحل من الديره اسلم له ولو كان واحد من القبيله قدرنا ناخذ الحق منه مير ذا ضيف وما ودنا نظلمه بعقاب خله يرحل من الديره
نظرت سويره للكل
سويره:مهب غريبه الي يصير قدامي قبلها انظلم ابوي وهذا هو التاريخ يعيد نفسه انا رايح يا سعود
مير والله ومحمد رسول الله انه مالي يد بالي صار
تركتهم سويره ومن الضيقه الي بصدرها ركبت فرسها وطلعت للجبال ودها تطلع من قهرها بعيد عنهم لان الي المها بالسالفه كلها انها انحطت بموقف ابوها لمن انتهم بنفس التهمه مير ان اهل القبيله ذي مهب اهلها والهم الحق انهم يشكو باخلاقها وهي غريبه عنهم وشلون قدر ابوها يستحمل ظلم جاه من اهله وقبيلته ويصدقو ناس بلوهم بكذبهم وهم يعرفونه ويعرفو اخلاقه زين
لحق سعود سويره وعند الجبل
نزل سعود من فرسه وتقرب من سويره
سعود:سويري
سويره:يكذبو يا سعود والله انه حجي زيف
سعود:داري يا سويري داري وانا ودياك تعاود معي
سويره :لا لا ماني بمعاود ما ودي اعاود لزومن اشيل اختي واروح .....وش الي جاهم مني لجل يتبلو علي ...ياسعود ياسعود النار قايده بصدري ما ودي اقعد دقيقه
سويره كانت ثايره واجتمع فيها وجع كل شي الوضع الي انحطت فيه وهي مهب قادره تدافع عن نفسها وتذكرها سالفة ابوها واحساسها باحساس ابوها غير فراق العنود وان الوقت الي فات ضاع كله بدون فايده كانت تصارخ وتحجي بحجي مهب مفهوم عن الحال كله قرب منها سعود وهو يحاول ايهديها
سعود :سويري سويري اسمعني يا سويري
سويره :ما ودي اسمع شي اتركني الحالي يا سعود انا معاد ودي اظل اهنيا
سعود:اسمعني يا سويري
سويره:ليييه ليييه يصير بينا هيج وش الي سوييناه لجل نعيش هيج وننظلم... ليييه اظلمو ابوي وهو ولدهم وشلون قدروو يسوو بيه هيج؟........ مهب ولدهم وهم الي ربوه ويعرفونه ... وشلون صدقو حرمه تبلت عليه وقالت عليه شي ما صار....انا معلي ياسعود ان انطردت من ديرتكم مير ابوي وشلون يطردوه من ديرته وهله وشلون يخلوه يعيش غريب الحاله ويطلبو من كل القبايل محد يستقبله .....تدري يا سعود ....انهم درو بعدها انهم ظلموه.... ورجعو يدورو عليه لجل ايعاود للديره ....مير عزة نفسه منعته
تقرب سعود منها اكثر ومسكها لجل ايهديها
سعود:سويري ...عاود معي عند الشيخ
سويره:ماودي اعاود ....بعد عني ماودي اظل دقيقه وحده
لف سعود ايديه عليها وضمها لصدره وهي تحاول تبعده عنها
سعود:سويري ..اسمعني زين يا سويري
سويره:اتركني اتركني انا لزومن ارحل من الديره ...انت يا سعود كفيت ووفيت واتركني الحين اروح ادور على اخوي الحالي
سعود وهو يضمها اكثر لصدره:تراني.... قلت.... للشيخ..انج ابنيه
رجفت سويره رجفه قويه حاول سعود انه يسكنها وهو يضمها اكثر
سعود:اسمحي لي ما كان عندي حل غير هيج ......تراني دريت بج من اول يوم لقيتج فيه
كل كلمه كان يقولها كانت تزيد من رجفتها وهو يحاول انه يمنع رجفانها بين ايديه
لزم بعدها سعود السكوت لجل يقدر انه يسيطر عليها
اما سويره فحست ان روحها انتزعت منها وكلام سعود ينعاد براسها وهي ترجف كل ما نعاد براسها سعود كان ايحس برجيفها ووده انه يسكنها وده يفهمها ان الي صار ماله يد فيه وانه ما تكلم وقال لهم الا من بعد ما حس ان كل شي فلت من ايده وانه كان راح ينجن لو تركها ترحل من الديره بعدها بدقايق هديت سويره وبعدها سعود عنه شوي ما كانت تبكي مير شاف سعود بعيونها نظره منكسره
سويره:انت قتلتني يا سعود
دفعت سويره سعود عنها وركضت لفرسها وسعود يلحقها وده يوقفها مير انه ما قدر بعدها رجع لفرسه وركبها ورجع دخلت سويره على نجيله ووجهها كآن الحياه مفارقاه
نجيله:سويري وش بك؟
سويره:سويري مات ياخيه ...سويري مات اقتله سعود
واخذت بعدها سويره تبكي
نجيله:وش اتقولي يا خيه وش الي صاير؟
سويره:قلتلج سويري مااات قتله سعود ...سعود قال للشيخ واهل القبيله اني بنيه ..كان داري بي من زمان ...ليييه يسوي فيني هيج
نجيله باستغراب:كان داري بج من زمان وشلون؟
سويره:مدري عنه؟لاكن ماله حق يروح ويقول لهم اني بنيه ليه يفضحني عندهم ليه ما تركني ارحل ....الحرمه تبلت علي وقالت انه انا كان ودي اغتصب ابنيتها ...شفتي يا نجيله الظلم الي انظلم بيه ابوي ينعاد لي يا خيه ..الله حق..والله انه ظلم شيين ..والشيخ طلب انه ارحل من الديره لجل انه ما يدري الحق مع من لاكن سعوود ليه يقول لهم لييه؟ هالحين وش اسوي وكاد ان العلوم وصلت لكل مكان ..قتل سويري وهو ما يدري
نجيله:سويره...اسكتي يا خيه اسكتي وكاد ان سعود ما
غلط....اشلون ودج اياه يتركج ترحلي من الديره وهو داري انج بنيه ..تقولي انه داري بج من البدايه وكاد انه كان ايريد يساعدج لجل تلاقي عناد ...سعود عمره ما غلط عليج ...ومن الي قلتيه افهم انه كان يحميج وانتي ما تدري عنه
حطت سويره ايديها على وجهها واخذت تبكي وقامت نجيله وضمتها لصدرها
نجيله:وسعي صدرج يا خيه باذن الله ان الي يصير فيها خيره لنا ولج ياخيه ...المتى راح تظلي بوضع رجال عمرك راح يا خيه وانتي بهالحال
سويره بالم ووجع:ارييييييييد العنووووووووود اريد العنود ياخيه العنود ضاعت وشلون هالحين الاقيها
مسحت نجيله دموعها:ان كان لنا نصيب بيها لقيناها باذن الله الشيخ وكاد انه راح يكمل جميله معنا بعد ما يدري بحالنا ارجاج يا خيه لا توجعي لي قلبي اكثر من ما هو موجوع
..............................
اما سعود فكان حاله اردى وكان مثل الي منهوب منه شي ظل يدور بفرسه حولين البيوت وهو مهب عارف وش ايسوي هالحين وشلون راح ايكلمها ولا يشوفها لجل ايفهمها الي بخاطره
سعود:عز الله اني قتلتك يا سويري ...قتلتك وانا مدري
حمود كان جالس بالمجلس مهب مستوعب الي سمعه ومتخيل ان سويري بنيه
حمود:بنيه ....شلون بنيه وحنا معها وما درينا بيها
سعد:يقول انه داري بيها من اول يوم ولا قال لنا
محيميد:اييييه واكذبت علينا وقالت ان دمها فيه مرض
معدي ....حنا تخوفنا وبعدنا عنها وهو ظل معها ما فارقها من ذاك اليوم
سعد:بس هو قال انها ما تدري انه داري بيها
محيميد:ما عليك منهم وكاد انه قال لها
استقعد حمود بقعدته وزجرهم:وش الهرج ذا يا محيميد وش الي قاعدين تهرجون فيه ...سعود خوينا ومهب من الرجال الي انت قاعد تهرج عنهم رجال ولد رجال ...راعي فزعات ومروه ...والله ان الي سواه ما تقدرو انتو تسونه.. وشلون تحصل رجال بذا الزمن يقضي ايام وليالي مع حرمه الحاله ويعصم نفسه ....ذي قويه.... لاكن سعود قدها وقدود.. وهو الوحيد المرجوج فينا من ايشوف حرمه مير هو خويي واعرفه مثل ما عرف نفسي ....الشينه مهب منصفاته....
دخل عليهم سعود وكان حاله ما يسر جلس على وحده من التكيات وكان فكره مهب معهم
تقرب منه حمود:سعود وش العلوم؟
خبط سعود بايده على ركبته وهو ما يدري وش ايقول بعدها قام وراح
سعد:والله ان حاله شيين وش صاير معه؟
.................................................. .........
العنود طلبت من العمه تخليها تروح لبنت العم صالح
العمه:يا بنيتي ما ودي اياج تروحي داخل القبيله الحريم هناك حاقدات عليج ما ودي اياج تنظري
العنود:لا تشيلي همي ياعمه محد يقدر يضر العنود تترحم على حالها الي ودها تضرني ...ودي ازور بنت العم صالح
العمه:ادز لها من يخليها هي تجي
العنود:ودي يا عمه اطلع ملييت من الجلسه بالبيت
العمه:المكان بعده مهب امان خايفه لايعاودو يغارو علينا مرتن ثانيه وانتي بعيد عني
ضحكت العنود:والله مادري ليه ياعمه خوفك كله ذا علي وش الي سويته لج لجل اتخافي علي...الي اذكره اني ضريتكم
العمه:ايييييه يابنيتي ما تدري وش كثر ودي اقطع الشك باليقين مير ماعندي غير الصبر لجل اتوكد من كل شي
العنود:ايييه ياعمه رجعتي تحجي بحجيك الي مهب مفهوم ودي اروح انا رايحه
العمه:انتبهي الحالج يابنيتي
............
سند كان جالس بمجلسه ومعه سلطان وبعض رجال القبيله يخططو بغزوه صغيره يغزوها للقبيله الي ساعدت مفلح ومصلح على فعايلهم الشينه وغارتهم على القبيله لجل تفهم القبايل الثانيه ان قبيلتهم بعدها محتفظه بقوتها
جاهم واحد من الورعان وهو يصيح:الحق يا شيخ الحق يا شيخ
سند التفت للصوت:وش ذا يا سلطان الولد وش به؟
سلطان:وش اعلومك يا ولد؟
الولد:الحريم ...الحرب قايمه بينهم ووحده من الحريم طخت وحده ثانيه من الحريم برجلها
قفز سند واقف:وش اتقول ؟!!وش الي يصير بالقبيله يا سلطان ...لجل اني بس انعميت كل شي صار منفلت ..هم ما يدرون وش الي اقدر انا اسويه...حتى لو كنت معمي والله اني قادر اربيهم من اول وجديد....من هي ذي الحرمه الي طخت وحده من الحريم
الولد:ذي البنت الي هزمت الرجال الي قاعده عند العمه
سند:العنود......والله اعلمها هي من تكون وشلون جتها الجرئه لجل تعتدي على الحريم
التفت لسلطان وصرخ:خذني عندها يا سلطان.....الحال ذا معاد ينسكت عليه
وهناك وين ما الكل كان مجتمع حولين الحرمه والعنود الي كانت واقفه والشرر يتطاير من عيونها
العنود:والله ان مسكتك ان ما يفكني منك غير الموت
اتفاجئت العنود بمسكت سند ليها من شعرها ولفها ناحيته
سند:وانا يالعنود من ايفكك من ايدي
العنود:اه اتركني انت تالمني
لاكنه شد عليها اكثر وكان صدره يرتفع وينزل من الغيض
سند:سكت عليك كثير وسويت معج كل شي لاكن مابه فايده مادري على ويش انتي شايفه حالك كل شي سمحت لك فيه الا انك تتعدي حدودج واتضري حد من اهل القبيله وكل ذا لجل اني اتركج ترحلي مير والله ما خليج تنولي الي ودج اياه واني اعلمج وش قدر نفسج
العنود من شدة مسكت سند لشعرها ما قدرت تقول شي غير انها تحاول تخلص حالها من يده
قربت بنت العم صالح من سلطان:خله يتركها تراها هي الي انطخت برجلها
سلطان:وش اتقولي؟!!!!!ّ
قرب سلطان من الشيخ
سلطان:يا شيخ
سند بغضب:اسكت يا سلطان...هالحين اتروح وتبني خيمه قدام المجلس
بعدها دفع العنود ووقعت على الارض
واتخلي الحريم يسحبنها من شعرها للخيمه وتربطوها بعمود الخيمه وما ودي حد يجيب لها اكل ولا شرب خلها تعرف هي من معه تحط راسها براسه
بعدها التفت عنهم
سند:يا عم صالح خذني للمجلس وانت يا سلطان سو الي قلتلك عليه
تركهم سند وراح مع العم صالح ...تقرب سلطان من العنود
سلطان:يا خيه الشيخ ما يدري انك انت المطخوخه هم قالو له انك انتي الي طخيتي الحرمه
العنود ما ردت على سلطان وظلت تناظر للارض اقتربت منها بنت العم صالح
واخذتها معها بعد ما استرخصت من سلطان لجل تعالج الطخه الي برجلها
رجع سلطان عند الشيخ سند
سند:سويت الي قلتلك عليه يا سلطان
سلطان:هالحين اسويه يا شيخ مير ودي اياك تعرف ان الي انطخت هي العنود مهب وحده من القبيله الولد يقول انا ما قلت انها هي الي طخت كان وده يقول انها انطخت
وقف سند مصدوم:وش اتقول ؟...هي الي انطخت وليه ما قلت لي ...ولا هي تحجت
سلطان:يا شيخ الغضب كان معميك
سند:قل اني معماي بالاصل يا سلطان .....ااااااه والله اني مقهور على حالي....وشلون هي المطخوخه وانا احاسبها على شي صاير فيها....لييييه يصير هيج؟
حط سند ايده على راسه وهو يحس بوجع فضيع
سلطان:يا شيخ وش بك؟
سند:الوجع الوجع عاود لي مير المره ذي مهب مثل اي مره سلطان:اقول للطبيب يجي يا شيخ
سند وهو ما زال يضغط على راسه:خله يروح للعنود...خله يشوف وشلون هي الطخه؟
سلطان:ماعليها شر ان شاءالله هي عند بنت العم صالح وتكفلت انها تعالجها...خلني اروح اجيب الطبيب لك حالك مهب عاجبني
.................................................
دخلت مرة الشيخ بالعصير على بيت نجيله وسويره كانت سويره جالسه وتناظر بالارض وبعدها بملابس سويري غير ان الشنب شالته
الهنوف بابتسامه:مسيكن الله بالخير يا بنيات رفعت نجيله نظرها للهنوف ونظرت لسويره الي حست باحراج من حالها وظلت تناظر بالارض قامت نجيله ورحبت بمرة الشيخ
نجيله :تفضلي ..تفضلي يا عمه
رفعت الهنوف نظرها لنجيله وابتسمت لها نجيله
نجيله:وكاد انج دريتي بسويره انها مهب رجال
الهنوف:هاااه من الي يتحجا معي هذي انتي يا نجيله ؟!!!!ّ
نجيله:اييه المهبوله انجيله
الهنوف:انتي مهب امهبوله؟
نجيله مسحت دمعه نزلت عنها بالغصب
نجيله:تفضلي يا عمه وانا اقول لج كل شي
قالت نجيله للعمه بكل شي الا انها ما قالت ان العنود بنيه على امل ان لو جت العنود تقدر تاخذهن وترحل بيهن من الديره
نجيله:هذي كل السالفه يا عمه
الهنوف:والله ان حالكن صعيبه وشلون قدرتن على هالحال...سويره يا بنيتي ليه تظلي معزيه هيج ارفعي راسج يا بنيتي ...اوعدج ان كل الي تريديه يصير واعتبريني مثل امج والشيخ ابوج وما يصير الا الي بخاطرج .....قومي يا بنيتي لزومن تعيشي حياتج صح واطوي صفحة سويري ذي من حياتج
سويره كانت تهز راسها بلاا ودموعها تنزل
الهنوف:الحال هذا مهب حال...وترا سعود اخوي منجن برا يدور بفرسه وده يعرف وش هو حالج
شهقت سويره بشهقه وهي تبكي
الهنوف:يقول لي تعذري لي منها وانه ما قدر يقول لج من البدايه لجل انه يقدر يساعدج وتحصلي عناد ...خاف انج لو دريتي تتركي الديره وترحلي ...وما قدر يسكت وهو يشوفهم يطردوج من الديره....سويره انا داريه وحاسه بج مير لزومن ما تضعفي هيج ...واوعدج ان الشيخ والشباب مايضلو هيج وانهم يسوو الي يقدرو عليه لجل ايحصلو عناد
................................................
بالمسا طلب الشيخ سند من سلطان ياخذه لبيت العم صالح عند العنود
وكانت العمه عندها
دخل سند وسلطان وسلمو ورحبت بيهم العمه وطمنتهم على حال العنود الا ان الشيخ ما سمع صوتها
سند:هي نايمه يا عمه؟
العمه:لا يا ولدي هذي هي جالسه معنا
سند:العنود
...............العنود
سند:تسمعيني يا العنود
................العنود
سند:عممه وكاد انها اهنيا
العمه :وكاد يا ولدي مير مدري وش فيها ساكته..انتي زعلانه ياالعنودمن الشيخ
.............العنود
كانت تناظر الكل الا هو وسلطان ياشر لها بعيونه لجل تتكلم لاكنها ما ردت باي كلمه
سند وهو متنرفز منها:وش ازعله بعد هذا..قم يا سلطان خلنا نروح
طلع الشيخ وكان بخاطره يسمع صوتها ورجع له قهره من قلة حيلته با لشوفه
العنود باتت الليله ذي عند بنت العم صالح وباليوم الثاني خذوها لبيت العمه وكل ما يجي الشيخ ويجلس معهن كانت العنود تلزم السكوت وما يطلع من عندهن الا وهو معصب زود عليها
اما سويره ظلت يومين ترفض الاكل والكلام مع احد وطول وقتها نايمه على جنبها وسرحانه وتعبت معها نجيله
نجيله:سويره يا خيه المتى راح تظلي على هالحال
سويره:انتي وش اتريدي؟
نجيله:قومي يا خيه قومي خلينا نطلع للغدير..انا داريه انج ماتحبي القعده بالبيت كثير
سويره:هالحين لزومن احب البيت غصبا عني..اتركيني يا نجيله اتركيني لحالي
قامت انجيله:انا ودي اروح للغدير اجيب لنا مي خلص المي
سويره:بكيفج يا خيه
................................
سعود طول اليومين وهو صاير عصبي ومحدن قادر يحجي معه بكلمه .......هو نفسه مهب عارف وش الي فيه يحس انه منهوب صدق وبه شووق لاحد مير انه مايدري من هو ذا الي مشتاق له
حمود عزم انه اليوم يحط حد لسعود ويطلعه من الحال الي هو فيه واتوجه لبيت الهنوف ولقي عندها الشيخ يضحك وسعود باينه على وجهه علامات التعجب
حمود:وش بك يا سعود؟
التفت سعود لحمود الي كان واقف
سعود:حمود....المهبوله طلعت مهي بمهبوله
حمود:وش؟!!!!!!!!ّ وش اتقوووول

الجزء الثالث عشر...............
سعود:حمود....المهبوله طلعت مهب امهبوله
حمود:انت انهبلت...وشلون مهب امهبوله؟
سعود:الهنوف تقول.....
حمود:الهرج ذا ما يمشي علي...المهبوله مهبوله.....صحيح تجيها اوقات تقول عنها عاقل مير تظل امهبوله
سعوود:تقول لك انها عاقل وذا كله مهب صحيح
حمود:وش الي يعقلها .....مهبوله مهبووووووله ماعلي منكم
نظر حمود للهنوف والشيخ الي كان قاعد يضحك
الشيخ:تدرون ان البنات ذيلا ادخلو قلبي......وانا تراني اعرف ابوهن الي انطرد من ديرته ....يا سبحان الله القصه نفسها تصير لبنيته...يا عيالي البنيات تراهن بنات شيوخ الديره الي انطرد منها ابوهن سند السنيدي كانت ديره مرهيه واهلها اهل خير وكانو شديدين الجد الكبير كان رجال حازم وقوي وما يرضا بالغلط ويوم انه انبلا ولد اولده بالحرمه الي تبلت عليه طرده من غير ما يتوكد من صدق الي يصير ..حميه ياعيالي الواحد مايرضى بالغلط يصير وانا انحطيت بمكان الجد وطردت سويري من دون ما توكد من كلامها وذي يا عيالي طريقه تلجا لها الحرمه الي عرفها قليل بالحياه انها تتبلا على اي احد وخص لوكان غريب عن الديره لجل يتجوز ابنيتها او ان الشيخ يجوزها اي احد من جماعته لجل يستر عليها...وذا كان حال الحرمه الي تبلت على سويري اما ابوها تبلت عليه الحرمه لان ابنيتها كانت منجنه على ولد الشيخ وهو ما كان يريدها .....اييييه عزالله ان ابو البنات رجال ضاقت به الوسيعه وربى بناته بطريقته الخاصه لجل يقدرو يعيشو ....اتذكر انه مره من المرات زارني اهنيا وكان معه ثلاث اعيال من يوم هن صغار وهو يلبسهن ملابس الرجال مسيكين
حمود:اشلون ثلاث اعيال؟
الشيخ:مدري...وكاد انه لبس البنتين لبس الرجال
الهنوف:تقول نجيله ..انها ما كانت تحب لبس العيال وانه فظلت تسوي حالها مهبوله لجل اتحمي حالها
انتفض حمود اهنيا ووقف:وش اتقولي ؟...هو صحيح اجل انها مهب امهبوله
الهنوف وهي تضحك:اييه يا حمود مهب امهبوله وكاد انك ما تصدق بعد ما هبلت بك
نظر لهم حمود بنظرات ما فهمو لها وهو يهز راسه
حمود:الحجي ذا ما يمشي علي وكاد انكم تضحكو علي
خلاهم وطلع وهو مهب امصدق الحجي
سعود:جاك ماجاني يا حمود...
ابتسم سعود ونظر لاخته:تراه مصيبه والحجي كله ما جاز له...الله يستر
طلع حمود على فرسه واخذ يدور بها مثل الاسد الهايج....لاكنه ما لبث الاوشافها جايه من ناحية الغدير وانطلق ناحيتها تقرب منها وهو يناظرها بعيون ودها تاكلها
نظرت له نجيله ونزلت راسها وجت تمشي لاكنه وقف قدامها وهو على فرسه
حمود وهو يمد لها ايده:هاتي ايدج يا نجيله
نظرت نجله لليد الممدوده لها وما فهمت هو وش ايريد
حمود:هاتي ايدج يا نجيله
ظلت نجله تناظر ايده
صرخ حمود وارتعبت نجله
حمود:قلت هااااتي ااايدج
هزت له راسها بلااا
حمود بتهديد:نجيله تجنبي شياطيني يانجيله وهاتي ايدج
كانت فرس حمود تدور عليها وهو منزل نصف جسمه لتحت ومادد ايده وكآآن الفرس حاسه بتوتر حمود عليها وتحاول تكبح غيضه
حمود بصرخه اعلى:هاتي ايدج
استسلمت له انجيله ومدت ايدها وهي مرعوبه منه سحبها بكل قوته واجلسها قدامه وظرب الفرس برجليه لجل تتحرك وتنطلق لخارج القبيله
.................................................. .........
اتوجه الشيخ سند ومعه سلطان لبيت العمه
سلطان:ياعمه ..ياعمه
لاكن محد رد عليه
سند:افتح لي طريق يا سلطان ودي ادخل
دخل سلطان الشيخ داخل وكانت العنود جالسه وفارده رجلها الي ما بعد تقدر تمشي عليها
سلطان:صبحج الله بالخير يا خيه
لاكن محد رد عليه
سند:انت من اتحاجي يا سلطان
سلطان:العنود
سند:هي اهنيا؟
سلطان:ايه يا شيخ
سند:العمه وين يا العنود؟
ماردت عليه
اجلس سلطان سند على فراش قريب من العنود
سند:هي وش صار لها ؟؟احد اكل السانها؟؟
ابتسم سلطان:ان بغيتني يا شيخ تراني قريب بالخارج..اسلم عليكم
طلع سلطان وظل سند مع العنود لحالهم
سند:العنود................ما ودج اتقولين لي العمه وين راحت؟؟
......................
سند:انتي وش صاير لج هاه؟؟.......هو ذا زعل مثل ما يقولو؟؟
العنود كانت ساكته وتناظر لتحت بعدها ناظرته
واتكيت على التكيه الي جنبها واخذت تناظره..ولاول مره سمحت لعينها تناظره هيج... كان جالس مقابل لها...هي ما تنكر ان به زين وحضور قوي
سند:انتي اهنيا يالعنود؟
كان يتكلم شوي ويسكت وعلامات الغيض توضح بوجهه ما درا بالي سرحت بيه وهي تناظره وتحس بشي بدا يدق بجوا
صدرها اما سند فكان مقهور منها مهب كفايه انه انحرم منشوفتها تحرمه بعد من صوتها ليه...هي وش اتريد اتسوي بيه اكثر...لاكن ذا جزاي الي كل شوي جاي لجل اسمع صوتها وهي ما درت بي.......اما العنود الي كانت مستغله انها لحالها معه ظلت تناظر فيه اكثر بعيونه ووجهه وشعره واكتوفه..حطت ايديها على فمها تكتم ضحكتها"وش الي جاني قاعده اناظره هيج..مدري شلون صدقنا حالنا انا وسويره اننا رجاجيل عند الطول ذا وذي الرجوله ما غير كانت اشكالنا تضحك وحنا ما ندري"صرخته قفزتها من مكانها
سند:هين يا عنود السيح ....مصيري اربيج من اول
وجديد...سلطاااان يا سلطان
دخل سلطان بسرعه على صريخ الشيخ
سلطان:يا عونك يا شيخ
وقف سند:خذني من اهنيا يا سلطان
سند كان امفكر ان العنود تركته وراحت لورا الحاجز
سلطان:وش به الشيخ ياالعنود؟
وقف سند:هي اهنيا؟
سلطان:اييه طال عمرك
سند:ما عليه والله اني وراج...خلنا نمشي يا سلطان
ومثل كل مره يطلع من عندها وهو مقهور
ولاول مره تمنت العنود لو انه ظل اكثر شوي
.................................................. ............
حمود طلع بنجيله لخارج القبيله واخذها للمكان الي وقفت فيه مره وهو ماسك ايدها وحاطها على قلبه.... كانت تحس بانفاسه الحاره وصدره الي مثل البركان فيه ...قريب ينفجر اما هي فكان قليبها يدق بسرعه ومهب فاهمه وش الي صاير.... وصل حمود للمكان واتذكرته نجيله نزل وسحبها بقو من على الفرس ووقفها قدامه
حمود:صحيح الكلام الي وصلني يا نجيله؟؟؟؟
كان صوته يرعدوشكله ثاير نجيله حست بالخوف وخطت خطوه لورا وهي مبعده نظرها عنه واتقدم منها حمود خطوه وهو يعيد
حمود:صحيح الكلام الي وصلني......صحيح انك مهب امهبوله؟؟؟؟؟!!!!!!!!!!!ّ
لزمت انجيله السكوت وخطت خطوه لورا وعينها للارض الي زاد حمود غيظ اكثر وهو يصرخ عليها
ويخطي معاها خطوه لقدام
حمود:صحيح انك مهب امهبوله؟؟؟؟
كان منحني لقدام لجل ايكون بمستوا وجهها
حمود:ناظري لي يا نجيله ..صحيح انك مهب امهبوله هاااه؟؟؟؟
انجيله ما عرفت وش اتسوي ما غير كانت تناظر اهنيا واهناك الا انها تحط عيونها بعيونه وكانت كل ما تقدم منها حمود خطوه ترجع لورا خطوه لين ما لصق ظهرها بالصخره وين ما كانت واقفه من قبل
حمود:ليه ما ودج تتحجي وتقولي شي ....وليه ما ودج تناظري علي؟؟؟؟
امسك حمود نجيله منوجهها
حمود:ناظري علي يا نجيله ...صحيح انك مهب امهبوله...ليه ما ودك تناظري علي؟؟؟؟؟؟
كانت كل ما ودت نظرات عيونها لجهه يلف حمود وجهها له لجل تجي نظراتها عليه وتتلاقى بنظراته لاكنه ما قدر وهي كل شوي تبعد نظراتها عنه
كان قريب منها كثير وهو محاصرها عند الصخره ماسك بايد وجهها وايد متكي بيها على الصخره
حمود:ما ودج اتحجي ليه يا نجيله ....وش شايفتني قدامك لجل تستخفي بي هااه واتهبلي بي واتخليني اراكض وراج انتي وجرابيعج هاااه.......انا حمود تستخف بي باخر الزمان حرمه ...انتي تدري وش سويتي فيني اعتقد ان المكان ذا شاهد بالي سويتيه فيني يا نجيله......والله اني كنت قريب انجن من الحال الي كنت فيه وانتي ساكته ماغير قاعده تضحكي علي ..
انجيله قربت دموعها تنزل وهي تحس بلسانها انربط وعينها رافضه تنظر له
كان تنفسه ايزيد وهو يناظرها بقهر
حمود:ناظريني يا نجيله ليه ماودك تناظريني...مستخفه بي...كل هالمده وانتي مستخفه بي.....ووكاد انج كنتي تتضحكي علي واتقولي مسكين ما عرف يعشق الاوحدتن مهبوله
نجيله ابد ماقدرت تحط اعيونها بعيونه واستمرت انها تصد بنظراتها بعيد عنه
حمود:ولا كان خوف مني يا نجيله ..وانا لوكان ودي اسوي بج شي سويته وما علي من اهبالج.........ليه تحديني اسوي شي ماودي بيه مير لجل ابعدج من راسي سويته
اخذ حمود يناظر بوجهها والقهر يعاود ليه
حمود:لاكن ما قول غير الله يوجع قلبج مثل ما اوجعتي قلبي
نزلت ادموعها بسرعه على وجهها
تركها والتفت عنها
حمود:تدري وش اريد منج الحين ودي ما شوف وجهج ابد...خليج عند خيتج بالبيت وانا والله اني اسوي كل الي اقدر اسويه لجل ايعاود اخوج عناد وترحلو من الديره ...ما ودي اشوفج ابد ابد........يكفيني ما جاني منج يا نجيله
ركضت نجيله بسرعه ناحية فرس حمود وركبته وانطلقت بيه وقف حمود يناظر لها"وتعرف تركب الفرس لحالها بعد" كان منتهي وموجوع بالحيييييل
.................................................. ....
تركت انجيله الفرس بعد ما دخلت للديره وضربتها لجل اتعاود لحمود وركضت للبيت دخلت علىسويره وشهيقها بالبكى مالي المكان وقفت سويره وركضت لها وحضنتها
سويره:نجيله وش الي جاج؟
نجيله:يقول ..الله.. يوجع.. قلبج ...مثل ما وجعتي ....قلبي ليه هو قلبي مهب موجوع ......والله انه .....موجووووع حيل موجوووع ولو يحس.. بوجعه.. ما قال ولا كلمه
كانت تشاهق من البكا وهي تتحجى ..سويره ما فهمت هي عن ويش ولا من ذا الي تحجي عنه
سويره:نجيله من الي وجع لج قلبج؟؟
نجيله:هو....هو الي وجعه لي
بعدت سويره نجيله عنها وناظرت بوجهها الي يبكي
سويره:من...من يا نجيله؟
سكتت انجيله واخذت تحاول تسكت نفسها بعدها اخذت نفس طويل
نجيله:حمووود يا خيه ....حمود وجع لي قلبي
ارتمت بعدها بحضن سويره واخذت تبكي بزياده
.......................................
الحال انقلب عند حمود الي كان يداري بالاوله وناته عند ربعه صارت تنهيداته تطلع لحالها من غير ما يدري
وراح عند الشيخ وطلب منه يعجل جوازه من بنت اخته وطلب انه يروح يدور ويسال عن اي شي يدلهم بعناد اما سعود الي لين هالحين ما يدري وش سبب ضيقته وحاله الي انقلب ......بعد ما سمع من حمود انه طالع يدور على عناد اعترض طريق حمود وحاول يمنعه لاكن حمود كان مصر وبسبب انهم اثنينهم نفسياتهم تعبانه تشاجرو وبعدها تنازعو بالسيف ووصلت لعلوم عند الشيخ الي جابهم وزجرهم
الشيخ وهو يناظر بيهم وكل واحد فيهم كان مثل الاسد الثاير:وش الي حل بيكم؟؟؟؟هذي سوايا تسووها منتو بربع وعيال عم وش الي جاكم؟؟؟انتو حالكم ذا مهب عاجبني لزومن تحطو عقولكم بروسكم ......وش الي صار؟؟؟؟
سعود:انت يا عمي ارسلت من يسال عن اخو البنات ليه هو بعد يريد يروح؟
الشيخ:هو بكيفه ...يريد يشوف وش هو حال الرجال لجل الحال الي البنات فيه
سعود:وش الحال الي هن فيه ما عليهن شر...هن بحمايتك
الشيخ:لاكن ذا اخوهن ووكاد ان حالهن من عقبه ما يسر حتى لو كانن تحت حمايتي
سعود:ان طلع طلعت معه
الشيخ:وانتو حالكم هيج ما واحد فيكم يطلع انا دزيت من هم اخبر واعلم لجل يجيبو لعلوم ...وهالحين ودياكم تبنو بيت ورا بيتي لجل ننقل البنات قريب مني
.................................................. ............
انبنا البيت ورا بيت الشيخ وانتقلت له سويره ونجيله الي كان حالهن ما يعلم به غير الله وكانت مرت الشيخ تزورهن دايمن وما كانت ر ا ض ي ه بحالهن ومر عليهم يومين بالحال ذااما الشيخ سند امتنع عن الروحه لبيت العمه لجل ما ينقهر زود من العنود الي لعب بيها الشوق هيه بعد وهي ما تدري
العمه:عنود يا بنيتي
العنود:يا عونج
العمه:ودي اروح اشوف الشيخ واسلم عليه مدري وش جاه ما جاني من كم يوم
العنود:هو ملزوم يجيج يا عمه
العمه:ودي اروح اشوفه يقول سلطان ان وجع راسه يجيه كثير
العنود:ودك اياني اوصلك يا عمه؟
العمه:اذا ودك تجي تعالي
العنود:اييه لجل اوصلك بس
ابتسمت العمه ومسكت بايدي العنود واتوجهن لبيت الشيخ وجاهن صوت منيره من وراهن
منيره:انتي وين رايحه يا عمه
العمه التفتت لها:عند الشيخ يا منيره
منيره:ودي اروح معج
العنود:وش اتسوي بمجلس الرجاجيل؟
منيره:وانتي وش اتسوي؟
العنود:ودي اروح اتقهوا من قهوة الشيخ ....وش ودي يعني اسوي
العمه:ان ما سكتن عاودت للبيت
اكملن بعدها طريقهن لبيت الشيخ
وقف سلطان اول ما شافهن مقبلات
سلطان:العمه يا شيخ
نط سند واقف ورحب بالعمه الي اقتربت منه وسلمت عليه وحبها هو على راسها
منيره:وشلونك يا شيخ
سند:من منيره...الحمد لله تفضلن تفضلن
كانت العنود تناظره وغاضتها ابتسامته لمنيره
منيره:يدوم فضلك يا شيخ
سند:تفضلي يا منيره بعدها التفت لعمته الي كان ممسك فيها
سند:وشلونج يا عمه؟؟
العمه:والله اني زينه مير اني اسال عن حالك
سند وهو يجلس والعمه تجلس جنبه:ما عليج من حالي ..الحمد لله مانشكي باس
العمه:العنود اجلسي يا بنيتي
دق قلبه:تقصدي منيره
العمه:لا يولدي العنود جايه معي بعد
حينها قام سند واقف وانحرجت العنود
سند:تقولي جايه معج؟؟....العنود
وقفت العنود تناظر الجميع بعدها التفتت وراحت راجعه للبيت
سند:العنود...ّ
منيره بغيض:راحت يا شيخ والله انها قليلة ادب...اجل الشيخ يناديها وهي ابد.....ّ
ظل الشيخ واقف وهو يناظر لقدام بعدها عاود وجلس جنب العمه ووجع راسه يعاود له
ومراليوم مثل كل يوم كلن بحاله ومعاناته
الا ان الليله ذي كانت عند حمود وسويره غير كل واحد كان نايم على جنبه ويفكر وفجئه تبسم حمود وتبسمت سويره هو تذكر الي كانت نجيله تسويه بيه وهي تذكرت نذالت سعود بيها
حمود:اجل منتي بمهبوله يا نجيله
وقام يتذكر كل مواقفها معه لين ماقعد جالس واخذ يضحك بصوت عالي
اما سويره الي كانت تذكر بعد مواقف سعود معها بدا رجيفها يزيد كل ما تذكرت موقف "كان يدري بي وانا مدري "احمر وجه سويره وجلست جالسه وحطت ايديها على وجهها
باليوم الثاني دخلت الهنوف على سعود الي كان نايم وشابك ايديه ورا راسه ويناظر بسقف بيت الشعر جلست جنبه
الهنوف:سعووود وش بك يا خوي
سعوود تنهد:اااه...والله اني مدري وش بي
الهنوف:اقول انا وش بك يا خوي؟
نظر سعود لخيته:وش بي يا خيه؟
الهنوف:الحال ذا ما جاك الا من بعد ما قلت عن سويري انه بنيه
جلس سعود:ايييه يا خيه مدري وش الي مضيق بي با لسالفه
يمكن لانه فضحت امرها بدون ما قول لها....مير ما كان قدامي غير هيج
الهنوف:انت ما غلطت بشي يا خوي
سعود:هي وش حالها يا خيه؟
الهنوف:مثل حالك ياخي
سعود:وشلون مثل حالي
الهنوف:مدري عنها ياغير طول الوقت جالسه ولا هي معنا
وقف سعود وهو يلوم حاله:وكاد يا خيه وكاد من بعد ماكانت تروح وتجي وما عليها من شي تنحبس هالحين وهي ما تعودت على ذالحال والله اني ما قدر اظل يوم بالبيت منحبس
الهنوف :يا خوي انت من قلت عنها وانت حابس حالك اهنيا
سعود:انا جالس لحالي وادري اني لو بغيت اطلع طلعت مير هي انجبرت
الهنوف:تقدر يا خوي تطلع من الي يقدر يمنعها
سعود:مهب مثل لول يا خيه
الهنوف:اسمعني يا سعود ...ما هقوتي ان الي بيك ذا بس
سعود:وش الي بيني يا خيه
الهنوف:مدري عنك ليه انت ما تقول
سعود:وش الي اقوله؟؟
كانت سويره بالوقت ذا قريب من بيت الشيخ وجايه من ورا عند الباب الي فتحته الهنوف للبنات يجن منه
الهنوف:انك تريد تجوز سويره
سعود باستغراب:انا!!!!! انا اتجوز سويره وش الي انتي قاعده تقوليه يا خيه
الهنوف:انت ماتريد تجوزها؟؟
سعود:يا خيه ماودي اقول انك انهبلتي ....انتي تدري ليه زعلان ..ززعلان لاني حطيتها بوضع هي ما تعودت تعيشه ما تقدر تعيش مثل كل ابنيه...تعودت تعيش طول عمرها رجال وشلون اتجوزها...هي بالوال خليها تتقبل انها بنيه تقولي لي تجوزها .....ّ
حطت سويره ايدها على فمها ورجعت بسرعه من وين ما جت
الهنوف:ذي بنيه يا سعود مهب رجال
سعود:داري يا خيه داري مير انا شفت انها ....ّ
الهنوف:ابد يا سعود ما حسيت بشي وانت معها؟؟
سعود:احس بويش يا خيه؟؟؟
الهنوف:انا الي اسال يا سعود....ذا الي هنيا ما كان يقول شي؟؟؟
وكانت تظرب على صدره
سعود:ياخيه...ّ
الهنوف:ابد يا سعود.....؟؟؟؟؟
سعود:كان ....كان.....اذا تنيذلت معها وحطيتها بصدري حسيت برجيفها ورجفت معها
الهنوف:وش اتقول!!!!!!
سعود:ايييييه انتي الي تحديني اتحجا
الهنوف:وشلون تحطها بصدرك وهي رجال
سعود:ما كانت داريه اني داري ...مير انا حسيت بيها والسالفه عجبتني
الهنوف:والله انك نذل
سعود:اييييه داري داري...انا ما ودي اتحجا اكثر من هيج ارخصيلي
خلاها وطلع وهو مهب عارف وش جاه
الهنوف:اجل ذي فعايلك يا سعود وانا اقول لبنيه من ويش تهوجس...سود الله وجهك
.............................................
زاد الوجع عند الشيخ سند وجاب له سلطان الطبيب
الطبيب:اسمع يا شيخ انا جبت لك اليوم علاج مير مدري ان كان ينفع او لا والنافع الله
سند:عالجني به يا طبيب سو الي تقدر عليه...الحال ذا معاد لي صبر بيه
الطبيب :باذن الله تشفا يا شيخ عالج الطبيب سند بالعلاج الجديد وطلب منه يسكر عيونه لمدة خمس دقايق بعدها يفتح اعيونه
وكانت النتيجه ان الشيخ شاف النور بشويش لاكن الوجع رجع له
الطبيب :لا تستعجل يا شيخ ريح حالك اشوي
سند:ما علي من الوجع ...انا انا اشوفك يا طبيب
سلطان والعم صالح:الحمد لله الحمد لله
الطبيب:الحمد لله يا شيخ
ركض سلطان بسرعه لخارج البيت واخذ يطلق بالجو طلقات سمع صوتها كل اهل القبيله وطلعو لجل يعرفو وش الي يصير وانتشرت البشاير بين اهل القبيله بشوفة الشيخ
بشرو العمه الي اخذت تحمد الله وتشكره:العنود يالعنود الشيخ رجع له بصره الحمد لك يارب....ودي اروح اشوفه تجي معي يالعنود
العنود:لا يا عمه روحيله انتي
العنود كانت تحس بدقات قليبها تزيد ولما طلعت العمه حطت ايدها على صدرها
العنود:وش الي يصير لي ليه احس بشي يرجف اهنيا ....لا لا لا هذي اول مره تصير لي وكاد ان صابني شي.......

كل اهل القبيله جو وباركو للشيخ الا ان الشيخ كان شوقه لشخص ثاني ما قدر يروح ليها لان العمه كانت عنده
.................................................. .....
اهداااااااا الى قرائي الاعزاء.........
تسلم عيونن بالمحبه خذتني..
طال الزمن وما تغير هواها..
تستاهل التقدير كم قدرتني..
لكن انا وشلون بلحق جزاها..
من حسن حظي بالغلا بادلتني..
ما شفتها تبخل علي بوفاها..

الجزء الرابع عشر...............


كانت العنود جالسه ببيت العمه ومعها بنت العم صالح
والشيخ سند وصل حده من كثر ما مسك نفسه لجل ايروح وايشوفها "وش ذا البلا الي جاني لجل اشوفها..."
العمه:ارخص لي يا ولدي وكاد هالحين بنية العم صالح ودها تعاود لبيتها والعنود لحالها بالبيت
قام سند:اوصلج يا عمه
العمه:ريح حالك يا ولدي
سند:ما علي ياعمه ودي اوصلج
كانت العنود واقفه ودها تودع بنت العم صالح وناظرت بنت العم صالح للخارج ورجعت للعنود:هذا الشيخ والعمه جايين
العنود:جاييين؟
:اييه
العنود:يحفظج الله انا ودي اروح انام
وتركتها العنود وراحت ورا الحاجز وهي تحس بتوتر
طلعت بنت العم صالح وسلمت على الشيخ وتحمدت له بالسلامه
دخلت العمه ومعها الشيخ
العمه:العنود...ياالعنود
............................مابه صوت يرد
العمه:وكاد انها نامت
الشيخ باستنكار:نامت؟!!!!!!!
حس بغيض يغلي بصدره عليها اشلون نامت والبنيه توها طالعه من عندها
سند:تصبحي على خير يا عمه
طلع سند ورجع لبيته وهو كاتم غيضه
واستمر الحال على ذاالمنوال العنود ما اعطت الشيخ فرصه انه يشوفها بالايام الي بعدها ابد كل ما يجي لبيت العمه تركض لفراشها وتنام ومره كان مقبل لبيت العمه لجل يفاجئها بدخوله.... وتكلم سلطان مع رجال مار وسمعت العنود الصوت وركضت لورا الحاجز تنرفز الشيخ من سلطان بعدها..... وفي المره الثانيه قبل لا يدخلو تحنحن سلطان وسمعتهم... التفت حينها سند لسلطان:والله انك رجال وش راييك هالحين؟؟؟
سلطان وهو يتبسم:وش صاير يا شيخ؟
كانو يتحجو قدام بيت العمه
سند:مدري عنك؟
التفت بعدها سند لبيته وعاود له
.................................................. ............
جت مرت الشيخ الهنوف عند نجيله وسويره وقالت لهن ان الشيخ وده اياهن لان عنده رجال جايب علوم عن رجال لقاه اسير عند قبيله من القبايل ووده يقول لهن مواصفاته ان كان هو عناد
سويره:تقولي الصدق يا عمه ...يا ويل حالي ياعناد ان كنت انت هو
طلعت الهنوف وظلت سويره ونجيله سويره تفكر اشلون هالحين اروح لمجلس الشيخ وسعود وكاد اهناك
نجيله:سويره ودك تروحي
سويره:اييه لزومن اروح...مير مير مدري وشلون
ابتسمت نجيله:تعالي يا خيه .....ودج تروحي لزوم
سويره بعد ما مسحت السمار الي تحطه كان شكلها غير وحتى شعرها الي كان دايم اشعث حطت عليه نجيله قليل من الزيت الي خلاه طايح وغير من شكلها... لبستها نجيله الشال ومن فوقه عصابه وقليل من الشعر ظاهر من قدام بخصايل جايه على وجهها من الجوانب
نجيله:وكاد ان مابه حد اصدق انج انتي هي سويري
ابتسمت سويره ونزلت راسها لتحت
سويره:خلينا نروح يا خيه
بالمجلس كان الرجال الي جايب لعلوم جالس جنب الشيخ ومن جنب الرجال جلسو الشباب على طرف واحد لجل تجلس البنات على الطرف الثاني وكان كلا من حمود وسعود متوتر وما هوب عارف وشلون يجلس
حمود"هالحين انا وش الي مجلسني مهب انا الي قايل انه ماودي اشوفها مرتن ثانيه اجل لويش جالس....ياليل الشقى يا حمود"
سعود"وش بي احس برجيف بصدري ..لييييييييه مدري والله"
اقبلت البنات وكلا من حمود وسعود ماقدر يرفع نظره ناحيتهن
اربع اقلوب صابها رجييييييييييييييييف
سلمن البنات وجلسن على الطرف المقابل للشباب
رفع حمود عينه"يالييييييييييييييييل الشقى يا حمود"كانت نجيله منزله راسها ووجهها باين عليه الحزن والتعب
اما سعود اول ما رفع عينه وطاحت عليها اوجعه قلبه... وشاف شي ماتخيله لا لا لا وكاد انها مهب هي وش الي انا اشوفه ...يا قدرة الله ..والله انه شي ما يتصدق هو وكاد انها هي وش الزين ذا الي يذبح...هقوتي اني اليوم ميت لا محااااال..يييييييييييييه والله اني مالومك يالي ترجف بصدري ليه ترجف
حمود همس لسعود جنبه:سعووود
سعود :ها
حمود:سكر فمك وانت تناظر هيج
سعود:وش اتقول؟
حمود:اقول... فمك... سكره..فضحتنا يارجال
سعود من غير وعي:الشااامه .. الشامه تذبح ياحمود
حمود:سود الله وجهك..اصطلب وصر رجال
سعود"وش رجاله اصير وانا عيوني بعدها ماهي بمصدقه الي تشوفه ...هي وكاد انها الي كانت معي..
رفع حمود نظره ناحية نجيله وتلاقت نظراتهم
حمود:شقى
سعود:ايوالله انه شقى
حمود تفاجئ ان سعود سمعه
الشيخ:سعود قم صب اقهوه ...المقهوي راح يجيب حاجه
قام سعود وهو مختبص ومسك الدله والفناجيل ومشى لوسط المجلس وطاحت عينه بعين سويره وتعثر بمشيته لاكنه تدارك حاله ووقف
نجيله ما قدرت وضحكت بصوت عالي وحطت ايدها بسرعه على فمها تكتم الضحكه حينها انهبل حمود من ضحكتها وقام بسرعه وطلع من المجلس وده ايهدي نفسه ماوده يفضح حاله مثل المعثور الي حتى المشيه ما قدر يمشيها اقصد سعود
كان سعود واقف قدام الشيخ يقهويه هو والرجال وعيونه تخونه وتناظر عليها لاكنه رجع وناظر نجيله الي كانت تناظره بستنكار على نظراته لاختها تبسم ورجع يناظرلقدام
الشيخ:قرب يا سعود
قرب سعود من عمه الشيخ وهمس له الشيخ:تراك فضحتنا يا رجال حشم الي جالسين بالمجلس
سعود:ان ..ان شاءالله
سعود"لحد يلومني يا ناس والله اني اشوف الشمس مشرقه اهنيا ومصوبه بشعاعها اهنيا بصدري يويييييييييل حالي قريب اكتب القصيد "
رجع سعودوجلس مكانه وعيونه تعانق وجهها
تكلم الرجال وقال عن الرجال الي حصله اسير وقال لهن مواصفاته
نجيله:مهب هو يا عمي الشيخ
الشيخ:انتي متوكده يا بنيتي
رجع حمود وجلس وسمع نجيله تكلم الشيخ ماهب متخيل انها هي الي تتحجا كان يناظرها وهو مقهوور
اما سويره فظلت ساكته وهي مستحيه من حالها وذا جنن سعود بزياده
الشيخ:مرخوصات يبنياتي وباذن الله تجينا علوم قريب
نجيله:باذن الله ياشيخ
نط محيميد وتقرب من الشيخ وهمس باذنه
نجيله وسويره وقفن لجل ايروحن
الشيخ:اقول يا نجلا
التفتت انجيله له:يا عونك يا عمي
الشيخ:المثل يقول من سبق لبق .....وترا محيميد يريدج على سنة الله ورسوله
ارفعت حينها نجلا نظرها لحمود الي وقفت دقات قلبه ورجعت تنظر لتحت
حمود ظل يناظرها وبخاطره ينتظر منها تقول لا
نجلا:امهلني يا عمي افكر يومين ولزومن اتشاور مع خيتي
حمود"والله وتعرفي تتحجي يا نجيله واتقولي بعد امهلني...والله مابه حد مهبول غيري الي صدقت هبالج
حس حمود بالنار تشتعل بصدره وتشويه شوي
.................................................. .............
الشيخ سند كان جالس بمجلسه ومثل كل يوم جالس وايهوجس هز سلطان راسه وطلع من عنده واتلاقى بالعمه تمشي بالخارج سلم عليها
سلطان:وشلونج يا عمه
العمه:الحمد لله
سلطان:مابه علوم ياعمه ان كانت هي؟
العمه:والله يا سلطان اني تعبت معها كل ما اسالها وش اسم ابوج ضيعت لي السالفه ..مير انا يولدي حاسه انها بنت اخوي ...سلطان مجبت اعلوم عن البنات الي قالت اساميهن؟
سلطان:جتنا علوم انهن بديرة الشيخ متعب ارسلنا مراسيل وجابو لعلوم الشيخ سند يدري بيهن مير ما يدري انج شاكه انهن بنات اخوج
العمه:لا لا ماودي اياه يدري هالحين ...ما ودي العنود تدري الا بعد ما تحب تجلس بالديره وترتاح نفسها اهنيا والشيخ ان درا وكاد انه راح يقول ليها
سلطان:ايييه يا عمه وتراها ذبحته وهي متخبيه عنه
ضحكت العمه:والله مدري وش جاها تقهره هيج
سلطان:ههههههه ارخصيلي يا عمه
.................................................. ................
السوري ونجلا دخلو على الهنوف بمجلسها وظلو عندها وبعدها بشوي ترخصت نجلا لجل تروح تجيب حاجه من البيت وترجع ليهن وظلت الهنوف مع سويره وهي تناظرها وتفكر بسعود وش كانت ردة فعله
الهنوف:سويره تذكرت عندي شي ودي تشوفيه
وقامت الهنوف وراحت لشقها
سعود كان دايم يجي ويجلس بمجلس اخته ان كان محدن عندها ....دخل وهو جاي مستعجل يريد ياخذ سيفه الي معلقه بطرف المجلس .....شافها ووقف قلبه ماعرف وش ايسوي ولا قدر يوقف ارجوله الي كانت رايحه للسيف
سعود وهو يتكلم ياشر بيديه:ال ال ال الس الس س سيف و و و ودي
رفعت سويره وجهها واخذت تناظره وهي مبتسمه"وش فيييييك يا سعود ما خبرتك تقطع بالحجي"
سعود:السيف
اخذ السيف وهو راجع وما زال يناظرها تعثر مرتن ثانيه وضحكت سويره بضحكه غير مسموعه وقف بسرعه سعود وهو متفشل واشار للسجاد انه هو الي وقعه
الهنوف:وش بك يا سعوود
سعود:ال ال سجا ا اد هو الي هو
واشار لها انه وقع بسبب السجاد واخذ يحك راسه
الهنوف:ياخوي بيك شي منت بصاحي
وقفت ساره:ارخصيلي يا عمه
وطلعت من عندهم وعيون سعود تتبعها
الهنوف:سعووود انت صاحي يا خوي؟
سعود:هااه وش قل قلتي
ضحكت الهنوف
سعود:اييييه ارخصيلي يا خيه
طلع سعود وهو يحس برجيف قلبه ما وقف وحس ان حاله تغير وده يضحك ويسولف الضيقه الي كانت كاتمه على صدره معاد لها وجود اما حمود الوجع عنده زاد اخذ فرسه وطلع لخارج القبيله يروح عن حاله..
..............................................
وفي مكان ثاني كان مناحي ونواف جالسين يشون لهم ارنب صايدينه .....وكاد انتم تذكرو من هو مناحي ونواف الي هم كانو قطاعين طرق الجبال السود والي كان نواف من الي طختهم سويره....لاكنه عاش بعد ما رجع مناحي للمكان وحصله مطخوخ بطخه برجله عالجه وقدر بعدها يمشي وهو من ذاك اليوم ونفسه يلاقي سعود وسويري لجل ينتقم منهم
بالعصير كانت نجلا جالسه على تله قريبه من الغدير ولامه ركبها لصدرها وتفكر ومن بعيد كان حمود على فرسه يروح ويجي
حمود"اييه وكاد قاعده تفكري بمحيميد وطلبه....لاكن هين يا نجيله"
ركض حمود بفرسه ناحيتها ونزل واتقرب منها قامت نجلا اول ما سمعت صوت حوافر الفرس واتواجهت بحمود ظلو ثواني يناظرون ببعض
رفع حمود حواجبه ...حمود:اشوف ان الامر ماخذ كل تفكيرج
نجلا ظلت تناظره وما قالت شي
حمود:اسمعيني زين......طلب محيميد ترفضيه فاهمه
استغربت نجلا طلبه لجل ويش يريدها ترفض
حمود:ما ودي اياج تظلي بالديره لجل هيج لزومن ترفضي
التفت عنها لجل ايروح
نجلا:احد قالك ان شوري عندك؟
وقف حمود
نجلا:ماني بمهبوله يا حمود وشوري براسي ...ان كان ودي اوافق وافقت وان ما كان تراه بختياري
ما زال ماهب متخيل انها تعرف تحجي وانها مهب بمهبوله...وش ذا العقل يا نجيله...اجل كنتي تستهبلي بي
الحره بعدها بصدره
حمود:ماودي اكون معج بديره
نجلا "ليه ياحمود تجرحني اكثر من هيج"
نجلا:الرجال ...يطرونه بخيروانه فارس ..من هي الهبيله الي ترفض رجال مثله
التفت لها حمود بغيض:ودك اياني ارحل من الديره
نجلا:انا ما جبرتك لجل ترحل منها ....انا لي حياتي وانا حره فيها وانت بكيفك ودك تظل ولا ترحل
تخطته لجل تروح ومسكها من ايدها بقو
نجلا:حمووود
ترك ايدها وركضت عنه
باليوم الثاني نجلا رفضت تروح تجيب المي
ساره:ليه ماودك تروحي؟
نجلا:ما ودي ..احس بوجع اهنيا وما ودي اطلع من البيت
وكانت تشير لصدرها
ساره:بطريق الغدير به احد
نجيله :قليل الحريم يوردن الغدير الصبح
هزت ساره راسها وتشجعت لجل تطلع تجيب المي من الغدير اخذت الجربه وهي تحس برعشات خفيفه
اتوجهت للغدير وارتاحت ان مابه احد بطريقها وصلت للغدير وملت جربتها وسمعت صوت فرس جايه ووقفت عند الغدير وكان راعيها ملتهي بفرسه ومانتبه ليها اخذ يغسل وجهه ويقرب الفرس من الغدير التفتت له ساره وعرفته تغير حينها حالها وتمنت انها تهرب من المكان بسرعه كانت تحس بخجل ماتدري وشلون جاها الجربه طاحت من ايدها واهي بعدها ما ربطت فمها انتبه سعود للي واقفه غريب منه وياليته ما نتبه التفتت عنه بسرعه لجل تملا الجربه مره ثانيه ودقات قليبها تزيد كانت تحس بيه وهو يقرب منها وانه واقف وراها
"وشلون يا سويره هالحين...وشلون اقدر اشوف بوجهك يا سعود..والله اني مستحيه وشلووووووون
خلصت ساره من ملاي نصف الجربه وربطتها وهي ترتجف وكان وجهها محمر من الخجل وقفت وكان سعود قدامها وهو مختبص مثلها حك راسه وانربط لسانه اجل ليه جاي جنبها
نزلت ساره راسهاوشاف سعود حمار وجهها
سعوود:ال... ال
واشار لها للجربه وبعدها اخذها منها وفتحها ورجع للغدير لجل يملاها ليها بعدها ربطها زين وقرب منها اعطاها اياها اخذتها واسرعت بخطاها راجعه للبيت وهي تسمع صوت قوي ينرمى في الغدير التفتت وشافت سعود بوسط الغدير ابتسمت ورجعت تكمل طريقها
بالوقت ذا كانت اعيون من فوق الجبل تناظر عليهم وكانت عيون مناحي ونواف
نواف:هو ذا يا مناحي هو ذا لقيناهم اخيرن
.................................................. .......
منيره ومعها وحده من حريم الديره كانن رايحات لمجلس الشيخ لجل يشتكن عنده على العنود الي اطردتهن من بيت العمه كل ما راحن ليها
ظل سند يسمع ليهن وهو يشوف ان باب القدر فتح له "ويييين انتن من زمان ما جيتن تشتكن هالحين مالها مفر من مواجهتي"
سند:مهب ابكيفها تمنعكن من الجيه لبيت العمه لزومن توقف عندحدها
بعدها التفت لسلطان وشبه ابتسامه تلوح بشفايفه
سند:وش رايك يا سلطان؟
سلطان:الي تشوفه ياشيخ
سند:رح وخل العمه والعنود ييجن عندي هالحين ....حنا ما نرضى ان حريم الديره تنطرد من بيت العمه هي وش امفكره حالها
منيره تشققت من الفرحه وهي تسمع الشيخ يقول هيج ما تدري ان الشوق لاعب بيه لعبه
سند:قم يا سلطان ولا تجي الا وهن معك
سلطان:بامرك يا شيخ
راح سلطان وقال للعمه والعنود
العنود تفاجئت وظلت تفكر وشلون هالحين
العنود:ماودي اروح يا عمه
سلطان:لزومن تجي ..ذي جلسة محاكمه
العنود :وش محاكمته عليه انا ما ودي اروح
سلطان:لزومن تروحي
توترت العنود واخذت تروح وتجي ورجيف بدا بصدرها يزيد
العنود:ارجاك يا سلطان ما ودي اروح
سلطان ما عرف وش ايقول لها
سلطان :وش اسوي يعني انا ...الحريم مشتكيات عليج والشيخ ما جاز له
العمه:استهدي بالله يا بنتي وخلينا نروح نشوف وش ايريدو؟
العنود:انتي روحي يا عمه وانا جايه وراج
سند كان حاسس بمثل المي البارد الي ينسكب على قلبه الي كان مشتعل من الشوق ومتلهف حييييل لجل ايشوفها دخلو عليه العمه وسلطان وجتهم صرخه قويه من سند
سند:وين العنوووود يا سلطااان
سلطان كان ماسك ايد العمه:تقول انها جايه ورانا
هديت نفس سند:انت متوكد
ابتسم سلطان:هي تقول... مدري عنها؟؟.....وانا نبهت عليها انه لزومن تجي
توتر سند بزياده وهو ينتظر
سند:يا عم سلطان رح وشوفها وخلها تعجل بالجيه
صالح:هالحين اروح
طلع سلطان شوي وعاود
صالح:هذي هي جايه ياشيخ
جااااااااااايه ياليل الشقى
(يوم اقبلت ..فزو لها.. حبيبتي من مثلها.. ومع فزكم قولو هلا )
اقبلت عليهم وتفاجئ سند بالي يشوفه عبااه ولثام هي وش ناويه عليه ...التفت لسلطان جنبه بعلامات التعجب بوجهه
سند:وش الراي ؟
وسلطان ما غير يتبسم ويكتم ضحكته
سند مازال ملتفت لسلطان ويكلمه بنفاد الصبر عنده:هي وش امفكرتني لجل تلعب معي لعبتها ذي..هااه
سلطان:يا شيخ
سند:انكتم
وقف سند وقرب من العنود الي وقفت بنصف المجلس وهي لابسه العباه واللثام ووقف قدامها
سند حط عيونه بعيونها الي كان الكحل بيها
سند:ليه اللثام ذا؟
العنود:بكييفي
سند:وش قلتي ؟؟....وش اسمع...اجل السانج موجود
حركت العنود عيونها وهي تغمضهن وتناظر للطرف الثاني
وده يقتلهااااااااااااااا

....................الجزء السابع عشر


ظل سند يناظر بعيونها وهو مقهور منها
بعدها رجع وقعد مكانه....سلطان كان جالس جنبه ومن الجهه الثانيه كانت العمه ومعها منيره والحرمه الثانيه....اما العنود كانت واقفه على طرف تنتظر تعرف هم وش ايريدو منها وكانت تحس برجيف قليبها من شوفة الشيخ الي هو كان قلبه يرجف اكثر منها هو مشتاااااااااق حييييييل لها واصدمته انها متغطيه
سند:الحريم تشتكي منج انج تطرديهم من بيت العمه
العنود:اييه ما ودي اياهن يجن اهناك
سند:ليه هو بكيفج؟
العنود:ايييه بكيفي
صرخ عليها سند:العنووود.....وش الي بكيفج ذي ....انتي ناسيه من انتي؟
العنود:ابد مانسا من انا....مير ما ودي بشوفتهن عندي ....وذي تراها كذوب تبلت علي بشي انا ما ساويته وانت تدري
....وان طاحت بيدي قتلتها
منيره:انت تسمع يا شيخ ودها تقتلني
سند:ما تقدر تمس شعره منج يا منيره....وانتي ترا منيره تاج راسج تسنعي وخليج بالشور
العنود:اتخسى هي تاج راسي
انقهر منها سند وهي تراده
سند:غصبن عنج هي تاج راسج انتي ناسيه انها حره وبنت عرب احرار....مير انتي وش ؟حياله وحده جايه مضيعه حالها بالبريه لاقبيله ولاسند وغصبن عنج صرتي اسيرتي وغصبن عنج ودج تخدمين حريم الديره.....انتي اهنيا معبوده فهمتي
العنود بغيظ وهي ترتجف ابد ما جاز لها الي يقوله اشيخ عنها:اني مهب معبودتن لحد.....وكف بلاك عني يا شيخ تراك ماتعرف من انا؟
سند:ومن انتي هااه؟
العنود بكل فخر وهي ترفع لثامها عنها
العنود:انا العنووود .......العنود بنت سند السنيدي ...سند السنادوه وفخرها
كانت رافعه راسها وهي تقولها وهي تدري ان مافي قبيله ماتعرف ابوها وتعرف عزوته ذي
نط سند اول ما قالتها ونط وراه سلطان
سند:وش قلتي؟!!!!!ّ
سلطان:يا شيخ
سند:اسكت يا سلطان ......هذي عزوتي وشلون تعتزي بيها
التفت لها
سند:انتي وش قلتي؟؟؟؟؟؟!!!!!!ّ
كانت العنود ترتجف وتناظرهم بكل فخر وهي رافعه راسها فوق......لكن وش الي يقصده الشيخ ان ذي عزوته؟!!!ّ
سند:وش قلتي ....وش لووون تعتزي بعزوتي
العنود:هذي مهب عزوتك .....هذي عزوت ابوي ..سند السنيدي
سند:وش قلتي؟؟
التفت سند لعمته
سند:يا عمه انتي تسمعي وش اتقول
لاكنه تفاجئى بيها تبكي ودموعها ماليه وجهها جلس سند
قدام عمته وهو يحاول يستوعب الي يصير والحقيقه توضح قدام عينه
سند:عمه....انتي ؟؟!!!!!!ّ
لاح حينها كل شي قدام عينه من اول يوم جتهم فيه العنود بلبس الرجال ومحاولت العمه انها تمنع سلطان بانه يقتلها واهتمام العمه بالبنيه وانها قدمت كل حلالها لجل تاخذها من سويلم الراعي كل شي لاح قدام عينه..وفهم كل شي
سند:عمه....كنتي داريه ياعمه بيها؟؟؟
العمه مسحت دموعها:كنت حاسه ياولدي وشاكه مير هي ما رضيت تقول لي هي من ابنيته؟؟
سند:هي بنت عمي يا عمه؟؟؟؟!!!!!!بنت عمي سند...ليه ما قلتي لي ؟؟؟؟ليه تخليني اذل بنت عمي يا عمه؟؟؟
العمه:مدري يا ولدي ...كنت خايفه عليها ومدري وش اسوي؟؟ ...خفت تدري وترحل من الديره
سند:مهب ابكيفها ترحل...لاكن هو وكاد انها بنت عمي سند؟؟؟
العمه:ايييه يا ولدي من اول يوم شفتها فيه وانا قليبي قارصني عليها كانت بلبس الرجال وكانت تقاتل مثل ابوها الي مكان احد يعرف كيف هو يقاتل ...كنت اشوف اخوي بيها
سند:ليه ياعمه؟؟.... لييييه ما قلتي لي انك كنتي شاكه؟؟...... لييه تخليني منعمي قلب وعين
العمه:ما كان ودي انك تغصبها تقول هي من .....لجل ما تترك الديره....وانا يولدي ما كنت متوكده انها هي هي الشك كان يروح ويجيني
سند بالم:وشلون اغصبها يا عمه ؟؟؟.....ليتك قلتي لي بشكوكك...حتى اني اتجنب كل الي سويته معها ...وشلون احط عيني بعينها هالحين.... واقول لها انج بنت عمي
العنود كانت ترجف ومستغربه وش الي يصير عندهم ما كانت تسمع كثير هم وش ايقولو مير كانت تدري ان هم عرفو هي من تقصد بسند السنيدي وكاد يعرفو ابوها....
سند كان يحس بشي يوجعه بصدره ...شي يانبه على كل شي صار لها عندهم
العمه:سند يا ولدي......لزومن تقول لها .....البنيه شافت الويل بحياتها وتشتت كثير لزومن تشوف بنات عمك واتجيبهن....ويستقرن بديرة ابوهن
وقف سند واقترب منها وهو يشوفها بصوره ثانيه خلتها قريبه اكثر لقلبه
"من حقج يا بنت عمي كل ذا الكبر وشوفة النفس...انتي بنت سند السنيدي سند السنادوه وفخرها والي انا اخذت عزوته من بعده"
سند:العنوود...انتي تدري من انا؟
ما جاوبته
سند:انا سند ياالعنود...سند السنيدي ولد عمج...
التفتت له
سند:ولد عمج....والديره ذي هي ديرة ابوج
كانت ضربه قويه جت العنود ابتسمت بعدها وهي مهي بمصدقه وش ايقول؟؟
العنود:وشلووون؟
سند:هذي ديرة السنادوه...... وان كنتي بنت سند السنيدي فذي عمتج اخت ابوج
العنود:شلووووون؟؟؟!!!!!ّ
سند:حنا هلج يالعنود
ظلت العنود تناظره وودها تستوعب الي تسمعه وشلون هم اهلها وشلون هذي الديره ديرة ابوها وشلون الشيخ هو ولد عمها والعمه ذي هي عمتها حقيقه
ومثل الي كان نايم وانتبه من نومه انتبهت العنود وهي تناظر بالعمه الي ما زالت تبكي
العنود:عمتي؟؟؟؟؟!!!!ّ ولد عمي؟؟؟؟؟!!!!!!د ديرت ابووي ...انا ب بديرت ابوووي.............. بال بالديره الي طردت ابوي
انتفض سند اول ما قالت الديره الي طردت ابوي وتقدم منها خطوه واخذت العنود تشير لحالها
العنود:انا بالديره الي طردت ابوي؟؟؟؟؟وشلووون تجي ذي ....وليه اجي اهنيا؟؟؟
سند:يابنت عمي هذي ديرتج
العنود:لااااا ما قاله ربي ....الديره الي طردت ابوي مهب ديرتي
العمه:ابوج انظلم يا بنيتي وكلنا دارييين
العنود:وانتهت السالفه ياعمه.....لاااا ابد ما تنتهي....مير انا وش الي جابني اهنيا؟؟؟وش الي جابني للديره الي طردت سند السنيدي الي هو كان فخرهم وعزوتهم..وش الي جابني للديره الي خلت ولدها يطلع منها ذليل وموطي الراس ظلم جاه منهم....ليه؟.......داريه انكم دريتو انه منضلم وداريه انكم بحثتو عنه بكل مكان وداريه انه منعته عزت نفسه يرد للديره بعد ما رفضته كل القبايل انه يستجير بيها ...اشلون يرد بعد كل الي جاه
اخذت العنود تبكي وسند اوجعه قلبه عليها
العنود:يا عمه ابوي شاف الويل وانمحن بحياته حيييل
التفتت لسند
العنود:وش تعتقد ياشيخ ابوي راح ايسوي ان درا بحالي اهنيا.....ابوي الي حده الزمان لجل ايحمي بناته انه يعلمهن المبارز والفروسيه وش تعتقد رده لو درا ان بناته شافو الموت من اهل قبيلته...ابوي الي ما كان يرضى الشوكه تمس حد منا وش تعتقد رده ان دري ان ولد عمي ضربني بالخيزران ابوي الي لبسنا ملابس الرجال لجل نحافض على حالنا وش رده لو دري اني انرميت للرعيان مرخوصه لهم
سند:ارجاج يالعنود اسكتي
العنود:لااااااا ما ودي اسكت ما ودي اظل بالديره ذي
كانت ادموعها تسيل بالحيل
العنود:انا ارجاك يا شيخ ...ارجاك تتركني ارحل من الديره...وان كان ودك اياني اتعذر من حريم الديره اتعذر لهن مير ما ودي اظل ...ارجاك والله اني احبهن على روسهن واتعذر منهن
سند:لااا يالعنود هن الي يجن ويحبنج على راسج حرمه حرمه... مير ما تتركي الديره ابد
العنود وبعدها تبكي:ماودي بشي مير اني ما تحمل اظل اهنيا اكثر من هيج والله اني احس بروحي ودها تطلع مني ...ما كملتها الا وهي طايحه على الارض واستخف حينها سند الي اسرع وشالها واتوجه بيها لشقه والعمه تلحقه
دخلها سند للشق والعمه بعدها مادخلت حطها على فراشه وضمها حيييل لصدره واول ما حس بعمته دخلت مددها على فراشه والتفت للعمه
سند:يا عمه وش بيها ...تقول ان روحها ودها تطلع منها
جلست العمه جنبها ومسكت ايديها
العمه:العنود....العنود يابنيتي
سند:ليتج يا عمه قلتي لي لييييتج ما خليتيني على عماي........وش الي انا سويته؟
العمه:ياولدي ...لا تجلس تلوم حالك
سند:ليت ايدي تقطعت قبل ما ارفع ايدي عليها
العمه:يا ولدي رح لمجلسك وهد حالك ....باذن الله تطيب وتقعد هالحين
سند:وشلون اهدي وهي تقول ودها ترحل من الديره؟؟؟
العمه:ماترحل باذن الله ما ترحل ..مير انت رح وانا ودي اقعد عندها
طلع سند وشاف سلطان واقف واسرع بخطاه ناحية سلطان
سند مبتسم رغم الالم الي يحسه بصدره:سلطان العنود بنت عمي
سلطان ابتسم هو بعد:الحمد لله ياشيخ
سند:سلطان ليه ما طخيت بالبارود لجل القبيله كلها تدري ان العنود بنت عمي سند السنيدي
مسك سلطان بارودته واخذ يطخ بيها بالسما وسند واقف جنبه بعد يطخ ببارودته وهو يضحك مع سلطان
العنود تنبهت على صوت البارود واخذت تلفت حولها
العمه:تعالي تعالي لحضن عمتك يابنيتي انتي ما تدري بغلاة ابوج عندي
ارتمت العنود بحضن العمه واخذن الثنتين يبكن سوا
العنود:ماريد اظل اهنيا ياعمه ...خلي الشيخ يرخص لي ارحل من الديره
العمه:ليه يالعنود؟؟حنا هلج ولزومن تظلي اهنيا
العنود:مقدر ياعمه مقدر....اشلون اظل بالديره الي طردت ابوي
العمه:وحنا وش ذنبنا ..هذا كان حكم جدي..وهو كان مايرضى بشي يمس شرف القبيله واستعجل على ابوج بحكمه قبل لا يتوكد..لاكنه ندم يابنيتي ندم ومات وهو حزين على ابوج انتي ماتدري بغلاة ابوج عنده...والله ان رحيله من الديره كان يوم حزن بالديره كلها ...وانتي يابنيتي بروحج راح تشوفي وش ايصير للقبيله يوم ما يدرو انج بنيته
العنود:ماودي اشوف شي ودي ارحل
دخل سند ووقف يناظر بيهن والعنود بحضن العمه تبكي
جا وجلس قريب منهن
سند:العنود....ليه البكا يابنت عمي
رجفت العنود لسماعه يقول لها بنت عمه وعلا صياحها
العنود:ماودي اظل اهنيااااااااا.......... اتركوني ارحل.. ودي اروح اشوف اخواتي
سند:خواتج ما عليهن شر هن بقبيلة الشيخ متعب
التفتت له العنود:وسويره ...سويره ما ماتت
سند:لاا ما ماتت ....مهب هي سويري
العنود:ايييه
سند:بديرة الشيخ متعب ...هي ونجيله
العنود:ارجاك ياشيخ .....ودي اروح ليهن
سند:اطرش من يجيبهن مير ما ترحلي من الديره
العنود:ماودي ياشيخ ماودي
سند:انا ولد عمج يالعنود ليه تقولي لي ياشيخ
العنود:ودي ارحل من الديره
تنرفز سند منها ووقف:ياعمه عقليها ياعمه ماودي اسمع الكلام هذا منها مرتن ثانيه
تركهن وطلع
سند بضيقه:ودها ترحل ياسلطان ودها ترحل...وش السواه
سلطان:اتركها ياشيخ لحد ماتهدى وبعدها تثنيها العمه عن الرحيل
.................................................. .......
نجيله:سويره ياله خلينا نروح جنب الغدير
سويره:ياله
طلعن سوا واتجهن ناحية الغدير والطريق كان خالي
نجيله:خلينا نركض يا خيه
اخذت نجيله تركض وهي تقافز مثل ركيضها لول
ضحكت عليها سويره
سويره:وقفي عنج لهبال ذا يا هبله
نجيله:ودي اوصل الغدير قبلج
وورا صخره كانت بطريق نجيله كان سعود واقف وصرخ عليها اول ما مرت جنبه وصرخت بعدها هي واخذ سعود يضحك
نجيله:ليه تساوي بي هيج
سعود:وليه انتي تركضي هيج؟
انتبهت نجيله ان معه حمود ومحيميد
نجيله:ودي اسبق سويره
سعود:وش..... هي معج؟
نجيله :اييه هالحين هي توصل
وفي اعلى الجبل كان مناحي ونواف يراقبوهم
نواف:اييييييه هذي هي صيدتنا
مناحي :مهب هالحين يا مجنون بلاول خل الشباب يروحو
نواف:اسمعو من يتحجا انكتم انت بس
وصلت سويره عندهم وتلاقت عيونها بعيون سعود ونزلت راسها لتحت وكملت طريقها للغدير وعيون سعود تتبعها
نجيله:ايييييه شفت هالحين هي سبقتني وركضت عنهم نجيله ورا سويره
محيميد:ياويل حالي متى ترد ذي علي؟؟
ناظر حمود محيميد بغيض والتفت عنهم وراح
محيميد:خويك وش به علي ؟...تقول بينا حلال مانقسم
سعود وعيونه بعدها عند الغدير:هااه وش قلت؟
محيميد:انت وش بك الثاني؟
سعود:مابي شي مابي شي خلنا نلحق حمود
بالمسا كان الشيخ متعب بمجلس حرمته الهنوف وجاه حمود وسعود وجلسو معه يسولفون
سعود:اجل الهنوف وين
الشيخ:طلبت منها تروح وتنادي لي لبنيات ودي اخذ علومهن واشوف ان كانن يريدن شي وودي اقول ليهن عن قبيلة ولد عمهن سند السنيدي ان كان ودهن يروحن اهناك
سعود:لا يا عمي وش ايروحن ذي ....ما هقوتي يرضن انهن يرجعن للديره الي انطرد منها ابوهن
الشيخ:انا ودي اشور عليهن وهن بكيفهن
سعود:الخوف انهن يفهمن انه ودك اياهن يروحن
الشيخ:لا ياولدي.....
الهنوف عند الباب الي يودي من الخلف:تفضلن الشيخ ينتظركن
دخلت الهنوف ومعها نجيله وسويره الي تفاجئن بوجود الشباب
نجيله:مسيك الله بالخير يا عمي الشيخ
الشيخ:الله يمسيج بالنور تفضلن يابنياتي مابه احد غريب وضحك الشيخ وهو يتذكر وش كان حال الشباب معهن
واحد مع مهبوله والثاني مع رجال... جلست نجيله جنب الهنوف وسويره جنبها مير استخبت وراها لجل سعود ما يشوفها
سعود"وتستحي ياويييييل حالك يا سعود.....وحال ذا الي ماوده يوقف من الرجيف
التقت نظرات نجيله بنظرات حمود الي نزل بنظره بسرعه للارض
الشيخ:وشلونكن يا بنيات ان شالله ماتشكن باس
نجيله:الحمد لله يا شيخ...مانشكي باس وحنا في حماك
سعود"وهي ليه ماتتحجى ...والمهبوله كله ترد عنها ايييييه تستحي يا سعود تستحي
اخذ الشيخ يحاجيهن وقال لهن عن ابوهن وبعدها جاب طاري قبيلة السنادوه
نجيله:حنا ندري ياعمي بقبيلة ابوي مير حنا ماودنا يدرو بينا....حين يعاود اخوي عناد وكاد اننا نعاود للمكان الي عشنا بيه
الشيخ متعب:ومن قال اني راح اترككم ترحلو من الديره....ابوج يابنيتي بيوم من الايام رد الغزو عن ديرتنا واتشوفي حمود ذا خذوه الي غزو الديره وما رده من عندهم غير ابوج
تلاقت نظرات حمود بنجيله مرتن ثانيه وبان فيهن الشوق من كل واحد فيهم
سعود دق حمود على جنبه بيده لجل ينتبه لحاله ونزل حمود عيونه بسرعه
بعدها قال الشيخ انه جازا ابو البنات بسلاح قوي ما ينوجد مثله
نجيله:سلاح ابوي معنا يا شيخ ودك تشوفه يا شيخ؟
الشيخ:اشوفه يا بنيتي
وقفت سويره وقالت ان ودها هي تروح تجيبه
بعد ما طلعت قام سعود:ودي اروح اتوكد من رباط الفرس
وطلع هو من قدام راح للشق ماله بطرف مجلس الرجال واخذ السلاح ودار من ورا قدام بيت سويره
طلعت سويره وتفاجئت بسعود قدامها
سعود:ا ا ال السلاح كا كان عندي
كانت سويره تنظر تحت وللسلاح
مد سعود السلاح ليها
سعود:ت تفض لي
مدت سويره ايديها لجل تمسك السلاح ...ترك سعود السلاح ومسك ايديها وطاح السلاح على الارض
انحرجت سويره منه وماعرفت وش اتسوي حاولت انها تسحب ايديها لاكنه كان ممسكها حيل رفعت نظرها له
سويره:سعووود
سحبتهن حيل ونزلت خذت السلاح وهي واقفه
سويره:انت قليل ادب يا سعود
خلته وراحت عنه وهو قلبه طبول من صوتها
سعود"ايييه قليل ادب ونذل والي تريديه
ركض بعدها لجل يدخل عليهم من قدام والابتسامه ما فارقت شفايفه تلاقت نظراته بيها وجا وجلس بجنب حمود اما سويره جلست قدام الشيخ واخذت تستعرض له السلاح بتفكيكه وتسكيره مرتن ثانيه سعود كان منبسط عليها وتذكر سويري بحركاتها وحس انه اشتاق بعد لسويري لاكن سويري مات
قامت بعدها سويره وجلست مكانها....نجيله كانت تسولف مع الشيخ وتضحك وحمود ميت من ضحكتها اما سعود فكان يتحرك كثير لجل يقدر يشوف سويره الي كانت كل شوي ترجع ورا
الشيخ:اقول يابنيتي ...وش ردج على خطبة محيميد
رفع حمود راسه وكآآن مصيره معلق بيديها
نجيله سكتت شوي بعدها رفعت راسها وجت عيونها بعيونه
نجيله:ودي انا اقول له بقراري
احترق حمود من حجيها وكاد ودها تبشره هي لحالها
الشيخ:الي يريحج يابنيتي
حمود:وانا يا عمي ودي اتملك
نجيله حينها حست ان قلبها انخلع منها
الشيخ:انا ياولدي دزيت مرسول لعم لبنيه لجل يجي يحضر الملكه وباكر ولاوراه يجي وتملك ياحمود
حمود:زين
قامت نجيله بسرعه:ارخص لي يا شيخ
وطلعت بسرعه من دون ما تنتظر سويره الي حست باحراج بعد ما بانت من مكانها ...وقفت سويره ووقف سعود بعد وهو يناظرها
سويره:وانا ياعمي ارخص لي
الشيخ:مرخوصات يابنياتي
خطت سويره خطوه وتبعها سعود بخطوه لوسط المجلس وبعدها طلعت بسرعه وهي تحس باحراج من نظرات سعود الفاضحه اما سعود ظل وسط المجلس ولف لفه سريعه وهو واقف على رجل وحده بعد ما رفع الثانيه ورمى حاله قدام الشيخ وكل رجل من ارجوله في صوب وهو يحط ايديه على قلبه كان راسه قريب من الشيخ
سعود:يا شيخ ولدك انقتل
الشيخ:وش بك ياسعود
رفع سعود جسمه وهو متكي على يد
سعود:اقتلتني بنت السنادوه يا عمي
الهنوف:سود الله وجهك
ضحك الشيخ بصوت عالي وحمود اخذ يهز راسه على هبال سعود
........
سويره لحقت بنجيله الي طلعت من البيت وهي تحاول تكبت بكاها لورا البيت نازله لاسفل تل صغير كان ورا بيتهن واخذ نحيب نجيله يعلا وسويره جالسه جنبها تهديها بالوقت ذا كان حمود يشوف رباط فرسه وسمع الصوت واخذ يتبعه
نجيله وهي تشهق من البكا:وده يقتلني ...وده يقتلني يا سويره
حمود انقبض صدره من ذا الي وده يقتلها والله اني اشرب من دمه
نجيله:حمووووود وده يقتلني
انتفض حمود وش اتقوول؟
نجيله:حموود وده يقتلني....انتي سامعه وش يقول
سويره:يا خيه استهدي بالله
لاكن نجيله صوت بكاها قام يعلو:وده وده يتملك.....وده يقتلني....ما يدري اني اتمنى الموت ولا يكون لوحدتن غيري...انا .انا احبه يا خيه والله اني احبه
حمود حس ان رجوله ما تقدر تشيله وقعد بالارض وهو يحس بقلبه يرجف حييل
نجيله:مقدر مقدر يا خيه ...هو مايدري وش كثر انا هويته..وش وشكثر انا تعلقت بيه...ارجاج يا خيه ماودي اظل اهنيا والله اني اموت ان تملك وانا اهنيا...وحتى هو ماوده اني اظل اهنيا ...خلينا نرحل يا خيه ارجاج...
سويره:اهدي يا خيه اهدي ...انتي كل ليله على ذالحال وهو ما درا عنج
وظلت بعدها نجيله تنتحب ببكاها وسويره ضامتنها لحضنها وهي تهدي بيها
وحمود جلس وهو يحس ان مابه حيل يتحرك من مكانه
قامت سويره وساعدت اختها توقف معها ومشت معها راجعه لبيتهن تالم حمود من شكل نجيله وهي بحضن سويره وهن يمرن قريب منه من دون ما يدرن بيه.....بعدها بربع ساعه راح حمود لمجلس الهنوف وحصل الشيخ وسعود والهنوف وهم يضحكو لاكنهم اول ما شافو وجه حمود اختفت الضحكه
الشيخ:وش بك يا حمود
جا حمود وجلس قدام الشيخ وبخاطره يقول شي لاكن لسانه انربط والشيخ ينتظره يتحجى
الشيخ:وش بك يا حمود تحجى .....حالك مهب عاجبني
رفع حمود عينه بعيون الشيخ يريد يتكلم لاكنه ماقدر
بعدها هز راسه
حمود:ما فيني شي يا عمي الشيخ...ارخصلي
قام حمود بسرعه واقف لاكنه اول ما وقف دارت به الدنيا وطاح عليهم لاكنه ما فقد وعيه
الشيخ وسعود:حمود ...وش بك يا رجال
جلس حمود وهو ماسك راسه:مافيني شي مافيني شي
التفت سعود لعمه:تراه من كمن يوم الزاد ما قاربه
الشيخ:لييه ياولدي ..وش بك ؟تحجا.. تراني مثل ابوك
حمود:مافيني شي ..مير راسي داخ علي اشوي
الشيخ:تريح تريح ياولدي ...الهنوف هاتي له كوب حليب يرد حاله الولد مهب صاحي وجهه يقول انه مهب صاحي...وانت ياولدي تريح اهنيا....سعود اعدل الفراش لولد عمك خله يريح شوي
حمود من الي يحسه بجسمه وعقله وقلبه كان مستسلم ووده صدق يريح من الهم الي كتم على صدره
.................................................. ............
دخلت العمه لشق سند وكان متكي بجنب العنود بنصف جسمه على الفراش وممسك بيدها ويناظر بوجهها دارت العمه من الجهه الثانيه واخذت تناظر بسند وهمست
العمه:سند ياولدي وش الي انت تسويه؟
رفع سند نظره للعمه من دون ما يتحرك من مكانه
سند:وش الي انتي شايفاه ياعمه
العمه:هذي بنت عمك يا ولدي ...مهب اسيرتك الي كانت حلال عليك...بنت عمك حره مهب عبده وانت مايجوز تجلس جنبها هيج....هي مهب حليلتك
سند تفاجئ بالي تقوله العمه وارتخت ايده من ايدها
حينها كانت العنود تحس بالي يدور حولها لاكنها انحرجت تفتح عيونها وهي تحس بيه جالس جنبها وماسك ايد ها
سند وبعده ماتحرك من مكانه:نسيت يا عمه
العمه:قم ياولدي...رح لمجلسك
لاكن سند ظل مكانه وما تحرك وهو يحرك ايد العنود بوسط ايده
العمه:سند ياولدي انت سامعني
سند:هالحين ياعمه اقوم
العمه:الي يشوفك ياولدي يقول ابد ماعندك نيه تقوم
ابتسم سند:عمه اسمع من يناديج برا
العمه:ودك تصرفني يا سنيد
سند:ههههههه مبطي ياعمه ما ناديتيني بسنيد
العمه:ايييه صرت شيخ القبيله وشلون اناديك..مير الي تسويه هالحين ما يقول انك شيخ
سند:هههه من يوم ما جت عنوود السيح وانا مضيع المشيخه
حس حينها سند برجفة ايد العنود بوسط ايده وضغط عليها اكثر لجل تهدا من الرجفه
العمه:اترك لبنيه ياولدي وقم لمجلسك واول ما تصحا اخذها معي لبيتي
سند:لا ياعمه خليكم اهنيا .....وانا ابات بالمجلس
العمه:اييه لجل تظل رايح جاي علينا ياولدي البنيه صارت لها حرمه ما يجوز تدخل عليها بمحرمها...اترك ايدها اترك ايدها وقم
قامت العمه لطرف البيت ورفع سند حاله من متكاه ونظر لوجهها وقرب ايدها من شفايفه وحبها والتفتت العنود بسرعه للجهه الثانيه منحرجه حينها درا سند انها كانت صاحيه بعد ما شك اول ما رجفت ايدها
وقف سند:ياعمه باتو اهنيا....وانا خلاص اعطي لبنت عمي حرمتها ومدخل عليها بمحرمها...تصبحي على خير يا عمه
طلع سند اما العنود ظلت مسويه حالها نايمه وهي تحس برجيف مهب طبيعي بقلبها
.................................................. .........
باليوم الثاني صحيت نجيله وقالت لسويره انها ودها تروح للغدير وطلعت رايحه لحالها
واول ما شافوها مناحي ونواف رايحه للغدير نزلو من على الجبل متجهين ليها لانهم معتقدين انها عشيقة سعود بعد ما شافوها البارح واقفه معه وقدرو يقربو منها من دون ما تشعر وداهموها وكتمو على نفسها بشاش خلاها تفقد الوعي شالوها وارحلو وتركو رساله عند الراعي لجل يوصلها لسعود مير ان بع العيال شافوهم واسرعو لسويره وقالو لها اسرعت سويره للغدير وما حصلت نجيله وجاها الراعي وقال لها ان اسمهم مناحي ونواف وهي رهينه عندهم ولزوم على سعود يجيب ديتها ويلحقهم
جنت سويره واخذت تمشي وهي تبكي وماتعرف وين تروح لين ما لمحوها سعود وحمود وهم جايين من مكان كانو يتدربو فيه بالمنازل اول ما شافت سويره سعود ركضت له
سويره:سعوووود تكفا ياسعوود
كانت تبكي وهي تحاجيه
سويره:سعوود ..نجيله ..نجيله اخطفوها المغاوير...ارجاك ارجاك يا سعود
سعود كانت علومه ضايعه وهو يشوفها تحاجيه وتنادي باسمه
سويره:ارجاك ياسعود ...مدري وش اسوي ...ولا شلون اروح وراها ...هالحين يا سعود انا مابيدي حيله انت تدري وشلون...
سويره:سعووود
سعود:هااه ...وش ..وش
كانت عينه مثبته على الشامه
قرب منها حمود:وش قلتي نجيله وش بيها...حاجيني انا ذا ما منه فايده..وش بلاها نجيله؟
سويره التفتت لحمود بعد ماقرب منها
سويره:المغاوير اخطفوها
حمود:وشلون اخطفوها وليه
رجعت سويره والتفتت لسعود:سعوود انت تذكر مناحي ونواف الي لقيناهم بالجبال السود
سعود:هااه
حمود:قوليلي هم وش ايريدو منها
سويره:يريدون يثارو منا لانا قتلنا جماعتهم من قبل هم اسرونا وقتلناهم بالحيله وهالحين يريدو ديه ويريدو سعود يلحقهم
صرخ حمود على سعود:سعووود
سعود:هااااه وش بك
حمود:انت وش بك البنيه تعتزي بك وات امبلم وش علامك
سعود:هااه مابي شي....هم هم من وين راحو هالحين نلحقهم وانردها ...مشينا ياحمود
سويره:سعوود
التفت لها سعود بينما حمود ركب فرسه وراح
سويره:وانا يا سعود انا لزومن اروح معكم
سعوود:حنا نكفي وباذن الله نعاود بيها
سويره:لا ياسعود...انا ودي اروح معكم
سعود:وشلون ؟خليج اهنيا ....الشيخ مايرضاها
سويره:ارجاك ياسعود ماودي اخسر خيتي بعد ما خسرت عناد ...ارجاك ياسعود...والله اني اموت ان ظليت انتظر
سعود:تعالي...تعالي معي خلينا نحاجي الشيخ بالاول
وركض سعود وسويره تتبعه لمجلس الشيخ الي وصلته هو لعلوم ركض سعود وجلس قدام الشيخ
سعود:ياعمي الشيخ لعلوم وصلتك
الشيخ:وصلت ياولدي وش السواه؟
سعود:البنيه تريد تروح معنا ....وانا ياعمي الشيخ مقدر تراها تصير علوم
الشيخ:سود الله وجهك .....هالحين انت وين وحنا ويين
سعود:ماعليك ياعمي حنا قدها وقدود ...مير اثنيها من السيره معنا
الشيخ:قربي يابنيتي
سويره قربت وهي تمسح دموعها
الشيخ:يابنيتي ارخصي للشباب يروحو ويعاودو باختج وهم قدها وقدود وانتي تريحي ببيت عمتج الهنوف
سويره عاودت تبكي:لا ياعمي الشيخ...ماودي افقد اختي مرتن ثانيه يكفيني الي فقدته بالاوله ارجاااك يا شيخ ...ودي اروح معهم ....ماعندي طاقه للصبر....ارجاك
اخذت بعدها سويره تبكي وقطعت من بكاها قلوبهم
الشيخ:يابنيتي لزومن ان كان ودج تروحي معهم تملكي على سعود بالاول
رفعت سويره راسها منصدمه تناظر لهم بينما وقف سعود
سعود وهو يطلع من البيت:وانا رايح اجيب المليك بالحال
الشيخ:تعالي يابنيتي واجلسي اهنيا ...وكل شي باذن الله يصير مثل ما ودج
دقايق الاوبسعود داخل ومعه المليك
جلس المليك جنب الشيخ وجا سعود وجلس جنب سويره مقابل الشيخ والمليك وقبل ما يبدا المليك
سويره:ياعمي الشيخ ماودي اتملك لسعود
انصعق سعود والتفت ليها والدم جمد بعروقه
سويره وهي تناظر لتحت:ملكني لاي احد ياعمي الا سعود
الشيخ ماعرف وش ايسوي وسعود ظل يناظر عليها من دون ما يقول كلمه....ماهب مستوعب هي وش تطلب....وشلون ماودها اتملك عليها وش الي جاها مني
ظلت سويره تناظر بالارض وهي ترتجف من قرارها
الشيخ:قم ياسعود
بعده سعود يناظرها مهب امصدق الي يصير ودها تملك على شخص ثاني
الشيخ:انت تسمعني يا سعود
التفت سعود لعمه وهز راسه وقام وكان مثل الي انكسر بنفسه شي
وقف بنصف المجلس ونظره متوجه لربعه الي كانو جالسين
التفت الشيخ للشباب:من وده يتملك على لبنيه
الشباب ظلو ساكتين ويناظرو بسعود الي كانت نظراته كلها غيض وغضب
الشيخ:مابه رجال ينتخى
نط واحد منهم:ابشر ياعمي
قام وجلس بجنب سويره مقابل المليك
سعود كان ضاغط بايده حيييل انتبه لواحد من اخوياه كان قد قاله ان وده يتجوز بنت خالته راحله سعود وقاله قم سحبه وراح للرجال الي جالس جنب سويره وسحب الجالس وقعد الثاني لجل يضمن ان هذا يفك ملكته بعد ما يعاودو
الشيخ اخذ يناظر بسعود الي حس به فقد عقله وقبل لا يبدا المليك رجع سعود وسحب الي جالس وقعد هو
سعوود:املك يامليك مابه احد اهنيا وده يروح الا انا وان شبر واحدن منهم خارج الديره قتلته وهي بكيفها ان كان ودها تروح معي ....ترضى بي...وان كان ما ودها خلها تجلس اهنيا
الكل ظل ساكت
المليك:وش قلتي يابنيتي
هزت سويره راسها موافقه وابتسم الشيخ "مافيك حيله ياولدي
انهى الشيخ الملكه وصارت سويره ملك سعود على سنة الله ورسوله
الا ان سعود صار مهب اسعوود الاولي صار واحدن ثاني منجرح من سويره بعد مارفضته
.................................................. .............
العنود اجتمعت عندها كل حريم الديره بعد ما درين انها بنت سند السنيدي ولدهم الي انطرد ظلم...وكل حرمه كانت تجيها كانت تبكي على ابوها والحال الي صار له ...العنود بعد ما وقفت بكا ماكانت تريد تسامحهم على الي صار لابوها وزاد عزمها انها لزومن ترحل من الديره....وبعد ما راحت الحريم غيرت ملابسهاواتوجهت لمجلس الشيخ ووقفت بوسطه
العنود: يا شيخ
التفت سند ناحيتها ونط واقف:ياعونج
العنود:العنوود حره ولا بعدها عبده عندك
سند:حره يابنت عمي وما صارت بيوم عبده لحد
العنود:وكاد اني حره
سند:غصبا عن الي ما يرضى
العنود:ان كان كلامك وكاد ...ماودي حد يثنيني عن الرحيل
سند:وش قلتي؟
العنود:الا ان كنت راجع بكلامك
سند:العنود...هذي ديرتج يالعنود
العنود:ماودي اظل اهنيا .....ودك ترخصلي ولا ويش
سند:ارخص لج يابنت عمي ...ارخص لج مير ما ترحلي لحالج
التفت بعدها سند لسلطان:سلطان ودي اياك تكون مكاني لين مااعاود
سلطان:ياشيخ ...وشلون
سند:لزومن انا اوصل بنت عمي للمكان الي تريده وبعدها اعاود
سلطان:اجل اجهز لكم من يصحبكم يا شيخ
سند:لا ...انا لحالي اروح معها
سلطان:بس ياشيخ....وشلون نخليك لحالك انت الشيخ ولزومن تنحرس
سند:ما ودي باحد يدري اني رايح اوصلها لجل نتجنب اي غزوه...,الرجال لزومن يظلو يحمو القبيله
التفت بعدها للعنود
سند:ودج نمشي هالحين؟
العنود:انا اقدر اسد حالي يا شيخ
سند:ماودي اسمع الكلام ذا...جهز فرسي ياسلطان وفرس للعنود
.................................................. .....

تابع........


قرر الشيخ سند انه هو الي يصحب العنود وياخذها لعند اخواتها بديرة الشيخ متعب وبعد ما جهزو لهم الخيول ودعت العنود عمتها والعمه تبكي وكل حريم الديره واقفات مع العمه يودعن بنت سند السنيدي الي بثت بقلوبهن بيوم الخوف والرعب واليوم اتذكرهن بيوم رحيل ابوها من زمان
العنود ودموعها بدت تنزل:يا عمه تعذري لي من حريم الديره واطلبي لي منهن السماح بالرغم من الي صار تظل ذي ديرة ابوي وحريم الديره بنات عمه وعماته اسمحي لي يا عمه وادعي لي اني الاقي خياتي
العمه:الموفق الله يابنيتي ....وانا لزومن ان قدرت على السفر اني اجي وازوركن
احضنت العنود عمتها وركضت لفرسها وين ما كان سند على حصانه ينتظرها
وبعدها بدو برحلتهم وكانت العنود اول ما مشو تشهق من البكى وتمسح دموعها وكان سند مستغرب هي وش فيها؟؟
بعدها بدت العنود بالركيض بفرسها وابتعدت كثير عن الشيخ الي كان يحاول يوازي سرعتها وما يخليها تبتعد عنه مع ظهور مشكله لسند ما درا عنها الا بعد ما قطعو مسافه في الجري
.................................................. ..
مناحي:اقول يا نواف البنيه بعدها ما قامت
كان نواف يناظر بنجيله المغمي عليها
نواف:انت تشوف الي اشوفه يا مناحي؟؟.....وش ذالزين الي مقد شفت مثله
مناحي:وش انت ناوي عليه يا نواف ....انت ما تقول انك ماتداني النسوان
نواف:اييييه النسوان مهب ذي الملاك
مناحي:انت ودك تخرب علينا الي اتفقنا عليه
نواف وهو يوقف:مناحي....وش اتلف واتدور عليه ....انا ما ودي اسوي شي كل الي اريده هو راس سعود وادي اياه يموت بالاوله من القهر عليها وبعدها اخذ منه كل حلاله وبعدها اذبحه ...هو والمزيون الي كان معه
نجيله كانت طايحه وما كانت مربطه فتحت عيونها وسمعت هم وش كانو يقولو قعدت قاعده والتفتو اثنينتهم ليها وقبل لا يقول نواف شي
نجيله:اني جوعااااانه ودي اوكل
نواف:هاااه
نجيله:انت من ؟
نواف:وش اتقولي؟
نجيله وهي تتلفت حولها:هي معزتي وين؟.......وكاد انكم اكلتوها
مناحي:ما شفنا معزه؟
نواف:انكتم انت .....التفت ليها....معزة ويش الي انتي تقولي عنها
نجيله وبدت شفايفه الاستعداد للبكا:معزتي ....حبرووووشه آ آآ آ آ آ آ آ آ آ آ آ آ آودي بمعزتي انتو وكاد اكلتوها آآآ آ آ آآآ آ آ آ آ آ
نواف يناظر مناحي:مناحي هذي وش فيها؟؟؟!!!!ّ
مناحي:ودها بمعزتها
نواف:مناااااحي وش معزته انت بعد ذي وش فيها لييييه تبكي على المعزه؟؟؟؟
نجيله:آ آ آ آ مناحي هو الي اكل معزتي آآآ آ آ آ آ آ آ
نواف بدا يصارخ:ياحرمه اسكتي
نجيله:آ آ آ آ آ انت ليه تصارخ علي آ آ آ آ آ آ
نواف:ييييييه مناحي هي وش فيها؟؟
وقف مناحي وهو يتذكر شي
مناحي :نواااااف
نواف:وجع
مناحي:تذكر يا نواف يوم كنا نناظر من فوق الجبل وش شفت انا؟؟
نواف:تحجا وش شفت؟؟
نجيله:آ آ آ آ آ آ آ آاودي بمعزتي آ آ آ آ
نواف:اسكتي يا مال الوجع
مناحي:لا هي ماراح تسكت تدري ليه
نواف:لييييه
مناحي :لانها مهبوله ايييه مهبوله انا شفتها وهي تركض وكانت تسوي برجولها هيج
وقفز مناحي وده يقلد نجيله وهي تركض وطاح على وجهه
واعتدل بسرعه ووجه مليان تراب
نواف:والله مابه مهبول غيرك.......وانا استاد مهابيل
نجيله ما ستحملت واخذت تضحك وبعدها اخذت تشير لمناحي
نجيله:هييييه مهبول انت مهبول
مناحي:اقطعي يالهبيله انتي لمهبوله
نجيله:آآ آ آ آ آ ليه تقولي مهبوله آ آ آ آ آ آ
نواف وقف وحط ايديه على وذونه:اسكتي اسكتي ما ودي اسمع صوتج
والتفت لمناحي:مهبوله يامناحي مهبوله.....بليتنا بمهبوله هذي وش ايريد منها سعود
مناحي:وانا وش ايدريني؟
نجيله:اريييييد حبرووووووشه آ آ آ آ
نواف:انكتمي انكتمي انا ما شفت معزتج ذي
نجيله:اييييه وكاد انها راحت يم المرعى
مناحي:ويمكن انها اكلها الذيب
نجيله:وش اتقوووول اكلها آ آ آ آ آ آآ
نط نواف ومسك مناحي من رقبته
نواف:وش ودك اياني اسوي بيك لييييه تخليها تبكي مرتن ثانيه
مناحي :وانا وش دراني؟
نواف:وانت متى قد دريت عن شي
مناحي:نواف نواف المهبوله راحت الحقها يانواف
ركض نواف ورا نجيله ومسكها
نجيله:اريييييد معزتي
نواف:ياجهد البلا....وش البلا الي بليت حالي بيه...امشي قدامي امشي
نجيلا:آ آ آ آ آ آ آ آانت ليه تصرخ علي
لاكنها سكتت اول ما شافت حشره تطير حولهم
نجيله وهي تلحق الحشره واتدور حولين حالها
نجيله:هذي هي هذي هي امسكها امسكها
نواف ماعرف وش ايسوي واخذ ايدور معها لجل يمسك الحشره لين ما سمع مناحي يضحك وانتبه الحاله
نواف:ايييييه انتي ناويه تهبلين بي ...امشي قدامي
نجيله:ودي اكلها
نواف:وش تاكلي ذي ماتنوكل
مناحي:نواف....سرور قال لا تخلو الليل يغط عليكم الا وانتم عندي
نواف:يييييه هذا من وين طلع لي سرور
مناحي:ترا هو الي اسعفك بعد ما طخك خوي سعود لوما لقيته هو وجماعته ما قدرت اسوي انا شي
نواف:ادري ادري انت متى قد سويت شي زين بحياتك بليتنا بسرور والحين بليتنا بالمهبوله ذي
اما سرور فهو رئيس عصابه من قطاعين الطرق الي لهم طاري اكبر وعددهم كبير ومناحي طلب منهم العون لجل يسعفو خويه ومن بعدها صارو اتباع لسرور....ونواف خبر سرور بالي يريد يسويه لسعود والفايده الي راح تجيه من وراه ووافقه على الي يريده
حمود كان يتبع اثرهم وهو قريب منهم لانه مشى وراهم اول ما جاه العلم لاكنه ما قدر يوصل لهم الا من بعد ما وصل مناحي ونواف للجماعه الي تنتظرهم وجن جنون حمود وهو يشوف من فوق الجبل الاعداد الكبيره الي كانت متوزعه في كل مكان ومناحي ونواف الي يجرون نجيله لين الخيمه المنصوبه والمكشوفه من كل جهه وين ما كان سرور وجماعته ينتظرون
سرور وهو يقرب منهم:وش اشوف وش اشوف انتو من وين جبتوها ذي؟؟
نواف:هذي عشيقة سعود
سرور:تضحك على من يانواف...انت تحسبني غشيم انا سرور مابه حد ما دري بي تحسبني معرف المهبوله ذي هي واخوانها الي جننوني عناد وسويري والله انك جبتها انت ماتدري وش كثر انا تعبت وانا ادور عليهم
نجيله الي كان نواف عاصم على فمها كانت ترتجف من الخوف وهي تشوف سرور ماتنسى وقت مر عليها هي وسويره والعنود قاتلن فيه سرور وجماعته ومن بعدها هربن ومن هذاك اليوم وهن الخوف محاوط بيهن
سرور:افتح الرباط افتحه ودي اسمع صوتها
فك نواف الرباط عن فم نجيله وظلت ساكته تناظر فيهم
سرور:وشلونج يا حلوه ...ودي اعرف عناد وسويري وينهم
نجيله بدت تبكي بصوت نشاز:آ آ آ آ آ آ آ آ ودي بسويري وعناد انت قتلتهم آ آ آ آ آ آ آ
سرور:انكتمي انا ما قتلتهم مير ودي اقتلهم
نجيله:آ آ آ آ آانت قتلتهم وقتلت حبروووووووشه
سرور:وش وش حبروشته ذي
مناحي مبتسم:هذي المعزه مالتها
سرور:انكتم
حمود من فوق الجبل منحرق على نجيله وما حس بالي التفو حوليه وصوبو عليه البارود
.................................................. .....
قبل لايمشي سعود وسويره وهم واقفين عند الخيول التفت سعود ناحيتها
سعود:ان كان ودج تلبسي ملابس سويري لجل السفر البسيها
سويره وهي تركب فرسها:سويري مات ياسعود مات
وانت اتحل بمكانه هالحين
ظل سعود يناظرها وبعدها ركب فرسه وانطلق بيها ..كان منطلق بالفرس ومبتعد كثير عن سويره لين ما اجهدهم الطريق وشافو غدير صغير وقف عنده سعود ووصلت سويره ونزلت عن فرسها ....سعود ابد ما التفت ناحيتها وظل يعابل بفرسه ويسقيها ويرشها بالما ولاهي بحاله ...سويره كانت تسقي فرسها وكل شوي تناظر ناحية سعود وهي تحس بوجع بقلبها من تجاهل سعود ليها"وش جاك ياسعود لجل تصد مني هيج مهب انت الي قلت من الاول انك ماتريد تتجوزني لاختك الهنوف ...انا ماغلطت وانا اعفيك من الجواز مني لجل ماتبتلش بي ....تقوم وتصد ولا هي جوازه ارغمت حالك فيها لجل توفي لي وعدك انك ماتتركني لين ما يعاود عناد...والله مدري وش اتفكر فيه"
بالنسبه لسعود كان صعب عليه انه يتجاهلها وهو ميت من قربها منه وين وهي هالحين صارت حلاله لاكنه يحس انه منجرح منها بعد مارفضته عند عمه الشيخ ويحس بحواجز عاليه انبنت بينهم
بعد ما خلصو ركب سعود فرسه وتحرك ولحقته سويره وهم لازمين السكوت
..................................................
العنود حست وهي منطلقه ان الشيخ مهب معها التفتت وما شافته وبعدها رجعت من وين ما جت لين ما لقته واقف على فرسه
العنود:ليه وقفت؟
سند:اجهدتي الفرس حييل يالعنود ودنا نريحها
العنود:ماعليها ودي اوصل لخوياتي ما عندي صبر
سند:مهب بالسرعه ذي ...انتي تجهدين الفرس فوق طاقتها
خلينا نتمهل بالسير
العنود:مقدر ...والخيل ماعليها
بعدها التفتت عنه وانطلقت مره ثانيه لاكنها شافت انه ما لحق بيها
العنود:ان كان ما وده خله ....وكاد انه يلحقني بعدين
لاكن الشيخ مابين وهي قطعت مسافه كبيره بعدها حست انها مضيعه بالطريق فعاودت مره ثانيه وهي تحس بالغيض على الشيخ
العنود:انت ليه ودك تمشي كلامك علي ....اقولك اني مشتاقه لخواتي وانت ولا عليك
سند:ايييه وليه ما كملتي طريقج
سند كان في نفس الوقت غضبان عليها وحست العنود به من صوته
العنود:والحين وش الي تريده يا شيخ؟
سند:خلي الخيل تريح....وما ودي اياك مرتن ثانيه تنطلقي بالفرس بالسرعه ذي
العنود:ليه وشلون ودك اياني انطلق بيها
سند بغضب:العنووود......انتي ناسيه اني تو ما شفت ....وانا تراني ما شوف من مسافه بعيده...ويوم انج تبعدي عني اضيع انتي باي طريق رحتي
العنود انصدمت وحست بوجع من حاله ونزلت من الفرس
العنود:وش اتقول ...وشلون بعدك ما تشوف؟
سند وهو يحط ايده على راسه:مدري ما دريت بحالي الا من بعد ما مشينا
العنود وهي تقرب منه:ودك ايانا نعاود للديره
سند:لا لا ودي اتريح قليل...احس بوجع براسي
وقفت العنود تناظر فيه وهي ما تعرف وش اتسوي
العنود:براحتك يا شيخ
رفع سند نظره لها ونزلت عينها لتحت والتفتت رايحه تربط فرسها
جلس سند بظل احد النباتات البريه الكبيره وضغط بيديه شوي على راسه وبعدها رفع راسه يدور العنود وين راحت وشافها جالسه تحت ظل نباته ثانيه بعيده منه
سند"لييه جالسه بعيد عني مهب كفايه اني احسبج بعيده عني بمشاعرج آ آ آ آه ...ليتج تحسي فيني وبالقلب الي وده ينفجر من حبه ليج وش الي بليت نفسي بيه
اتمدد بعدها سند على ظهره وهو شابك ايديه تحت راسه وعيونه عندها وامنيته لو تكون قريبه منه وما حس بحاله وعينه تغفو
العنود تمللت من جلستها وقلبها قارصها من الخوف عليه ودها لو تكون قريبه منه وتمسد له راسه لاكنها ماتعرف وشلون تسوي هيج فقامت واخذت تمشي ويوم حست بيه مغمض اعيونه قربت منه اكثر لاكنها انصدمت وهي تشوف عقرب كبيره جايه مندفعه ناحية سند ناويه تلدغه وكانت قريب راسه العنود سحبت الخنجر الي معها وركضت بسرعه وهوت على العقرب تريد تظربها وكان سند معيق وصولها للعقرب وفقدت التوازن وطاحت على صدره فتح سند عيونه ورفعت العنود حالها عنه وهي متكيه بيد على صدره والثانيه ماسكه بها الخنجر الي ثبت العقرب واي حركه للخنجر قدرت العقرب بعدها اكمال طريقها
اخذ سند يناظر فيها متفاجئ وش فيها ومن نظراتها للعقرب لف راسه وشافها قريبه منه وفهم السالفه بعدها استوعب وضع العنود ورجع راسه مكانه وهو مبتسم وغمض عيونه
العنود وهي مرتبكه:وش اسوي؟
فتح سند عيونه:دبري حالج الحالج
العنود:وشلون ان حركت الخنجر العقرب كملت طريقها...انت مهب خايف على حالك
سند:انا تحت رحمة الله ثم رحمتج
العنود:ماني عارفه وش اسوي؟
سند كان منبسط من قربها ونسي ان اي حركه للعنود تخلي العقرب تكمل طريقها له
سند:خليها تاخذ حقج مني
عصبت العنود ورفعت الخنجر بسرعه وظربت بيه العقرب
العنود:حقي اخذه بيدي
حينها لفها سند بيديه وقلب الايه وصارت هي نايمه على الارض وهو يناظرها مبتعدين عن الخنجر والعقرب
سند:وشلون ودج تاخذيه
العنود وهي مختبصه حيييل:اتركني انت نسيت اني بنت عمك
سند:وشلون انسى
بعدها اعتدل سند وجلس وقعدت العنود بسرعه وهي تنفض الرمل الي علق بيها
سند:انقذتي حياتي مرتين وانا مدين لج بيهن رغم اني عرضتج للموت اكثر من مره
نزلت العنود راسها تحت بعدها ناظرته
العنود:وش هو وجع راسك هالحين؟
سند:وجع راسي طاب مير وجع قلبي زاد
قالها وقام منهي الكلام
سند:خلينا نمشي ورانا طريق طويل
اتوجهو لخيولهم وركبوها وانطلقو والمره ذي كانت العنود خافه في سيرها ومنطلقه قريب من الشيخ
.................................................. .....
المغاوير مسكو حمود واخذوه لزعيمهم واول ما شافته نجيله اوجعها قلبها وكادت انها تنطق باسمه لاكنها تداركت حالها وسكتت
سرور:منهو ذا؟
المغاوير:مندري ياشيخ كان يناظرنا من فوق الجبل
نواف:مناحي هذا كان مع سعود ما تذكره
مناحي:هااااه مدري
نواف:لادريت ان شاءالله ولا تليت انت متى دريت بشي
مناحي:اييييييه مدري
نواف:والله انه ودي اشق ثيابي منك...ما تذكر الرجال الي كان مع حمود
مناحي:اييييييه تذكرته تذكرته مير ذا مقد شفته
نواف:انكتم انكتم ودك تقتلني
سرور:انت من ديرة الهبيله
ناظر حمود لنجيله الي كانت تناظره
نجيله:ههههه ياليييييييل الشقى ياحمود.....ذا حمود جوز بنت الشيخ
سرور:وش قلتي نسيبه اجل بعدو عنه لا واحدن منكم يحاول يقتله لزوم الشيخ يدري انه عندنا ويرسل لنا ديته بدال الهبيله ذي
نجيله:اييييه انا مهب هبيله انت هبيل آ آ آ آ آ آليه تقول ليه هبيله
سرور:انكتمي
التفت لحمود:ودي اسالك عن اخوانها عناد وسويري انت ما شفتهم
حمود استغرب وشلون هو يعرف سويري وعناد وليه نجيله مسويه حالها هبيله
نجيله:آآآ آ آ آ آ ودي بعناد وسويري
ضحك حمود وهو يتذكر هبالها
سرور:ليه تضحك هااه ليه تضحك انت وراك شي
حمود:اقطع واخس والله ان وراي قوم ...ما تخليك اليوم اتبات على وجه الارض
قرب سرور من حمود وضربه بطرف بارودته
سرور:اتخسى
نجيله ارتبكت وبدت تنتفض وهي تشوف الدم يسيل من راس حمود الي وصل الدم لفمه وتفله بوجه سرور
حينها عدل سرور سلاحه وجهزه لجل يطخ حمود لاكن نواف نط بوجهه ومنعه
نواف:انت نسيت انه نسيب الشيخ ...وشلون تقتله
سرور:ودي اشرب من دمه الخاسي.....والهبيله ذي تراها نفخت لي راسي ابعدوها من اهنيا...اربوطوها وياه اهناك عند الشجره ذيج وخلوني اشوف القوم الي ودهم يجوني اليوم ...والله اني اخلي الدم يسيل ..واطير الروس بالعالي
سحبو المغاوير نجيله وحمود لين عند الشجره واربطوهم بيها
قرب مناحي منهم بعد ما ربطو ايديهم ورا ظهورهم
مناحي:هههه والحين ودي اياج تنفخي ليه راسه تراه هو الي اكل معزتج
حمود:انقلع من اهنيا انقلع
مناحي:يادافع البلا ...وش بلاك انت
حمود:قلتلك انقلع ...لو انك رجال ما ستقويت على حرمه
مناحي:هذي هبيله....شفتها وهي تركض هيج
واخذ مناحي يركض يقلد ركيض نجيله
سرور من فوق يناظره وصوب عليه الباروده وطخ طخه قريبه منه حينها وقف مناحي وهو ينتفض
نجيله نزلت دموعها والتفت ناحيتها حمود
حمود:ليه ليه امسحي دموعج
نجيله :مقدر
بعدها زادت دموعها اكثر وكانت تحاول تكتم شهيقها
حمود:ارجاج ماتبكي....وكاد ان سعود والي معه قريب يجون
نجيله:ليه تجي لحالك ....لو انهم اقتلوك هالحين وش ودك اياني اسوي
حمود:ودج اياني اتركهم ياخذوج ولا سوي شي ....انتي ماتدري ان روحي كان ودها تفارقني يوم اني دريت انهم اخطفوج
نجيله:تسلم لي روحك روحي فداها
غمض حمود عيونه
حمود:اسكتي يا نجيله لاتزيديني وجع
قرب نواف منهم:انتو وش اتقولو؟
حمود:وش ودك اياني اقول لهبيله
نواف:ليه هي تبكي؟ وش كنت تقول ليها
نجيله:يقول وده يجيب لي معزه احسن من معزتي حبروووشه مير انا ودي بحبروشه ويقول ان سمع لي صوت انه ودكم تقتلوني
نواف:اييييه هو صادق ان سمعت لج صوت ...انا الي ودي اقتلج
التفت لحمود:ياحليلك قاعد تصاحبها ...لجل تسكت وكاد انت عارف اشلون تسكت هههه وتضحك عيها تقول ليها ودك تجيب ليها معزه
نجيله:آ آ آ آ آ آ آ آ آ آ اجل هو ما وده يجيب لي آ آ آ آ آ آ
نواف وقف وحط ايديه على وذانه
نواف:اييييه وش الي انا سويته اسكتي اسكتي وده يجيب وده يجيب غصبن عنه
نجيله:آ آ آ آ آ آودي بحبروووووشه
نواف:اسكتي اسكتي والله ان ودي اني ارجعج للديره وارتاح من ضجتج وش ذا البلا
.....................................
وصل الشيخ سند والعنود لديرة الشيخ متعب التفت سند للعنود وهو على فرسه
سند:تلثمي
العنود:وش قلت؟
سند:قلت تلثمي ....واول ما نوصل ودي اياج تدخلي على حرمة الشيخ وما تحجي شي لين انا اخلص حجي مع الشيخ
العنود:مابي طاقه انتظر ياشيخ ودي باخواتي
سند:الصبر زين يابنت عمي...لزومن بالاوله نتاكد انهن اهنيا
العنود:انت قلت انهن اهنيا
سند:هن اهنيا ياالعنود مير ما يدرو ان وحدتن مهب امهبوله والثانيه مهب رجال....العلوم الي جتنا تقول ان سويري واخته المهبوله بالديره ذي.....وانهم يدورو عناد اخوهم
سكتت العنود ونزلت راسها وهي تمسح دموعها
العنود:ارجاك اجمعني بيهن بسرعه
سند:توكلنا على الله خلينا ندخل للديره
تلثمت بعدها العنود وتوجهو لبيت الشيخ ووصل الشيخ ان به ضيوف جاييين
استقبل الشيخ متعب سند وخبره واحدن من وجيه القبيله ان ذا هو الشيخ سند وكان الاستقبال له حافل اما العنود دخلت على حرمة الشيخ الي استقبلتها هي واخت الشيخ وبنت اخته
رحبن بيها وضيفن العنود الي ما وقفت دموعها وهي بيها شوووق لخوياتها ودها تخرج وتصرخ تنادي عليهن مير ان الشيخ وصاها ماتحجي شي
حرمت الشيخ كانت مستغربه منها...وقالت انه يمكن به مشكله عندها هي وجوزها الي هو ضيف الشيخ
الهنوف:يابنيتي اشربي الحليب
العنود:ماودي
كانت تحاول توقف دموعها الي مارضت توقف وهي كل حين تمسحها
الشيخ بعد ما اعطى الشيخ متعب كل الاحوال عرف منه الي صار لبنات عمه واعتزا ووقف واقف
سند:العنوووووووود ......العنوووود
صرخة سند خلت العنود ترجف من راسها لين رجليها
طلعت له بسرعه
العنود:وش صار ياولد عمي
للحضه ارتجف قلبه على كلمة ولد عمي
سند:تعالي اهنيا
قربت العنود وقلبها ممسوك وش الي صار
العنود:وش الي صار ...ارجاك لا تقول ان بيهن شي
سند:المغاوير اخطفو نجيله.....وسويره افزعت مع الشباب بعد ماملكها الشيخ لواحد من عيالهم
العنود:وش اتقول انخطفت
حست العنود ان ارجولها ماتقدر تشيلها...وش ايريدون المغاوير باختها؟حطت ايديها على راسها
العنود:خوفي من سرور وجماعته
سند:من هو سرور.....سرور زعيم قطاعين الطرق
العنود:اييه انت تعرفه
سند:وش ايريد منها
العنود:هو يريدني انا وسويري يريد عناد وسويري هم الي انهبو حلاله وورجوه نجوم القايله...ومن يومها وهو يدور علينا
الشيخ متعب:وش السالفه..ووين هو عناد
العنود:انا يا شيخ انا عناد
الشيخ متعب بلم وماعرف وش ايقول
نط سعد:الي اخطفو البنيه يريدون سعود وقالو خلوه هو الي يجيب الديه ويلحقنا
العنود:من سعود؟
الشيخ:سعود اخو حرمتي وهو الي تملك على سويره
العنود:وش؟
سند:اسمعيني يا العنود ودي اياج تظلي اهنيا وانا رايح وراهم لزوم هم يريدو الحين فزعه
العنود:وانا معاك انا لزومن اروح معك....وان كانو هم جماعة سرور تراهم يريدو عناد وسويري ...افهمني يا شيخ عناد لزومن يروح معك هم يخافو منه والهم احساب معه
ابتسم سند:اجل خليه يلحقني خارج الديره
ابتسمت العنود ورجعت بسرعه لشق حرمت الشيخ
الهنوف:اجل انتي هي عناد اخو لبنيات
العنود:انا هالحين العنود مير ودي اياج تساعديني وتجيبي لي ملابس رجال لجل عناد يلحق بخواته
الهنوف:هالحين اجيب لج الملابس
..........................................

الجزء الاخير........ وديمه العطا




لبست العنود ملابس رجال وكان الثوب لونه اسود مثل ما يحبه عناد معوشال اسود مثل الثوب تلثمت به العنود وركبت فرسها ولحقت بسند الي استقبلها بابتسامه
سند:حيالله بعناد
العنود وبصوتها المبحوح:اتحيا واتدوم ياشيخ
بعدها ضحك سند
سند:ماهقيت اني بيوم اخاوي الرجال الي غار على ديرتي وزعزع امنها
عناد:السموحه ياشيخ
العنود وهي تناظر المرعى قدامها
عناد:ودك ياشيخ اتشوف وش ايسوي عناد؟
سند:وش ايسوي؟
ظربت العنودبرجولها الفرس الي انطلق ودخل بوسط المرعى وطلعت من الجنب الثاني وقربت للشيخ وهي حاطه قدامها معزه
ضحك حينها سند بصوت عالي
سند:تنهب الحلال ياعناد؟
ضحكت العنود بصوتها الانثوي
العنود:هههههههه واكثر مما تتخيل ياشيخ
سند:اترك المعزه لاتقوم علينا رعيان الشيخ متعب
نزلت العنود المعزه والتفتت للشيخ
العنود:وهالحين ياشيخ وش راح نسوي؟؟
سند:انا سالت الرعيان الي شافوهم ووصفو لي الطريق وترا جماعة سرور ماتجلس الا ومحاوطه بها لجبال
العنود:صحيح
سند:وش سالفتكن مع جماعة سرور؟؟
مشت العنود مع الشيخ وهي تخبره عن الاحوال الي مرت بهن مع سرور وجماعته
سند:كل هذا يظهر منكن يابنات عمي
العنود:وان كان الي خطفوها جماعه ثانيه تريد سعود الي قالو عنه
سند:حنا نكمل هالحين طريقنا واهناك نعرف من هم؟؟
وكملو بعدها الطريق متبعين اثار سعود وسويره
اما سعود وسويره فكانو قريب من الجبال الي محتمي بوسطها سرور وجماعته
نزل سعود من الفرس
سعود:خليكي اهنيا ودي اروح واطل من فوق الصخره
سويره:اجي معك
سعود:قلت خليكي اهنيا
صعد سعود التله الصغيره وناظر من وراها وكانت من الجنب الثاني اطل على مساحه كبيره بوسط الجبل متوزعين فيها جماعة سرور وشاف حمود ونجيله المربوطين سوا عند الشجره نزل بعدها سعود بسرعه لعند سويره
سعود:الجماعه كبيره وحمود انمسك
سويره :ونجيله؟
سعود:معه
سويره:وش الحل؟
سعود:لزومن ندبر حيله لجل نقدر عليهم
سويره:اتركني اروح من الجنب الثاني
سعود:وش اتقولي؟اياني واياك تفكري تبعدي من اهنيا...انا ادبرها..خليج اهنيا
ورجع سعود مرتن ثانيه للمكان الي طل منه الا ان الجماعه شافوه واطلقو عليه ببواريدهم سعود ماصابه شي الا انه وهو رافع ايده جت طلقه بيده بين اصابعه وجرحتهن صرخت سويره وجت تركض له وهو ماسك ايده والوجع يعتصره
سويره وهي خايفه حيييل عليه:خلني اشوف ايدك يا سعود؟
رفع سعود ايده عالي رافض مساعدتها
سعود بطريقه قاسيه حييل على سويره:اتركيني....ماودي اياج تلمسيني اني اعرف وشلون اعالج حالي
شق سعود من ثوبه قطعه ولفها على ايده المطخوخه جامع اصبعين وين ما اخترقتهن الرصاصه
سويره حست بوجع كبير بيها وهي تشوفه يرفض مساعدتها بعدها ركض سعود للعالي وقربت منه سويره الي حست انها منجرحه حييل منه
ظلو يراقبون المكان وتحركات جماعة سرور
التفت سعود لسويره الي كانت جنبه ومالها اي صوت وانصدم من الدموع الي تنزل من عيونها ومغرقه وجهها وهي كل ما مسحتها نزلت ماعرف هي ليه تبكي ...هي تبكي على اختها اومن جفاوته لها
حس سعود انهم ناويين يصعدو الجبل من ناحيته وبدا يطلق عليهم الرصاص...سويره حاولت اتوقف دموعها ومسكت الباروده هي بعد ووقفت جنب سعود تطلق الرصاص على الي جايينهم
جماعة سرور كل واحد اخذله مكان يقدر يظرب منه بدون ما يتاذى ومناحي من الخوف جا واستخبى ورا نجيله وحمود
نجيله:مناحي يامناحي
مناحي:وش بج؟
نجيله:مناحي ارجاك ارجاك يامناحي حكني حكني
مناحي :وش اتقولي؟
نجيله:اييييه شعري شعري يوكلني
مناحي:وش اسوي بشعرج؟
نجيله:يوكلني يوكلني يامناحي حكني....اهنيا من قدام
مناحي:وش احكج انتي ماتشوفي القوم غايره علينا
نجيله:آ آ آ آ آ حكني حكني آ آ آ آ آ
قرب مناحي منها
مناحي:وين احكج هااه؟
نجيله:اهنيا اهنيا من قدام
مناحي:اهنيا؟
نجيله:لا لا من اهنيا
مناحي:اهنيا؟
نجيله:جنبه جنبه ورا اذوني
رمى مناحي غترته واخذ هو يحك راسه
مناحي:وين وين تراج جننتيني
نجيله:آ آ آ ه يامناحي اقولك من اهنيا
مناحي:اهنيا؟
نجيله:لا لا انت ماتفهم اهنيا منقدام
مناحي فقد صبره مع صوت البارود:من اهنيا ولا من اهنيا ولا من اهناك ولاوين وين
حمود كان وده يضحك لاكنه كان خايف على سعود الي واقف الحاله يقاتل كل هالجماعه صرخ حمود على مناحي
حمود:وش بك يارجال فك ايدها خلها تحك حاله تراها ضجتنا
مناحي:ايييه وانت صادق ...وش له اضج راسي معها
فك مناحي رباط نجيله الي اخذت بالاول تحك راسها بعدها نطت على مناحي وسحبت منه السيف وهو اول ما سحبته قدر يهرب منها
التفتت نجيله لحمود وظربت بالسيف رباطه وفكته وتهجم عليهم واحد مامعه الا سيف وبارزته نجيله وحمود يناظرها مهب متخيل انها تعرف تبارزوبعد ما ظربته اخذ حمود سيفه
حمود:الحقيني يا نجيله
ركض حمود ولحقته نجيله لاكنه يوم وصل المكان الي يريده التفت وما حصل نجيله وراه لان نواف اعترض طريقها ومسكها وهو يرمي سيفها..... مات حمود وهو يلوم حاله كيف خلاها وراه ومانتبه عليها اخذ يضرب بايده الصخره متندم ومنقهر
صرخ سرور بعد ماتقرب نواف بنجيله لعنده ينادي الي يقاتلونهم من ورا الصخره بالعالي
سرور:عنااااااااااااااد ....ياعناااااااد ان كنت اهنيا اطلع ليه ترا بينا حساب لزومن ننهيه
سعود بغيض:هذا وش ايقول؟
سويره:عناد قاتل اخو سرور يسعود....وش السواه هالحين شلون يصدق ان عناد مهب اهنيا؟
سعود:تلثمي وكلميه على انج سويري وقوليله ان عنااد مات
سويره:اقوول ان عناد مات!!!! مقدر يسعود مقدر اقول هيج
سعود:وش اتريدينا نسوي هالحين من وين اجيب له عنااد وهو يدري ان اخت عنااد عنده....قوليله.... ترا عنااد وكاد انه مات لو كان حي كان جا من زمان انتي لزومن تقري بالحقيقه ذي
نزلت دموع سويره:مقدر ...مقدر يا سعود مقدر
على جبهه ثانيه كان سند والعنود قدهم واصلين وسمعو كلام سرور
العنود وهي تشوف نجيله بيديهم
العنود:والله اني قاتلتك ياسرور اليوم
واول مانوت تطلع لهم مسكها سند وجرها
سند:انتي وش الي ناويه تسوينه؟
العنود:لزومن افك نجيله من ايديهم
سند بغيض:لحالج...انتي ماتشوفي القوم ذولا كلها
العنود:اني قادره لهم
سند:داري انج قادره مير انتي ناسيه اختج بين ايديهم
العنود بقهر:وش السواه ....هو يريدني اتركني اروح له واطلب منه يتركها
سند:وكاد انج انجنيتي....خلينا نفكر وشلون نحلها؟
سرور وهو ماسك نجيله ومطوقها بيديه والخنجر برقبتها
سرور:هاااه ياعنااد ماودك تطلع...ماودك باختك ودك اياني انحرها هالحين مثل الشاه
رمى سعود بشاله لسويره
سعود:تلثمي وكلميه خليه يلهي شوي بالكلام انا ودي اروح للفرس اجيب السلاح الباقي وانتبهي خليه يشوفج ومن بعدها كلميه من ورا الصخره
مسكت سويره الشال وتلثمت به ووقفت على الصخره وكان ثوبها اسود مانتبهو ليه انه ثوب نسوان
سويري:اترك البنت يا سرور اتركها وحسابك معي انا
نواف عرف الصوت:هذا المزيووون هو هو والله وجيت للموت لحالك
العنود صرخت بصرخه مكتومه:سويييييري
وبكت لشوووق قوي لسويري
العنود:مقدر مقدر
حضنها سند وبكت بحضنه تطفي شووقها لخواتها
سرور وهو يفك نجيله:هذا سويري عرفته.......اجل وين عناااد ياسويري
العنود:اتركني ياشيخ
نطت العنود على الصخره الي كانت واقفه وراها
العنود:انا اهنيا ياسرور....اتركها ياسرور اتركها ...ياويلك مني ياسرور
نجيله صرخت :عنااااااد
وسويره التفتت للصوت وصرخت:عنااااااااااد اخوي
التفت سعود لعناد وبالمثل حمود الي كان واقف تحت الجبل
سرور وهو مسرور:اييييييييييه جبتيهم يالهبيله
سند جن وهو يحاول يجرها من فوق الصخره لتحت عنده
سند:انتي انجنيتي انزلي قبل لاتجيج طخه منهم
العنود:ارجاك تتركني ودي اشوف وش ايريد
صرخت سويره:عناااااااااااد
التفتت العنود لسويره:يالبي قلبك ياسويري
سحب سعود سويره بالوقت الي حس فيها ان جماعت سرور ناويين يطخونها وجت الرصاصه بالفضا وهي طاحت بحضنه العنود:سويره....قتلتها يالخاسي والله انك ميت اليوم
ونطت العنود نازله من الجبل تريد توصل لسرور ونط وراها سند ولحقها لين ما قرب منها ومسكها وهو يصرخ عليها
سند:وش الهبل الي ناويه انتي تسويه؟
العنود:اتركني لزومن افك اختي وانتقم لسويره
سند:العنود....تراج مجنونة حرب وماتدري وش الي انتي تسويه...انتبهي واعقلي قبل لاتندمي من الي تسويه
العنود:وش ودك ايانا اجل نسوي؟
سند:ودي اياج توثقي في وتسمعي كلامي وماتتهوري باي تصرف
العنود وهي تبجي :ارجاك....ارجاك نجيله لزوم تنفك من بين ايديهم
هز سند راسه:خليج وراي ....لزوم نعاود لفوق الجبل لجل نقدر نحيط بالمكان كله
حمود...عزم يعاود مره ثانيه من الطريق الي جا منه ويواجه الفرسان الي معهم بس سيوف من غير بواريد....كانت العنود وسند يراقبونه من فوق ودرو انه من عرب الشيخ متعب ولان العنود تذكرته واخذ سند يسانده من فوق ويبعد عنه كل من يحاول يطخه
اما سعود فبعد ما ساعد سويره وجرها من على الصخره طاحت بحضنه وطاحو سوا على الارض رفعت سويره حالها من عليه وهي منحرجه واعتدل سعود
سعود:وش الي سويتيه انا ماقلت لج خليه يسمع صوتج ويشوفج وبعده خليج ورا الصخره
سويره:شفت عناد....عناد حي
سعود:ايييه شفته....هالحين جا الي راح ايسد بمكاني
رفعت نظرها له
سويره:هذا الي ودك اياه؟
وقف سعود:وانتي وش دراج بالي ودي اياه؟....انتبهي لحالج وانا ودي استخدم سلاح ابوج هذا وكاد انه راح يبث الرعب بقلوبهم ....ياله خليج قريبه مني
اخذ كل من سعود وسويره موقع وبدو يطلقون النار على اتباع سرور المتوزعين حوليه
سرور ونواف والجماعه كلها صابهم الخوف وهم يشوفو الطلق جاينهم من كل مكان ...استخبى سرور ومعه نجيله ورا الصخره
العنود وهي تضحك اول ما درت ان سويره ما صابها شي
العنود:شف هذا سلاح ابوي
والتفتت لسند:سويره بعدها حيه ما ماتت
نجيله قدرت تستغفل سرور بوسط الطخ وظربته وهربت منه كانت تركض وما تعرف وين وجهتها حمود شافها واخذ يصرخ عليها لجل تجي عنده ...كانت تركض والطخ محاوط بها... توقف شوي.. وتجري شوي... وحمود بعد قرر انه يترك مكانه ويركض لها لجل يبعدها عن المكان ذا
سند كان يناظر نجيله وقال للعنود:هذي وكاد انها مهبوله وشلون تجري بين طخ البارود
ابتسمت العنود:اييه مهبوله مهبوله
صرخ سعود :حمود انهبل انهبل الرجال ناوي يقتل حاله
وبوسط طخيح البارود التقى حمود بنجيله الي قفزت لحضنه ولمها هو لصدره
وقف سعود كاشف حاله وهو يصرخ:والله انك انجنيييييت ياحموووود هذا مهب وقته خذ لبنيه وابتعد عن الساحه خلنا نورجي الملاعين ذيلا ان الموت حق
ضحكت العنود بوسط دموعها
العنود:شف الرجال وكاد انه يهواها لجل هيج رامي حاله بوسط النار
ابتسم سند"اجل الي تارك القبيله والمشيخه وجاي وراج وش اتسميه"
جر حمود نجيله معه مبتعدين من ارض المعركه للصخور الي تحت التلتين الي واقفين عليها سند وسعود
وبعد ما ابتعدو اشتعلت الساحه كلها بالنار
العنود كانت تنفعل وتصرخ وتنط واقفه على الصخره وسند تعب معها كل شوي يجرها تحت لجل ما تنطق
وبالجهه الثانيه كانو سعود وسويره الي كل واحد فيهم عرف شغله مع خصمه وورجوهم الموت
سند حمود ظهره للصخره وجر نجيله لحضنه
بعدها عنه شوي ومسك وجهها
حمود:اسمحيلي يالغلا والله انه ماكان قصدي اخليج وراي
نجيله نزلت دموعها وحمود مسح دموعها بطرف اصبعه
حمود:نجيله
وضمها مرتن ثانيه
حمود:احبج يانجيله والله اني احبج واني قربت انجن خلاااااص
بعدها عنه مرتن ثانيه ومسك وجهها
حمود:نجيله وش اسوي ؟؟انا ربطت نفسي ببنت اخت الشيخ وانا ماودي اياها...انا اريدج انتي يا نجيله ....سعود يومن انه اشتكى لي ان ماوده ببنت اخت الشيخ مدري وش الي خلاني انط واقول انه ودي اياها ...كنت تعبااان وانا احس اني احب لي وحدتن هبيله ماعرفت وش اسوي...كنت ضايع وفكرت اني بجوازي منها اقدر ارجع حمود لولي...مادريت اني ضيعت حمود الاولي والتالي
دفعت نجيله نفسها لحضنه ماتدري وش اتقول
حمود:هالحين مقدر افرط فيج ....والله اني اسوي كل الي اقدر عليه لجل اتكوني انتي لي...ولا الموت ارحم ولاانا مانكون لبعض
رجع حمود يناظر بوجهها
حمود:قولي شي يا نجيله ....قولي حمود قتلني..قتلني يا خيه بجوازه
نظرت له نجيله مستغربه وعرفت انه سمعها وانحرجت ازود
حمود:تدري ....ان ماقدرت افك حالي من بنت اخت الشيخ والله لااهبل بالقبيله واسوي حالي هبيل هههه....الا قولي لي وش كان ردج لمحيميد تراني شفتج وانتي اتحجي معه وكان ودي اطخكم سوا
ضحكت نجيله:وكان طخيت
حمود:اطخ حالي ولا اطخج...قوليلي وش قلتي له
نجيله :قلت له ماله نصيب بي
حينها ضمها حمود اكثر لصدره
الابطال فوق نزلو لتحت متقربين اكثر للمكان الي فيه سرور
الساحه خليت وما بقا الا العنود وسند بجهه وسعود وسويره بجهه ثانيه وعم المكان صمت وهدوء وكل من سويره والعنود تناظر الثانيه من مسافه
شهقت سويره وحطت ايديها على وجهها من البكا ودقها سعود لجل اتروح لاخوها عناد الي بدا يحس ناحيته بالغيره
سعود:عنااد ينتظرج
رفعت سويره راسها لجهة العنود ومشت وبعدها ركضت وهي ترمي سلاحها للعنود الي جت هي بعد تركض لها وسند يسرع بخطاه معها
سعود واقف يناظرهن:هذا هو عناد ؟؟الي يسمع عنه يقول رجال طول وعرض ويطلع ذا عناد غليويس حاله مرزي
التقت العنود وسويره وكل وحده احضنت الثانيه وبدا البكا عندهن وقف سند قريب منهن ووصل سعود عندهن
التفت سعود المقهور من عناد
لسند:وش به يبكي مثل الحريم؟
ابتسم سند وحرك راسه انه ما يدري
وكالعاده جت نجيله مثل العاصفه ونطت على اخواتها الثنتين وطيحتهن على الارض وهي تحضن العنود الي قعدت
العنود:نجيييييله الهبيله اشتقت لج ياهبيله
وصل حمود عندهم ولمت العنود سويره ونجيله لحضنها وهن يبكن سوا
سند اوجعه قلبه على حالهن وتمنا لو انه دري انها بنت عمه من زمان لجل ما يصير كل ذا
صرخ سعود على العنود:يارجال وش بك تبكي مثل الحريم انت رجال انت؟
العنود وهي تبكي وترفع شالها:لا...انا مهب رجال
نطو حمود وسعود سوا عندها:مهب رجال !!!!!!!!...اجل عنااااد وييين؟
العنود وهي تناظرهم:انا عناد
حمود وسعود كل واحد منهم ناظر الثاني وقالو سوا:عناد حرمه؟؟!!!!!!!!ّ
بعدها ناظر سعود سويره:اجل عناد حرمه اا
نزلت سويره راسها تحت
سعود:لييه ماقلتي لي من البدايه ان عناد حرمه ...لجل افهم وش له كل الحزن الي بيج...ليييه
سويره وهي تناظر لتحت:انا مقلت لك عن حالي وشلون اقول لك عنها
سعود:هه شفت يا حمود ...بنات السنادوه وش سون فينا
العنود:سويره....هذا الشيخ سند السنيدي ولد عمنا
سويره ونجيله:ولد عمنا؟!!!ّ
سند قرب منهن:وشلونكن يابنات عمي
سعود التفت عنهم وهو يحس بضيقه بصدره
صرخ حمود وهو ينزل ويمسك بيد نجيله بعد ماسمع صوت البارود
حمود:احمو حالكم وكاد ان به حد بعده مامات
كلهم اجتمعو واختبو ورا وحده من الصخور
سعود كان بعده فيه غيض اخذ يجهز السلاح وهو يتوعدهم
التفت سند لنجيله الي جالسه جنبه واخذ يناظرها وحمود يناظره
سند:عمتي نجله
ضحك سعود:وشلون عمتك؟؟
سند:اا اقصد تشبه عمتي نجله
العنود مسكت نجيله من وجهها:اشووف ...ايه صحييح...هي العمه اسمها نجله؟؟..ما دريت
ابتسمت نجيله:وعندي عمه
وقف سعود:خلونا نتحرك ونصعد للجبل ...حمود امش قدامنا
وهم يمشو مسك سعود ايد سويره بكف ايده واخذ يمشي ورا حمود
اما سند قدم قدامه العنود ونجيله ومشى وراهم.."طلعو الجبل كلهم وما بقي الا سند وبنص المسافه العنود.... ولمح سند الرجال الي كان ناوي يطخ العنود على اساس انها عناد وكان هو سرور ومثل البرق اسرع سند ولف العنود للجهه الثانيه واستقبل الطخات الثلاث بظهره وحده وثنتين برجله
صرخت العنود وسعود رجع بسرعه من جهه ثانيه ولحق سرور وطخه
العنود وهي تشوف سند طايح ومغرق بالدم وفاقد الوعي طاحت هي بعد ماهب متخيله انه مات
اختبصو الباقي مع الي طاحو البنات مع العنود يحاولن يفيقنهاوحمود وسعود نزعو ملابس سند لجل يلحقو يطلعو الرصاص ويسعفوه
حمود:خلنا نحرك ياسعود ونرجع الديره قبل لا الرجال يموت من بين ايدينا
سعود :ياله ياله ...انت جب البنات وانا ودي اخذه واسبقكم للديره
بعد ساعه كانو كلهم بالديره
اجتمعت الاخوات ببيت الشعر وسند اخذوه لبيت الشيخ وجابو له الطبيب
الفرحه ما كتملت لان العنود كانت تروح وتجي وكل شوي تسال اخواتها ان كان احد جاب علوم عنه
دخلت الهنوف عندهن
الهنوف:ابشرن يا بنات ترا الشيخ سند الحمد لله تعافى
العنود:وكاد ياعمه؟؟
الهنوف:اييه يابنيتي الحمد لله...الشيخ يقول حاله احسن ووده اياه يريح لباكر
مسحت العنود دموعها وتحمدت ربها الي شفاه
بعدها جلست الاخوات سوا وخذن علوم بعض
مر اليوم الاول ومابه احداث جديده غير ان الشيخ سند قدر يسترجع صحته اكثر
الشيخ متعب:ياولدي تريح خل جرحك يبري
سند:الحمد لله يا شيخ حالي زين انا بس ماودي ابطي على ديرتي
الشيخ متعب:انت عليل ما تقدر على السفر ياولدي...تريح لباكر
سند:يصير خير
وبالطرف الثاني كان حمود وسعود جالسين
حمود:وش الي راح يصير للبنيات بعد ما يتشافى هو وده ياخذهن معه
سعود:مدري
قام حينها سعود وراح لشق اخته الهنوف وكانت سويره داخله من الباب الثاني
سويره نظرت له ونزل هو نظره ومشى متجاهل وجودها لطرف البيت دخلت سويره وما قالت شي بعدها التفتت له
سويره:الهنوف قالت لي اجيب لها الجربه الصغيره ..تدري وين مكانها؟
التفت لها سعود وبعدها راح لمكان الجربه وجابها واعطاها اياها خذتها وهي تناظر فيه وهو ماكانها موجوده التفت عنها وده يمشي
سويره:سعووود
وقف من دون ما يلتفت لها
سويره:ان كان ودك تفك الرباط الي بينا انت حر
التفت لها بابتسامه ساخره
سعود:ان كان ودي ؟؟!!! قولي ان ذا هو الي تريدينه
سويره:انت ربطت حالك بي لجل اتوصلني لعناد وهذا هو عناد رجع...ماقصرت بالي سويته لي
سعود بقهر:تريدي تفكي الرباط؟؟
سويره:لجل اعفيك ..وتقدر تروح وتتجوز البنت الي تريدها...تهواها وتعشقها وتحس انها بنيه مهب رجال تراك رجال تحب الزين
سعود:انتي وش اتقولي؟
سويره بدموع بدت تنزل:اقول الحقيقه يا سعود...انت تجوزتني لجل توفي دينك وتلاقيني باخواتي ..انتهت مهمتك..انا مااصلح لك ...انا عشت طول حياتي بشخصية رجال مابي شي من الانوثه مثل ما قلت لاختك
سعود:وش الي قلته لها؟؟
سويره مسحت دموعها:انا سمعتك ياسعود وانت تكلم الهنوف وهي تطلب منك انك تجوزني وانا عاذرتك باسبابك
صرخ سعود:وش الي سمعتيه هاااه سمعتي كم كلمه وصدقتيها ...كم كلمه قلتها منجبر لجل اداري وضعي حينها..... ما تدري بالي بقلبي وحاااله
سكت اشوي والتفت عنها بعدها رجع والتفت ليها
سعود:حاااله من اول يوم شفتك فيه ...صحيح انج كنتي بملابس الرجال وشكلج ما يووحي انج حرمه..لاكن انا كنت ادري بيج ....يكفيني اعيونج الي فضحت حالج من البدايه .....الي اربطت ذا
وضرب سعود بيده على صدره مكان قلبه
سعود:اربطته واسرته وخلته يرجف ليله مع نهاره...
تقدم منها سعود كم خطوه
سعود:ماتدري اني ما قلت لج من البدايه اني داري بج انج حرمه لجل احميج مني وبنفس الوقت ماكنت اريدج تبعدي عني....ماكنت عارف وش كنت انا اريد؟؟ تقولي انه كان واجب...ماتدري ياسويره اني ماكنت قادر ابعد عنج ثواني واني قادر من البدايه اروح ورا عناد واجيبه وانا داري ان الطريق الي مشينا فيه مهب هو الطريق الصحيح مير مدري وش الي صابني وخلاني اوهمج اننا ندور عليه ماكنت ادري انه حرمه كنت اقول انه رجال وماعليه ان سلم من بين ايديهم قادر انه يعاود لحاله صحيح اني كنت نذل بذا كله لاكن والله مدري وش الي صابني ..
وقرب منها اكثر حتى صار واقف قدامها
سعود:تدري انه يوم تبلت الحرمه على سويري وطلب الشيخ ان سويري يرحل من الدير ه اني انجنيت ومديت ايدي على الحرمه يومها وضربتها لانها تبلت عليج وحينها ماقدرت اكتم انج حرمه ....تدري عاد وش صارلي بعدها وانتي حابسه حالج ببيت الشعر ...اسالي الهنوف عن حالي واسالي اهل الديره كلهم مابقي حد يومها ماصرخت عليه وزعلته مني ماكنت قادر على فرقاج ويوم شفتج بمجلس الشيخ يومها عاد ضاعت علومي والحجي ماقدرت انطقه وانتي داريه بحالي يومها.......ولا يوم انج رفضتيني ذبحتيني وانا حي وودج تملكي على واحدن ثاني....وهالحين تقولي ودج تفكي الرباط
سويره:سعوود
سعود:اسكتي
تركها وطلع عنها وخلاها مثل الارض العطشانه
وقفت سويره ودموعها تسيل مهب متخيله ان كل ذا كان سعود كاتمه عنها
جلس الشيخ متعب جنب حمود
الشيخ متعب:حمود ودي اياك بسالفه
حمود بخاطره"الله يستر"
حمود:تفضل ياعمي
الشيخ متعب:ارجاك تسامحني ياولدي بالي ناوي اقوله لك
حمود:وش صاير يا عمي؟
الشيخ متعب وهو مستحي:ال ...اقصد انه بسيرتكم البارح جانا عم بنت اختي
حمود بدا قلبه يرجف من الخوف:اييه الملكه
الشيخ متعب:ياولدي ترا كل شي قسمه ونصيب وبنية اختي جا ولد عمها وطلبها هو صحيح انه اصغر منها بسنه لاكنه قال انه يريدها وانا يولدي استميحك العذر
وقف حمود والتفت للجهه الثانيه وده يطير من الفرحه والشيخ متلوم فيه
الشيخ:ياولدي نق وتخير من بنات الديره وانا اجوزك اياها وكل جهازك علي
حمود ظل ساكت بعدها قال:ما هقوتي ان به نصيب لي بالجواز
الشيخ:ياولدي تراها قسمه ونصيب
حمود التفت للشيخ:اجل ياعمي ودي اياك تخطبلي بنت السنادوه نجيله وان ماحصلت ترا نفسي عايفه الجواز كله
نط الشيخ وتقرب منه:نخطبها نخطبها لك ياحمود وبذن الله توافق
التفت حمود للشيخ ووده يكتم ابتسامته لجل الشيخ ميحس به
حمود:اخطبها لي اليوم وان وافقت ودي اتملك اليوم ماريد بكره بعد يجي لي ولد عم لها وياخذها
الشيخ:صار ياحمود صار
حمود:ارخص لي
طلع حمود من عند الشيخ ووده يصرخ من الفرحه
الشيخ خطب نجيله لحمود من عند سند
في بيت البنات باليوم الثاني كانت العنود نايمه لانها مانامت امس وهي تفكر بالشيخ سند الي كان حاله هو مثل حالها
وقف سعود عند باب بيتهن ونادى سويره الي فزت وفز قلبها معها وراحت له عند الباب
سعود:ودنا طريق الشيخ سند وده يتحجا معكن
سويره:هااه تفضلو ..تفضلو
دخلت سويره وراحت لخواتها ورا الحاجز وين ما العنود نايمه وقالت لها نطت العنود واخذت تلبس ملابسها وهي مهب متخيله انها راح تشوفه
الشيخ سند قلط لمجلسهن ومعه سعود وجت سويره ونجيله وقعدن وتمت عيون سند تنتظر شوفتها"ودها تذبحنيييي وانا مذبوح منها الويش كل ذا التمنع وييينها ما بينت"طلعت بعدها العنود وهي تحس بقلبها يرجف وتلاقت عيونهم وجت وجلست جنب اخواتها
سند:وشلونكن يابنات عمي؟
الرد:الحمد لله
نجيله:انت وشلونك ؟
سند مبتسم:الحمد لله
التفت للعنود:وشلونج يالعنود؟
كانت تحس بهيبته وحست انها ماتقدر ترد عليه
العنود وهي منزله راسها:ال الحمد لله
اخذ سند نفس
سند:جاي وودي اقول لكن موضوع...المفروض انكن تعودن معي للديره
وبدون احساس ردت العنود:حنا ماودنا نرجع لديرتك
صرخ عليها سند:العنووود...بعدني ماخلصت كلامي
كان يفور من القهر والغيض عليها...اخذله وقت لين ماهديت نفسه
كانت العنود منزله راسها حيييل وهي تلوم حالها على الي قالته
نجيله:حنا نسمعك ياولد عمي
سند:الي ودي اقوله ان حمود طلبج يانجيله للزواج
نجيله انصدمت وما تخيلت ان حمود قدر يدبر حاله بالسرعه ذي احمر وجهها وعضت شفايفها
سند:حمود رجال نشمي وشهم واهل القبيله كلهم يمدحون فيه رجال ما قصر وله دور انه انقذج من سرور وجماعته.....وش قلتي؟
ظلت نجيله تناظر لتحت ودقتها العنود وهي مبتسمه لها تشجعها لجل اتوافق بعدها التفتت لسويره الي كانت مبتسمه لها وتهز لها راسها لجل اتوافق
ابتسم سند:هااه وش قلتي الرجال وده يملك اليوم والمليك صار بالمجلس واثق الرجال
نجيله:انت وش اتشوف ياولد عمي؟
ضحك سند:الرجال ماعليه كلام
التفتت بعدها نجيله لسعود:وانت وش تقول يا رجل اختي؟
تفاجئ سعود:هااااه ...وحك سعود راسه...انا اقول اتركيج من حمود ذا وانا اجوزج رجال احسن منه
نجيله وجهت نظره غاضبه لسعود الي نقع من الضحك بصووت عالي
سويره"يالبي هالضحكه"والشيخ سند ضحك معه
سعود:انتي تساليني عن رفيجي...والله لو اتلفي الدنيا ذي ماتحصلي حد مثله يحب مهبوله
التفتت نجيله لسويره:سكتي رجلج ياسويره
بعدها قامت سويره وهي منقهره من سعود
سند:ما قلتي لي يابنت عمي وش ارد للرجال؟
نجيله وهي مستحيه:الي تشوفه ياولد عمي وبعدها راحت بسرعه لورا الحاجز
ضحكو عليها
بعدها التفت سند للعنود
سند:العنوود...هالحين كل وحده من خواتج صارت بذمة رجال وش رايج تعاودي معي للديره؟
رفعت العنود راسها له:ماودي اعاود للديره الي انطرد منها ابوي وانذليت بيها
اخذ سند يناظرها
سند:حتى لو رجعتي معززه ومكرمه وانتي حرمة الشيخ
ارتجفت العنود وهزت راسها بلاا
وقف سند:فكري وانتظر منج الليله رد
وقف سعود جنبه ومسك فيه سند واخذ يساعده وهو يعرج على رجله ومتكي على سعود
سعود:اتكي علي لاتدعس على رجلك
العنود صدمها شكله هيج وظلت قاعده فاتحه عيونها تناظرهم وهم يطلعو بينما شبت النار في صدر سند لرفضها له
حطت العنود ايدها على فمها تحاول تكتم شهقة بكا...وش الي سويته؟؟
سويره الي كان حالها مهب احسن منها والسبب ان سعود طول الوقت مانظر ناحيتها جلست جنب العنود:العنود
التفتت لها العنود:سووويره وش اسوي؟
سويره:ليه تقولي له لاا....انتي تحبيه ياالعنود
وقفت العنود:اني ما قلت اني احبه....انا قلبي وجعني على حاله
سويره:وش؟؟
العنود:هي نجيله وين راحت خلينا نروح لها ونهبل فيها شوي
تملك حمود على نجيله وكانت الفرحه ماليه قلوبهم سوا
ومر اليوم والعنود تفكر وهي ماتعرف وش اتسوي...كانت تقول بنفسها انه ماطلب يتجوزها الا لجل يرد لها كرامتها
باليوم الثاني تفاجئت العنود يوم قالت لها الهنوف ان الشيخ سند عاود لديرته
العنود:عاااود؟....اشلون؟!!!!وشلون وهو مايقدر يمشي زين؟؟
الهنوف:حمود وسعود راحو معه...لجل ايشوفو العمه ويشوفو ان كان ودها تجي اهنيا تسلم عليكن
العنود ماكانت متقبله كل الي تسمعه....شلون يروح وهو قال انه ينتظر منها رد ...ليه مارجع يشوف وش ردها...هي بلاصل ماتدري وش كان يكون ردها ..ليه ما سلم عليها قبل لايروح ؟؟ليه ماوادعها؟؟؟ليه يرووح ؟؟ليه يروح ويتركها؟
قامت العنود:ارخصي لي ياعمه ودي اروح للغدير اجيب مي
طلعت العنود وركضت لفرسها المربوطه جنب البيت وركبتها وانطلقت بيها لبعيد ماتدري وش صابها الا انه كان ودها تبكي وما تريد احد يشوفها تبكي...عنيده